[Magic Sword]

السلام عليكم ورحمه الله وبركاته
هذه ان شاء الله ستكون اخر مقاله عن ماده الاناتومي لنتركها ونذهب لماده اخري من المواد ان شاء الله وهذه المقاله عباره عن اول اربعه محاضرات عن الاناتومي في الكليه ان شاء الله سائلين الله التوفيق والسداد
مقدمة بسيطة في منهج الاناتومي

دي مقدمة لمنهج أناتومي سنة أولى
المقدمة دي عبارة عن جزء من منهج ال introduction of anatomy الكتاب الازرق الصغير ..
المقدمة دي هتعرفكم بالمادة وايه طبيعتها وازاي هتذاكورها .. يللا نبدأ
المحاضرة الأولى

المحاضرة كلها كانت بتشمل اربع مجموعات من المفاهيم اللي بيعتمد عليها منهج التشريح كله وحتى منهج الجراجة في سنة سادسة ان شاء الله ... يعني الكلام ده عمر ما طالب طب مايبقاش عارفه ..
المفاهيم والمصطلحات دي هتلاقيها معاك طول مسيرتك في منهج الاناتومي لحد ماتبقى حاجة لا تذكر
الاربع مجموعات من المفاهيم هي ..

1. Anatomical position
2. Anatomical planes
3. Anatomical adjectives
4. Anatomical movements

هنبدأ مع بعض واحدة واحدة نفهم كل مجموعة بنوع من التفصيل أكتر ...

• أول مجموعة أو أول مفهوم هو ال Anatomical positionنص عريض ...

العلماء في كافة انحاء العالم اتفقوا على وضع محدد للجسم يقدروا عليه يوصفوا أماكن الاعضاء وكمان أماكن الاصابات زي الحروق وغيره انا مقدرش احدد المكان بالضبط اذا مكنتش محدد وضع معين للجسم وصف الوضع اللي كل العلماء اتفقوا عليه يتلخص في اربع نقط :

1. the person is standing erect : يعني الجسم لازم يكون منتصب او مستقيم (erect = منتصب)
2. the arms are straight by sides : يعني الذراعين مفرودين بجانب الجسم
3. Palms and eyes facing forwards : يعني الكفين والعينين بيتجهوا الى الامام
4. the legs are closed together : والارجل تبقى مقفولة ع بعض

وفي النهاية هيبقى شكل الجسم كده ..

كده هنكون خلصنا أول مجموعة ..

• تاني مجموعة هي Anatomical Planes

plane = مستوى من الفراغ الموضوع محتاج تخيل شوية انا هتخيل ان جسم الانسان عبارة عن اسطوانة المستوى ده هنعتبره لوح زجاجي بيقسم الاسطوانة دي الى اجزاء متساوية أو غير متساوية على حسب المستوى ده
-أول مستوى هو ال sagittal plane وده مستوى بيقسم الجسم الى نصفين يمين وشمال ومتساويين .. هكذا

-تاني مستوى هو ال Parasagittal plane ... لو جيت تفصفص الكلمة هتلقيها كالتالي para = بجوار sagittal =المستوى اللي اتكلمنا عليه من شوية وده معناه ايه ؟؟ .. معناه ان المستوى الجديد ده برضه بيقسم الجسم الي جزئين يمين وشمال بس غير متساويين ... هكذا

- تالت مستوى .. هو ال Coronal plane وده مستوى بيقسم الجسم الى جزأين امامي وخلفي بس مش شرط يبقوا متساوين

-رابع مستوى اسمه Mid-coronal plane وده مستوى بيقسم الجسم الى نصفين امامي وخلفي متساويين

-خامس مستوى هو ال transverse plane وده بيقسم الجسم لجزأين فوقي وتحتي

يبقى كده احنا خلصنا المجموعة التانية ..

• المجموعة التالتة ..بتتكلم عن ال Anatomical adjectives

احنا اتفقنا اننا لما نيجي نوصف مكان عضو في الجسم أو مكان حرق .. لازم نوصف مكانه بدقة تامة ..

