وعليكم السلام ورحمه الله وبركاته
عارف يا محمد هى فعلاً المشكله فينا لأن اللى بيسرق اللى بيقتل اللى بياخد حق غيره ......... الخ هو ده مين ما ده أكيد واحد مننا إحنا مش حد غريب .
فأكيد العيب فينا إحنا مش فى الزمن بس والشخص السىء ده عامل زى التفاحه المعطوبه فى سله تفاح سليمه بتأثر على كل اللى حوليها
ولو حاولت الإصلاح لازم تصتأصل جزء
المهم دى مش قضيتنا إنت مقتنع إن العيب فينا نيجى للجزء التانى
وهو
إحنا عملنا ايه لما عرفنا كده وليه دائماً الفكر فى الجواز أو أى حاجه يعنى
هى المشكله كلها
إن معظمنا بيبقى له هدف واحد فقط لا غير وغالباً بيبقى هدفه فوق طموحه أو فوق إمكانياته بكتير لدرجه المستحيل وبيقعد يمنى نفسه به ويبكى على اللى اح ويخاف من اللى جاى وده اللى بيودينا فى دهيه
لأن غالباً مبيقدرش يحققه ويصيبه نوع من الإحباط وبياخد فتره على ما يفوق ويكون بردو له هدف واحد بنفس النظام
عارف إحنا لو كل واحد فينا رسم حياته على عده مراحل وكذا هدف وبدائل للفاقد واللى يفوت يتعلم منه ونبطل نقول هبدأ من الصفر ونكمل على اللى وقعنا منه يعنى نخلى فيها إمكانيه إستكمال بلغه النت
حاجات كتير هتتغير لأن إحنا اللى بيودينا فى داهيه إننا بنرجع تانى لنقطه البدايه فى حين إننا ممكن نكمل من مكان ما وقعنا وبالتالى بناخد وقت طويل على ما نقدر نحقق اللى احنا عاوزينه
عارف يامحمد إنى توهتك معايا مش عارف مالى النهارده عمال أتوه وأتوه الناس معايا ليه
بس يارب تكون فاهم أنا قصدى ايه