اقتباس:
السلام عليكم ورحمة الله وبركانه
(تلاتين حسنه )
|
وعليكم السلام ورحمه الله وبركاته
الحمد لله
اقتباس:
انا مش كنت ناوية اكتب التوبيك ده النهارده لاني داخلة ربع ساعة كده خطف
وكنت عاوزة اكتبه على رواقة بس ماستحملتش ابقى في المنتدى ومكتبهوش
|
وانا لقيته موضوع كويس قلت ارد عبال مالبتاع ده ينزل
اقتباس:
|
انا عاوزة اتكلم عن ادب الحوار اللي بجد مش لاقياه
|
لا هو موجود يا ايمى بس زى اى حاجه كويسه بتكون نادره
اقتباس:
ممكن اكون مش لاقياه لاني مكونة عنه فكرة بمفهمومي الخاص
هقولكم ازاي
|
اقتباس:
|
يعني انا اعرف ان ادب الحوار ده المفروض تبقى حاجة طبيعيه في الانسان
|
تؤ طبيعيه ازاى بصى الشخصيات بتختلف عن بعضها والمبادىء والقيم ليها مفهوم مختلف عند كل شخص
معظمنا شايف ان اللى بيعمله هو الصح وعشان كده بيعمله
وكل واحد شايف ادب الحوار بوجهه نظر مختلفه
اقتباس:
|
مش المفروض انه يتكلف بيها او يتصنعها او حتى يتعود عليه
|
بردو كل حاجه فى حياتنا بنتعلمها
احنا بنتولد ملناش فى حاجه
المجتمع والناس والاهل والجامع وكل الحجات دى بتفرض عليكى اشياء بتتعلميها
يعنى بفرض انك اتولدتى فى اسره
علاقتاها مع بعض مش كويسه بعد الشر طبعا
الاب ش بيسمع الام
او بيتريق ع كلامها او او
هل هتطلعى انسانه سويه
هل هتقدرى تسمعى اى حد او تتقبلى كلام اى حد
ساعتها ادب الحوار عندك بيبقى حاجه صعبه
لانك متعلمتهوش من باباكى ومامتك
اقتباس:
يعني لما حد يكلمني اسمعه لحد مايخلص كلامه
وادي فرصة لغير انه يتكلم ومقاطعش حد في كلامه
حتى لو كنت انا اللي عاوزة احكي واانا اللي بتكلم استنى لما اشوف رأي اللي قدامي في كلامي ايه
|
اها فى ناس كتير بتكون كده وفى ناس هوائيه
يعنى اول ميلاقيكى بتحكى فى موقف مثلا ع طول تلاقيهم دخلوا فى الكلام
وهاتك يارغى
ولا كانك كنتى بتتكلمى
اقتباس:
|
هو ده اللي انا اعرفه عن ادب الحوار
|
وتقريبا ده اللى نعرفه
اقتباس:
وتقريبا دي بتبقي حاجة طبيعية مش محتاجة اني افتكرها وانا بتكلم مع حد
بس حاليا ادب الحوار بقى مش موجود خالص
|
ده لما تتعودى عليها الاول بتكون شيء طبيعى
زى القراءه فى الاول هتلاقيكى بتهتهى ولا بتعرفى تنطقى
مره فى مره هتتعلمى تقري صح
زى مبتتعلمى ادب الحوار من صغرك سواء من اهلك او او وبتطبقيه بشكل لا ارادى فى حياتك
اقتباس:
احب اقولكو ان انا مع اي واحده من زميلاتي بكون مستمعة وبس 
وده مش باارادتي
هي مش بتديني فرصة اتكلم
حاجة كمان
|
معلش استحملى وحاولى لو انتى فعلا محتاجه تتكلمى معاها
نبيهيها قوليها بهزار يا بت اسكتى شويه ادينى فرصه انطق او حسب الاسلوب اللى بتتعاملى مع الناس بيه
ايه االاحراج ده انا تقريبا اللى بعمل الموقف ده
يعنى ماام تكون بتكلمنى وانا قاعده ع الكمبيوتر
وانا فى وادى وهى فى وادى
تيجى تقولى ايه رايك
اقولها كويس والله وانا مش عارفه الحوار كان ع ايه
وبعدها بنص ساعه تقلى انتى لسه ملبستيش