هتقولي ليه ؟؟
هقولك مثلا لما الجراح ييجي يفتح على عضو داخل الجسم .. مش هيفتح فتحة كبيرة ويقعد يستكشف وينقب عن العضو ده جو الجسم .. لا ده بيكون عارف بالظبط مكانه من قبل ما يفتح عشان نحدد بقى مكان العضو ده .. هنحدده بالعلاقة باللي حوليه من الاعضاء وعشان يكون كلامنا كلام علمي .. فيه مجموعة من الصفات ممكن نستعملها لوصف مكان العضو ده .. زي الصفات دي

- Proximal يعني قريب .. طب قريب من ايه ؟؟ .. قريب من الجذع وعكسها distal يعني بعيد عن الجذع برضه مثلا : افرد ذراعك في الاناتوميكال بوزيشن ..عبن نقطة أ على مفصل الرسغ wrist joint وعين النقطة ب على مفصل الكوع elbow joint لو طبقنا الصفتين دول ع النقطتين هنقول :
the point a is distal to the piont b
the point b is proximal to the point a

- superficial يعني سطحي وعكسها deep يعني عمييييق طب ازاي ؟؟ .. سهلة .. عين نقطة أ على سطح الجلد ونقطة ب على سطح القلب يبقى ..
the point a is superficial to the piont b
the point b is deep to the point a

- palmer يعني بطن اليد أو الكف و planter هو بطن القدم
- prone يعني الشخص مستلقى على بطنه و supine يعني الشخص مستلقي ع ظهره
- anterior يعني امامي وعكسها posterior يعني خلفي
- Superior عني فوقى وعكسها inferior يعني تحتي

- نيجي ل Medial و Lateral medial يعني انها النقطة الاقرب الى الخط الذي يقسم الجسم الى نصفين متساويين يمين وشمال وهو mid-line lateral يعني انها النقطة الابعد عن خط المنتصف اللي قولنا عليه
مثلا .. حط ذراعك في الاناتوميكال بوزيشن .. عين النقطة أ على صباعك الصغير اللي بيقولو عليه الخنصر the little finger وعين النقطة ب على الابهام thumb ولو جينا طبقنا الصفتين دول على النقطتين أ و ب هنقول .. the point a is medial to the piont b
the point b is lateral to the point a

كده نبقى خلصنا المجموعة التالتة ..

• يتبقى المجموعة الرابعة والاخيرة .. وهو ال Anatomical movements

احنا طول الوقت بنتحرك .. الجهاز الحركي بتاعنا بيتكون من العظم والعضلات وشوية حاجات هتعرفوها بعدين .. طبعا انتم عارفين ان انقباض العضلات بينتج عنه تحرك العظم وانتاج حركة معينة الحركات دي لها اسماء معينة .. الحركات دي زي
- Flexion : حط ايدك في الاناتوميكال بوزيشن واتني ذراعك Extention : افرد دراعك اللي ثنيته من شوية

ولو طبقت الحركتين دول على مفصل الركبة هتبقى كده

- Abduction : ابعد الاطراف عن الجذع

Adduction : قرب الاطراف اللي بعدتها من شوية

- Supination : لف كف ايدك بحيث راحة اليد تبقى لفوق Pronation : لف كف اليد بحيث راحة اليد تبقى لتحت

- Medial rotation : حط ايدك في الاناتوميكال بوزيشن وبعدين لف ايدك بحيث ان الابهام يلف للداخل Lateral rotation : لف ايدك تاني بحيث الابهام يلف للخارج كانك بترجع للاناتوميكال بوزيشن تاني
- Elevation : ارفع كتفك لفوق Depression : نزل كتفك المرفوع
- Protraction : مد ذراعاتك الاتنين كانك بتزق الحيطة retraction : رجع كتافك لورا (الوقفة العسكرية)
- Opposition : حركة العد ع الأصابع أو التسبيح

- Circumduction : حركة مركبة من الفليكشن والاكستنشن والابدكشن والادكشن .. وبتبقى كده ..

