بدون مقدمات
انا لاول مرة اعرف ان فيه منتدى مصري بالشكل ده
منتدى بجد رائع واكتر من رائع
انا لما كنت في ثانوية عامة كان نفسي لما اخلص اعمل منتدى زي كده بس الظروف نستني باه وكلية طب الله يمسيها بالخير
بصراحة احب اشكر القائمين على المنتدى
واعرفكم بنفسي
انا احمد
19 سنة وداخل على العشرينات قريب اوي
طالب طب طنطا الفرقة الثالثة
من مدينة طنطا
ومن 3 سنين كنت مكانكم هنا
والحمد لله ربنا اكرمني وجبت 99.5 % بالمستوى طبعاً
وربنا ياخد الفيزيا اللي نقصت فيها درجتين ظلم :abdoog8: ومنعتني من تحقيق ال 100 %
دي كانت ذكرياتي في الثانوية العامة
انا بحب الاحياء جداً وخصوصاً انها بات جزء اساسي من دراستي
ولو انها بالانجلش الا ان العلم هو العلم
لو حد احتاج اي تفسير في الاحياء بعيد عن الاجابات النموذجية ( يعني لو حبيت تفهم )
وبعيداً عن علوم النبات انا في الخدمة
تمنياتي الخالصة بالتوفيق لكل الطلبة في الثانوية انهم يجيبوا اعلى المجاميع ويخشوا احسن الكليات باذن الله
ومنهم اختي اللي في 3 ثانوي
وخلي بالكم ان الثانوية العامة هي اللي بتحدد ال career بتاعك بعد كده
ومتخلوش اي حد يحبطكم ويقولكم بتذاكرو ليه وتجيبو شهادة والاخر متشتغلوش
اللي يقولك كده اعرف انه مش عاوز غير يجيبك الارض
مصر اينعم مفيهاش شغل
لكن بره مصر الشغل على قفا من يشيل
بس اللي عنده قفا يشيل
يعني الاجتهاد مش مقتصر على الثانوية العامة
الفكرة كلها انك مضغوط بس
لكن بعد كده هتذاكر بمذاجك وتريح بمذاجك
بس الثانوية العامة اهم طبعاً
وبرده مش هننسى الطلبة اللي مش في ثانوي ونقولهم ربنا معاكم على ما بلاكم ( التعليم المصري
)
يلا سلام عشان ورايا كورس فارما
