القهوة من الحاجات المهمة جداً
وبره مصر بيصنعو منها حبوب مستخلصات مش عارف موجود منها في مصر ولا لأ
الدراسة فعلاً مش ملزمة
الضرر في القهوة او الكافيين ( المادة الفعالة ) بينتج عن الاستخدام الطويل او انك تشرب قهوة كتير في اليوم
عدد فناجين القهوة اللي المفروض تشربها عشان يجيلك تسمم بالكافيين حوالي 1000 فنجان :D
فبالتالي مفيش منه ضرر اوي
لكن على الاستخدام الطويل القهوة بتسبب التوتر وبعد فترة بتعمل ادمان وهتحتاج تزود عدد فناجين القهوة عشان تعملك نفس الاكشن بتاع زمان
مصطلح اسمه tolerance او التعود
بمعنى انك لو فرضاً بتشرب فنجان قهوة او كوباية نسكافيه في اليوم عشان تركز ساعتين
بعد فترة هتضطر تشرب كوبايتين عشان تعمل نفس التاثير
ودي حاجه مش كويسة طبعاً
حلها انك توقف شرب القهوة واي حاجه فيها كافيين
زي الشاي والكاكاو والكولا والشيكولاتة والنسكافيه والكابتشينو
وده لفترة صغيرة نقول اسبوع مثلاً
هتحس انك تعبان ودايخ وعاوز تنام
لكن بعد كده لما تيجي تشرب فنجان واحد هيعمل تاثير قوي عليك
القهوة مش ادمان
لكن هي ادمان وهمي
بمعنى انك هتحس انك مش هتقدر تستغنى عن القهوة
لكن جسمك يقدر يستغنى
اما الادمان الحقيقي فهو انك حاسس انك متقدرش تستغنى عن الدوا زي المخدرات مثلاً وفي نفس الوقت الجسم ميقدر يستغنى عنها
وفي النهاية شكراً على طرح الموضوع
|