المحاضرة الثانية

هنتكلم في المحاضرة دي عن خمس مواضيع:

1. الجلد Skin
2. ال fascia وهنعرف يعني ايه وهي فين وفايدتها ايه
3. الهيكل العظمي The skeleton واجزاؤه واسماء العظم

• أول حاجة هنتكلم عنها هي ال Skin

احنا عارفين من ثانوي ان Systems ----> Organs -----> Tissues ----> Cells
الجلد بنعتبره من ال Organs اللي في جسمنا
الجلد لو فردناه بتوصل مساحته لحوالي 2 متر مربع تقريبا .. عشان كده بنعتبره اكبر عضو في جسم الانسان
لو جينا لتركيب الجلد اللي هو organ هنلاقيه بيتكون من مجموعة من الانسجة tissues ..
الانسجة دي رتبناها في طبقات كالتالي من الخارج للداخل

1. Epidermis اللي بقة البشرة .. الطبقة دي بتتكون من نسيج اسمه Epithelium tissue اللي هو النسيج الطلائي اللي سمعته عنه في ثانوي ..
2. Dermis اللي هي طبقة الادمة .. الطبقة دي بقى بتتكون من نسيج تاني اسمه Connective tissue اللي هو بالعربي النسيج الضام

طبقة الادمة دي بتحتوي على شوية حاجات زي hair follicle و sweat glands و nerve endings اللي هي النهايات العصبية

تركيب الجلد يا جماعة هتاخدوه بالتفصيل ان شاء الله في الهستولوجي .. فيه شابتر كامل عن الskin .. دي بس كلمة بسيطة أوى عن تركيبة
وظايف الجلد Function of skin بتبقى

1. Protection .. حماية للاعضاء الداخلية
2. Barrier .. يعني حاجز بيمنع دخول الميكروبات للجسم وبيمنع خروج بعض الحاجات زي بخار المية .. بخار الميه لما يخرج من الجسم بكميات كمية هيعمل حاجة اسمها dehydration يعني جفاف
3. Sensation يعني احساس .. عن طريق ال nerve endings الموجودة في طبقة ال Dermis
4. Secretion يعني افراز .. زي افراز العرق من ال sweat glands

بكده احنا خلصنا اول موضوع من المواضيع اللي اتشرحت النهاردة

• تاني موضوع هو ال Fascia

قبل ما نتكلم عن الفاشيا .. عايزن نتكلم شوية عن ال Connective tissue بيتكون من ايه وايه هي وضيفته وموجود فين ..
ال connective tissue عبارة عن نسيج بيربط كل حاجة ببعضها في الجسم .. بيربط الانسجة التانية ببعضها .. في جملة بيقولها د حجازي دكتور الهستولوجي .. بيقول ان ال organs في الجسم عايمة في بحر من ال connective tissue
النسيج ده بيتكون من تلت مكونات اساسية .. matrix بعني ارضيه و الياف fibers وبين الالياف موجود عدد كبير من الخلايا cells بأنواع مختلفة
على حسب نوع Cells و fibers و matrix .. ال connective tissue بيتقسم الى انواع كتيره.. منها ال Cartilage وBone و غيرهم .. احنا بس دلوقتي علينا نعرف ان الكارتلج والبون اصلهم connective tissue ..

نرجع بقى لموضوعنا الاساسي .. اللي هو ال fascia
احنا قولنا ان الجلد بيتكون من epidermis بعدين dermis .. تحد الجلد وبينه وبين العضلات فيه حاجة اسمها fascia ترجمتها بالعربي اسمها لفافة أو لفيفة الفاشيا دي بتتكون من connective tissue برضه .. يعني برضه ارضيه والياف وخلايا..
الفاشيا بتتقسم الى
- Superficial fascia
- Deep fascia
ال Superficial fascia عباره عن loose connective tissue يعني كونيكتف تيشو ضعيف عدد ال fibers فيه قليلة ونوع الخلايا اللي فيه Fatty cells يعني خلايا دهنية
وظيفة ال superficial fascia اربع حاجات ..