اتارى كانت بتقلى نخرج نجيب حجات للبيت
وانا وافقت وانا مش واخده بالى
يلا مش مشكله
بس هى فعلا حركه تضايق
المفروض يعنى ان الواحد يسمع للى قدامه
بس فى كام مشكله
اول حاجه احيانا فى ناس بتيجى تتكلم فى اوقات مش مناسبه
ولو انتى قلتلهم معلش مش قادره اتكلم دلوقتى
بيكون النتيجه زعل
فبتضطرى تجاريهم
او
تسمعى وتطنشي
احيانا المشكله بتكون من صاحب الكلام
لما يكون الموضوع ملوش لازمه
زى مثلا
ا
لمغنيه فولانه اطلقت والممثله علنه اتجوزت طليقها
وعملوا الفرح مش عارفه فين فراحت الاولانيه مسلطه شويه بلطجيه وكاسرين الفرح
متسألونيش اتكسر ازاى
بس اهو حوار تافه ممكن نسمعه
واكيد بتكون نهايته انى اسأل سؤال فى حته تانيه
عشان نخرج من دائره الشك دى
اقتباس:
وصحباتي بقى مقكوش
الواحده اول ماشوفها الاقيها تشتغل رغي
احاول بس ارد كنوع من التجاوب معاها
متدنيش الفرصة اني اتكلم
عارفين ياجماعه نظام اللي لما حد يجي يتكلم التاني يعلي صوته يروح الاخ اللي بيتكلم يبطل كلام
انا بيحصل معايا كده
|
هههههههه
خدوهم بالصوت
عادى يعنى يا ايمى
اتعلمى من اختك
هبقى اقلك ع وصفه سحريه تتخلصى بيها من الوش ده
اقتباس:
اكيد صعبت عليكم
|
لا مين اللى كدب وقالك كده
اقتباس:
والله فاض بيا بجد
ممكن يكون موضوع مش مهم بالنسبالكم
بس لما حد يبقى مش عارف يتكلم صعبة جدا
وممكن بردو الكلام ده مش بيكون بيحصل معاكم
بس منتشر جدا في المجتمع اللي حواليا
|
زى مقلت موضوع كويس وبيتكرر كتير
اقتباس:
اخر حاجة
سارة
اللي هي طفلة الامس
كانت ناوية تعمل توبيك زي ده
بس انا سبقتها
فهي طبعا عندها كلام كتير في الموضوع ده
هسيبكم في الرد التاني معاها
لانها اصرت انه يبقى توبيك مشترك
|
يلا ده احسن حاجه بدل مترجع تعمل موضوع تانى ويتشال فى التوبيكس المكرره
اقتباس:
والسلام عليكم ورحمة الله وبركاته
(تلاتين حسنه)
|
وعليكى السلام ورحمه الله وبركاته
بغض النظر عن الموضوع وعبال مالبتاع اللى لسه مخلصش تحميل ينزل
الموضوع ده احنا اخدناه بشكل عام
ممكن نخصصه هنا فى المنتدى
ادب الحوار
اعتقد ان فى كتير مفتقده
انا مثلا بخرج احيانا عن حدود اللياقه بس مش بالشكل الكبير ده من وجه نظرى
احيانا فى ناس مينفعش انك ترد عليهم غير باسلوب معين
الاسلوب اللى بيجمع بين كميتين كبار من الرخامه والبرود
ياما مش هتعرف تتكلم
ومن الحجات المبهجه هنا فى هذا المكان
ان فى بعض المشرفين
بيعدلوا فى ردود
وبيحذفوا فى ردود
اعتقد ان فى بعض الانتقادات اللى بتوجه ليهم
مفروض كمشرف مؤهل يتقبلها
سابو ايه للعيال الصغيره
لو الكلام عادى طب متسيبوه ايه اللى يضايق فى ان حد يقول المشرف ده مش يستحق مثلا
هل هى هتغير منه حاجه بالعكس ممكن يستفيد من النقد ده بكلمه ولا كلمتين
وممكن ميستفدش عادى حسب عقليته وحسب الكلام اللى بيتقال
فزى من اداب الحوار ان الواحد فى العالم الحقيقى ان يسمع التانيين
فى عالم الديجتال ده مفروض نسمع بردو الكلام ومنغيروش