على فكرة .. انا واحد من الناس اللي دخلوا ستار بكس دا وقعدوا فيه
وتسمحلي اقولك ان الكافيه لا يوحي بأي حاجة تدل على انه يهودي بالمرة
والـ waiters اللي فيه مصريين .. والـ stuff اللي شغال كلهم مصريين
وعايز اقولك ان ستار بكس هوا نمبر وان في العالم كله اللي بيعمل احسن فرا****ينو
ولاحظ انه اسمه فرا****ينو .. مش كابتشينو زي مانتا قايل .. لإنها تفرق
وانا مش بدافع ولا حاجة .. بس انا من قبل ماخش الموضوع توقعت انك تقول ستار بكس
لإني فعلا بعد ماخرجت منه صحابي اللي كانوا معايا قالولي انه هما سمعوا انه يهودي
بس صراحة انا ماصدقتش .. ولو هاصدق .. يفرق ايه يعني عن كوستا ولا سالينترو ولا بينوس ؟!
كوستا ايطالي .. وممكن واحد تضرب في دماغه يألف قصة عن كوستا ويقولك دا كان شغال في الموساد ايام الحرب العالمية
والقرش لعب معاه وقرر يفتح سلسلة كافيهات .. وبقت سلسلة عالمية
وهكذا .. ونفس النظام برده يقولك شركة اريال بتاعة مسحوق الغسيل دي يهودية
وييجي يقولك عايز تعرف انها يهودية ازاي .. بص للعلامة .. ويحاول بأي شكل من الاشكال ان يقولك العلامة قريبه من نجمة داوود!!
حاجة تانية برده ييجي يقولك شركة كوكاكولا .. لو قلبت الازازة من ورا هاتقرا الكلام بالعكس مكتوب لا لمحمد !!
عموما الكافيهات مالية مصر .. و مش هاتييجي على ستار بكس يعني
وستار بكس اصلا في مصر كلها مش فاتح غير فرعين .. واحد في سيتي سنتر (مدينة نصر) ..
والتاني في نادي الجزيرة .. فعادي يعني
آخر تعديل بواسطة vampire1188 ، 29-12-2008 الساعة 02:02 AM
|