1. connects between thr skin and the underlying deep fascia بتربط بين الجلد وال deep fascia
2. Heat insulator .. بتعزل الجسم حراريا عن الوسط المحيط عشان ميتأثرش بدرجات الحرارة العالية أوي أو المنخفضة أوي
3. Energy stores .. بتخزن الطاقة وقت ما الجسم يحتاجها
4. Gives the body its rounded contour .. الفاشيا دي بتدي الجسم شكله الطبيعي ودي اللي بتفرق من الواحد الرفيع أوي اللي عظمه باين وبين الواحد التخين اللي عظمه مش باين

ده مقطع عرضي في البطن
نيجي ع ال deep fascia ..
الديب فاشيا دي عبارة عن dense connective tissue يعني كونكتف تيشو كثيف وجامد جدا .. ليه ؟؟ .. عشان ال fibers اللي فيه كتيرة أوي والحكايه دي بتدي النسيج قوة تحمل كبيرة جدا
طب الفاشيا دي موجودة فين ؟؟
جسمنا كله ملفوف في ديب فاشيا .. بمعنى..
العضلات كلها ملفوفة في ديب فاشيا وكمان بين العضلات وبعضها في ديب فاشيا عشان تفصل بين العضلات المختلفة في الوظائف عن طريق حواجز اسمها septa
طب الفاشيا دي ماسكة فين .. ؟؟
هقولك انها ماسكة في العظم والمفاصل وساعات في العضلات نفسها
الفاشيا دي ممكن تتخن أوي في اماكن معينة عشان تحمي الاماكن دي من الاصابة زي حاجة اسمها ال palmer aponeurosis ..
وفي نفس الوقت ممكن تبقى موجودة في أماكن عشان تثبت اوتار العضلات في اماكنها وتمنعها انها تتحرك زي حاجة اسمها flexor retenaculum الفاشيا دي بتبقى مش موجودة في اماكن معينة زي ال anterior abdominal wall اللي هو جدار البطن الامامي .. طب ليه مش موجودة ؟
عشان في حالة الfemales في الحمل pregnancy ممكن الفاشيا دي تمنعان البطن تكبر لان احنا قولنا انها جامدة وكثيفة
كمان مش موجودة في الوجه عشان تقدر تعبيرات الوجه تظهر بسهولة
الفاشيا دي بتتسمى باسم العضلة اللي هيا عليها أو اسم المنطقة اللي هي موجودة فيها زي ال pectoral fascia اللي حولين عضلة اسمها pectoralis major .. و ال axillary fascia في منطقة ال axilla

ودي الديب فاشيا وهيا بتلف العضلات وتفصل ما بينها

axilla

flexor retinaculum
palmer aponeurosis
كده احنا خلصنا تاني موضوع ..

• تالت موضوع بيتكلم عن ال skeleton بتاع الجسم كله واجزاءه

ببساطة السكيليتون بيتكون من :
- Skull الجمجمة اللي بتتكون من جزئين :
- Cranium
- mandible الفك السفلي
- Shoulder girdle الحزام الكتفي .. اللي بيتكون من:
- Clavicle
- Scapula
- Upper limb الطرف العلوي .. بيتكون من
- humerus
- radius
- Ulna
- carpal bones
- metacarpal bones
- Phalanges
- Pelvic girdle الحزام الحوضي .. بيتكون من ال hip bones
- Lower limb الطرف العلوي .. بيتكون من
- Femur
- Tibia
- Fibula
- Tarsal bones
- metatarsal bones
- Phalanges
- Vertebral column .. بيتكون من فقرات vertebrae بتتقسم
- 7 cervical .. عنقية
- 12 thoracic .. صدرية
- 5 lumbar .. قطنية
- 5 sacral .. عجزية
- 3-5 coccygeal .. عصعصية
- القفص الصدري thoracic cage .. بيتكون من:
- 12 pairs of ribs
- sternum

