الولاد زعقانين 😏😬
آه والله رحمه مش طايقه نفسها🙈
رحمة أربع سنوات
الكلام ده 👇 أنا جربته
محقق معايا نتيجة أنا راضي عنها الحمدلله 💚
طبعا بيزهق بس مش زن كل يوم وانا متقبل انه يزهق هتعرف ليه 👇
رمضان ببهجته خلص 😒
ويومين العيد خلصوا
والاجازة لسه في أولها
والحقيقة مش عارفين هيا أمتى آخرها🙄
الولاد ما بين زهقانين على زعلانين
وفي نوع تالت مش فارق معاهم عااادي
وفي نوع رابع مرتاحين من المدارس و التمارين
كل نوع منهم ليه طبعه وليه شخصيته وله أسبابه وبينتج عنه رد فعله للموقف
------------‐-‐---------------------‐--
نعمل ايه ؟؟
سيبوهم يجربوا صدمات الحياة ومتغيرات الحياة .. معلش 😌
مش ده الطبيعي اللي كلنا بنواجهه في حياتنا وفي أشغالنا وفي بيوتنا !!
لو مجربوش المشاعر دي ومتعلموش ازاي يتكيفوا معاها - هيكبروا ويواجهوا مصاعب الحياة ازاي !!!
مش بعقدكم خالص .. أنا بلفت انتباهكم 🙂
هيكبروا يهربوا من المواقف الجديدة😑
هيخافوا يجربوا حاجة جديدة
يتهزوا جدااا من أي تجربة جديدة 🤒
هيبقى عندهم هشاشة نفسية سهل يتكسروا
------------‐-‐---------------------‐--
نعمل ايه معاهم ؟ دورنا ايه في المرحلة دي ؟؟
تخيلوا اننا في موقفنا دلوقتي نقدر نعلم ولادنا ..
هقولك ازاي 👇
1️⃣ نسمعهم
( يووووه انا زهقت انا عايزه اروح عند ايمان عايز اروح عند أسماء صلاح عايز اروح عند ..... )
2️⃣ تقدير وتعاطف وإقرار لمشاعرهم ❤
( أنا عارف انك زهقت فعلا احنا بقالنا كتير مخرجناش )
3️⃣ نسألهم ونفكر معاهم
( لما يهدواااااا ويخلصوا نوبة الزن )
(ممكن نعمل ايه يساعدنا نتخطى الوضع ده ؟ نقلل الزهق ازاي ؟؟ )
4️⃣ نساعدهم بمقترحات ببدائل
( نفَتح معاهم مخهم نعمل Brain Storming ونكتب كل البدائل دي )
✅ مثال : تيجي نلعب خلاويص .. تيجي نلعب القطة العامية تيجي نعمل مسابقة جري .. تيجي نحكي قصة .. انا بقول مرة هو يقول مرة وبقول شوية حاجات يالا نقعد في البلكونة شوية )
5️⃣ نحط نظام Set a System
( روتين لأن الأولاد بدون روتين بيحسوا بقلق وعدم أمان - مش عارفين هما هيعملوا ايه او بيحصل ايه وهيحصل فيهم ايه )
✅ مثال : بنصحى نغسل وشنا ونغسل أسنانا ونفطر أي حاجة بتطلب قبل ال٣ حاجات دول بقوله ال٣ كلمات دول
فبقت تصحى تجري على الحمام علشان تيجي تقولي انا غسلت وشي وتبدأ تطلب . بعد الضهر هنعمل ايه .. بعد العصر .. بعد المغرب .. بعد العشا .. انتي فكري الأول ايه مناسب ليكي وايه متاح .
⚠️الروتين والنظام ثابت ولكن اللي هنعمله متغير من الأفكار اللي جمعناها وفكرنا فيها سوا ..
6️⃣ أنت مش مسؤل عن سعادتها انت مش CLOWN هتقف تتنطط علشان هي تتبسط 🤨
7️⃣ أنت بتهتم بيها وبتتعاطف معاها وبتساعديها وبتوفري بدائل وهى المسؤلة عن التنفيذ وعن انها تبسط نفسه بالمتاح ليها اللي فكرتوا فيه سوا ( في رقم 4 ) سيبها تبدع
------------‐-‐---------------------‐--
هينتج ايه بقى عن ال 5 نقاط اللي فوق ؟؟
- اتعلموا أسلوب حل المشكلات .
- اتعلموا انهم يسمحوا لنفسهم أنهم يعبروا عن مشاعرهم انها حق ليهم وازاي يعبروا صح .
- اتعلموا اننا نقبل ونغيير اللي نقدر نغيره .
- اتعلموا الصمود .
- اتعلموا إزاي يتخطوا العقبات .
- هيحسوا بقيمة الأشياء اللي كانت في حياتهم وهيقدروا يحددوا اختياراتهم .
🌱تخيلوا انهم نقدر نعلمهم مهارات الحياة !!!
🌱تخيلوا ان بعد كده لما هيبقى عنده مشروع يا هيختار انه يعمله علشان مهم ليه ويصمد فيه
أو هيغيره ويختار الأهم بالنسبة له.
------------‐-‐---------------------‐--
اللي هنتعلمه احنا وولادنا في المرحلة دي من عمرنا
مكنوش هيتعلموه في المدرسة دلوقتي خالص لو كانوا هيتعلموه أصلا .
اسمحوا لأولادكم يتعلموا وقت الأزمة
بأنهم يزهقوا يحبطوا يعبروا يفكروا يجربوا يحلوا 👌
💡💡قلى ايه نوّر معاك او معاكي من الكلام ده ☝️
وهتجرب او هتجربي تطبقيه مع ولادك؟؟؟
|