[الاستاذ محمد سرور]

السلام عليكم ورحمة الله وبركاته

يامستر انا مش عارف احفظ القوانين
يا مستر كل ما احفظها انساها
يا مستر القوانين بتدخل فى بعضها
يا مستر انا مش عارف ازاى استخدمها

كل دى اسئلة من الطلاب والحل باذن الله للمشكلة دى بسيط

بداية انا بقسم القوانين كلها لثلاث قوانين ( مسلمات الاحتمال ) + 7 تحويلات ..تعالى معايا بالراحة كدة وبعدين قولى ايه الاخبار حفظتها ولا لسه

اولا القونين

1*الاتحاد

ل ( أ اتحاد ب ) = ل ( أ ) + ل ( ب ) – ل ( أ تقاطع ب )

2

*الفرق

ل ( أ ــ ب ) = ل ( أ ) ــ ل ( أ تقاطع ب )

3*المكملة

ل ( أ َ ) = 1 - ل ( أ )

وكل اللى مطلوب منك ان اى سؤال تحوله لاحدى الصور السابقة تمام

نيجى بقى للتحويلات
اولا لما يكون أ و ب عليهم مكملة ناخدها بره القوس
ونقلب العلامة اللى فى بينهم

( أ َاتحاد ب َ ) =( أ تقاطع ب ) َ
( أ َ تقاطع ب َ ) = ( أ اتحاد ب ) َ

ونكمل بقانون الفرق ماشى

ثانيا الاتحاد وواحدة بس عليها مكملة أ او ب ناخد المكملة برة القوس
واللى عليها مكلمة توضع فى الاول ونقلب الاتحاد فرق

( أ َاتحاد ب ) = (أ ــ ب ) َ
( أ اتحاد ب َ ) = ( ب ــ أ )َ

ونستخدم قانون المكملة ومن بعده الفرق ماشى

ثالثا التقاطع وواحدة بس عليها مكملة أ او ب
نقلب التقاطع فرق واللى عليه مكملة يوضع فى الثانى بعد الفرق

( أ َتقاطع ب ) =( ب ــ أ )
( أ تقاطع ب َ ) = ( أ ــ ب )

ونستخدم قانون الفرق ماشى

رابعا حدوث ايهما فقط تحول كالتالى

ل [ ( أ ــ ب ) اتحاد ( ب ــ أ ) = ل ( أ اتحاد ب ) ــ ل ( أ تقاطع ب )

ملحوظات
اى كلمة تفيد الاختيار مثل ( أو ـ ايهما ) فهى تعنى اتحاد
اى كلمة تفيد المصاحبة مث ( و ـ معا _ كلاهما ) فهى تعنى تقاطع
كلمة فقط تعنى فرق مثل حدوث أ فقط فهى تعنى ( أ ــ ب )
عدم حدوث الشىء تعنى المكملة مثل عدم حدوث أ تعنى ( أ َ )

مهارات من اعدادى
اذا كان
أ جزئية من ب بمعنى أ الصغير , ب الكبير
فان

أ تقاطع ب = أ (الصغير ) , أ اتحاد ب = ب ( الكبير)

وطبعا لو أ وب متنافيان هيبقى ل ( أ تقاطع ب ) =صفر

واخيرا بقى الحاجة اللى بتخنق الناس كلمة على الاكثر وعلى الاقل صح

على الاكثر تعنى ( أ َ اتحاد ب َ ) اتحاد وعليهم شرط
على الاقل تعنى ( أ اتحاد ب ) اتحاد من غير شرط

وطبعا فى كل اللى فات بنرجع للثلاث قوانين الاولى