المحاضرة الثالثة

• هنتكلم دلوقتي عن ال cartilage (الغضاريف)

كنا اتفقنا قبل كده ان ال cartilage و bone كانوا في الاصل connective tissue بس حصل تغيير في نوع ال cells وال matrix وال fibers
لو جينا بقى لموضوعنا اللي هو ال cartilage ..
الغضاريف نوع من انواع النسيج الضام connective tissue بيبقى موجود بين العظم وبعضه عشان يعمل مفاصل أو يشارك في تكوين مفاصل
لو جينا لتركيب ال cartilage هنلاقيه هو هو تركيب ال connective tissue يعني .. cells, fibers, matrix
ال cartilage ليه 3 انواع :
اول نوع .. Hyaline carilage .. طب يعني ايه hyaline ..؟؟
دي كلمة لاتينية معناها زجاجي .. يعني نقى .. يعني متجانس Homogenous .. يعني مافهوش شوائب .. يبقى النوع ده من الغضاريف شفاف ومتجانس transparent & homogenous
في كل نوع من انواع ال cartilage هنمسك العناصر التلاتة اللي بتكون ال cartilage عموما ونقول انواعها Cells .. الخلايا اسمها condrocytes .. لو جينا نفسر الاسم
condro = غضروفي جايا من cartilage cyte = cell يبقى اسمها الخلايا الغضروفية .. مش عليكم انكم تعرفوا عنها اكتر من كده .. هتخدوها بالتفصيل في الهستولوجي طب ال fibers ؟؟ .. في الهيالاين بتبقى collagen fibers كولاجين
وال matrix مش عليك تعرف التركيب دلوقتي بس لازم تعرف انها متجانسة مافيهاش شوائب عشان كده النوع ده شفاف طب بيبقى فين ال hyaline cartilage .. ؟؟ في ال fetal skeleton هيكل الجنين - نوع من المفاصل اسمه synovial joint انسوه دلوقتي
تاني نوع هو ال White fibro-cartilage
تقسم الاسم ونعرف معناه .. white = ابيض .. يبقى لونه ابيض fibro = فيه الياف كتير عشان تديه قوه تحمل كبيره جدا cartilage = غضروف
التركيب بيقى كالتالي .. ال cells اسمها برضه condrocytes ال fibers .. نوعها collagen fibers وكميتها كبيرة جدا ال matrix .. مش عليكم التركيب دلوقتي .. في الهستو ان شاء الله
النوع ده بيتميز بوجود كميات كبيرة من ال fibers عشان تديله قوة وقدرة على التحمل
موجود فين .. ؟؟ في ال symphysis pubis اللي هو الارتفاق العاني و ال intervertebral disc ... وهو عضوف موجود بين الفقرات وبعضها
النوع التالت والاخير هو .. Yellow elastic cartilage برضه هنفصص الاسم Yellow = يعني لونه اصفر elastic = مرن زي الاستك كده بالظبط cartilage = غضروف
التركيب بتاع النوع ده بيبقى كالتالي .. الخلايا برضه اسمها condrocyte الfibers نوعها حاجة تانية اسمها elastic fibers ال matrix مش عليكم تعرفوا تركيبها دلوقتي هتاخدوه في الهستولوجي
النوع ده موجود في بيتميز بالمرونة elasticity وموجود في الاماكن دي Ear pina .. الغضروف اللي موجود في الاذن tip of nose .. الغضروف في قمة الانف
كده احنا خلصنا ال cartilage
المحاضرة الرابعة

• المحاضرة دي عن ال bones ...

