اولا بشكر حضرتك على االموضوع ده
انا بالنسبة ليا
انا فى كلية الهندسة قسم الهندسة المدنية
وكان عندى مادة السنة الى فاتت اسمها *structure* وكان الدكتور اللى بيدرسها
يعنى صعب شوية وبصراحة ما كنتش بفهم منه حاجة خالص
المهم جه وقت امتحان اعمال السنة وجاب امتحان صعب جدا جدا
وطبعا معظم الدفعة ما حلتش حاجة ف الامتحان ده
المهم انا قولت كده المادة دى باسلامة
وقولت مش هاذاكرها تانى واركز فى المواد اللى فاضلة
وفعلا قعدت بقيت التيرم مركز فى المواد التانية والمادة دى ما فتحتهاش
لحد بقى ما زمايلى فى اقسام تانية قعدوا ينصحونى كتير انى احاول فيها كذا مرة
واعمل اللى عليا وخلاص
فى الاول كنت بضايق لما بيكلمونى فى الموضوع ده لأنى انا اصلا كنت مضايق ان انا خدت القرار ده وعملت كده
فكنت ما بحبش حد يفكرنى بيه
بس هم بصراحة طلعو كويسين جدا معايا وما سابونيش الا لما اقتنعت برأيهم
وفعلا بدأت واحدة واحدة اذاكرها والحمد لله ربنى كرمنى فيها
ونجحت فيها الحمد لله
ده كان قرار خاطىء كنت خدته والحمد لله رجعت فيه تانى بفضل ربنا اولا واصحابى اللى بحبهم جدا
__________________
time is time was but time shall be no more
|