هنتكلم عن ايه في البون ؟؟ ..
هنتكلم عن تركيب البون .. وانواعه .. وتركيب نوع منه اسمه ال long bone .. وهنتكلم عن طبقاته ووظايفها ..
أول حاجة .. تركيب البون بشكل عام .. احنا اتفقنا قبل كده اننا هنقول فكرة بسيطة والتفصيل في الهستولوجي ان شاء الله
احنا قلنا قبل كده ان ال cartilage و bone كانوا في الاصل عبارة عن connective tissue .. اللي هو اصلا بيتكون من matrix, cells, fibers
زي كل مرة ..
ال cells ليها اسم .. اسمها osteocyte ..
osteo = related to the bone يعني متعلق بالعظم
cyte = cell
ال matrix مش عليكم التركيب الكامل ليها دلوقتي بس لازم نعرف فيها حاجة مهمة .. انها بتحتوي على كالسيوم .. وهو ده اللي بيديها الصلابة اللي احنا بنحسها في العظم
تاني حاجة هنتكلم عليها هي انواع ال bones ..
انواع البونز كالتالي ..

• Long bones .. النوع المألوف من العظام له رأسين وساق two ends and shaft .. ومش شرط يبقى طويل .. في برضه عظام قصيرة لها راسين وساق وينعتبرها long bones بس احنا ممكن نسميها 'short 'long bones زي ال metacarpal bones

الlong bones زي ال humerus وال femur
humerus

• Short bones .. زي ال carpal bones و ال tarsal bones

carpal bones
3- Flat bones .. عظم شكله مسطح زي ال skull و عظمة ال scapula
skull
Scapula
4- Irregular ... عظم غير منتظم في شكله زي ال vertebrae الفقرات

5- Pneumatic bone ... ببساطه هة عظم بيحتوي على تجويف هوائي زي ال maxilla وال frontal bone عظام الجبهة
طب ايه فايده الهوا جوه العظم ؟؟
اولا بيعادل الضغط بين داخل الجمجمة وخارجها .. ثانيا بيشتغل على انه يمتص الصدمات اللي يتتلقاها الجمجمة ويقلل احتمال انها تتكسر
maxilla
frontal bone
6- Sesamoid bone .. دي عبارة عن عظمة صغيرة .. ال tendon أو الوتر بتاع العضلة لف حوليها ودخلها جواه .. طب زي ايه ؟؟ .. زي عظمة الرضفة Patella أو صابونة الرجل زي ما بيقولوا عليها

patella
دلوقتي هنتكلم عن تركيب نوع من البون .. اسمه ال long bone ..
قولنا ان ال long bone بتبقى عباره عن راسين وساق 'two ends and a shaft' بس كل جزء من العظمة ليها اسم ..
هنمسك اي عظمة long bone .. ولتكن ال humerus ..

هنلاقيها بتتكون من الاتي ..
- two ends .. اللي هما الراسين بتوع العظمة وبنسمي كل راس epiphysis
- Shaft .. اللي هو الساق وده بنسميه Diaphysis
جوه ال diaphysis هنلاقي تجويف اسمه medullary cavity أو التجويف النخاعي اللي موجود جواه نخاع العظام bone marrow اللي مسئول عن تكون خلايا الدم blood cells بأنواعها
بيفصل بين ال epiphysis وال diaphysis شريحة من الغضاريف اسمها epiphyseal cartilage (line ودي المسئولة عن تحول النسيج الغضروفي ألى نسيج عضمي وان العظمة تزيد في الطول
المنطقة من ال diaphysis الموجودة مباشرة تحت ال epiphyseal cartilage اسمها ال metaphysis .. والمنطقة دي هي اللي بتستقبل خلايا العظم osteocytes الجديدة المتكونة في ال epiphyseal cartilage
هنيجي نسأل هنا سؤال .. ازاي العظم بيزيد في الطول ؟؟
الحكاية وما فيها ..
ان ال cartilage الموجود في ال epiphyseal cartilage بيتحول الى bone و osteocytes ..
البون الجديد المتكون بينزل في منطقة ال metaphysis ويتراكم فيها ويزول طول العظمة
يعني نفهم من كده ان ال diaphysis هو اللي بيطول وال epiphysis طوله ثابت
طب حد هييجي يسأل ..
احنا عندنا اتنين epiphysis يعني العظمة ممكن تطول من النحيتين ؟؟
هقوله اها ممكن تطول من الناحيتين .. بس مش بنفس المعدل .. يعني العظمة بتطول من ناحية بمعدل اسرع من الناحية التانية
طب احنا نفرض ان احنا قدامنا عظمة اهي .. نعرف منين انهي ناحية فيها بتطول اسرع ؟؟
قبل ما نعرف اجابة السؤال ده لازم نعرف حاجة مهمة ..
كل عظمة في جسمنا يغذيها شريان artery اسمه nutrient artery .. بيدخل العظمة تقريبا من منتصفها وبشكل عمودي عليها .. وبعد ما يدخلها بيتجه الي احد الناحيتين بتوع العظمة ..

اتجاه مسار الشريان داخل العظمة بيتحدد بالمقولة دي .. وكأن الشريان بيتحدث عن نفسه وبيقول 'To the elbow I go, from the knee I flee' وكلمة flee يعني يهرب ..
طب يعني ايه الكلام ده .. ؟؟
يعني مثلا ال nutrient artery of humerus بيتجه جوا ال humerus ناحية ال lower end .. وان مثلا ال nutrient artery of femur بيتجه جوا ال femur ناحية ال upper end .. وهكذا
طب بعد ما عرفنا الحكاية دي .. عايزين برضه نعرف هنعرف ازاي انهي ناحية بتطول اسرع ؟؟
هقولك انها الناحية اللي مش بيتجهلها ال nutrient artery بعد ما يدخل ال bone
لو جينا طبقنا الكلام ده على ال humerus .. تبقى ال upper end هي الناحية اللي بتطول اسرع .. وال lower end في ال femur هي اللي بتطول بشكل اسرع
سؤال اخير بقى .. هنفضل لحد امتى العظمة تتطول ؟؟ وبيحصل ايه عشان العظمة تبطل تطول ؟؟
العظمة بتفضل تطول لحدسن البلوغ 18-22 وبيقبي في الfelmales بدري عن ال males بحوالي سنتين ..
لما الشخص يوصل للسن ده .. ال epiphysis بيبتدي يلحم مع ال diaphysis ويختفي ال epiphyseal plate of cartilage وتتوقف العظمة عن الزيادة في الطول
في نقطة كمان عايزين نعرفها ..

لو خدنا مقطع عرضي cross section في ال shaft هلاقي ان العظم بيتكون من طبقة خارجية صلبة جدا اسمها periosteum ودي اللي بتدي الصلابة للعظمة
peri = حول .. osteum = عظم
ال periosteum ده ليه وظائف زي ..

1. Gives attachments to muscles
2. Blood supply to the bone
3. Helps in healing of fructures

يعني بيساعد في التئام الكسور
وبيكون من طبقة داخليه اسمها endosteum
endo = داخلي .. osteum = عظم
ودي طبقة هشة بتحتوي على ال bone marrow
نقطة اخيرة .. وهي ان العظم اما اصله cartilage اللي هو اصله connective tissue ..
والعظم ده هو معظم العظم الموجود في جسمنا زي ال humerus
وممكن يبقى اصله غشائي membranous .. يعني العظمة كانت عبارة عن نسيج غشائي وبعدين بقت نسيج عظمي.. والنوع ده من العظم زي ال scapula

وبهذا نكون قد انتهينا بفضل الله من ماده الاناتومي وما كان من توفيق فمن الله وما كان من خطا او ذلل او نسيان فمني ومن الشيطان والكمال لله وحده
الى اللقاء مع ماده اخري وهي الفسيولوجي ان شاء الله
راجين الله تعالى ان ينفع بهذا جميع الطلاب والمسلمين ولا تحرمونا من صادق دعوه بظهر الغيب جزاكم الله خيرا

والسلام عليكم ورحمه الله وبركاته