[جيهان أبو شعيشع]

السلام عليكم ورحمة الله


تحياتى للجميع


على فكرة اللى حل السؤال عمر ابنى


وقبل ما يكتبه وراهولى وقلت له انه صحيح فقدم الإجابة هنا.


بالنسبة لاعتراض السائل على تعليل الإجابة الأولى بأن التغير فى الوزن يجب أن يكون طفيا وليس بالمقدار اللى موجود


يعنى أنت افترضت أن واحد نيوتن دى زيادة كبيرة، صح؟


طيب.....

هل أنت اساساً تعرف مقدار الارتفاع عن سطح الأرض علشان تحدد إذا كانت الزيادة يجب ان تكون مقدار كبير أم صغير؟ لا
مين اللى قال أن واحد نيوتن ده مقدار كبير ؟ محدش قال.
شوف..
جسم يزن 70 نيوتن يعنى كتلته 70 ÷ 10 = 7 كيلو ( هو ده اللى مش معقول لأن ده وزن رضيع)
جسم يزن 71 نيوتن يعنى كتلته 71 ÷ 10 = 7.1 كيلو (يعنى الزيادة بشكل عام فعلا طفيفة مقدارها 100 جرام فقط)
مما سبق نفهم ان النيوتن مقدار طفيف كما هو مذكور فى كتاب المدرسة وهو مقدار يعادل 100 جرام من الكتلة ، وده الشيء اللى ملموس بالنسبة للجميع ( ان 100 جرام مقدار طفيف) وهذا هو المقدار اللى زاد به الجسم.

أقول لك اللخبطة حصلت منين؟؟؟؟؟
أنك اعتقدت أن 1 نيوتن تعادل 1 كيلو مش 100 جرام فقط فشعرت ان الزيادة كبيرة
كمان اعتقدت ان الارتفاع كبير مع ان الراجل ما قلش كدة هو قال بس ان الارتفاع ثابت

لكن بصراحة أنت حيرت نفسك


السؤال الهدف منه ان يختبر معلومة الطالب (ان الوزن يزيد كلما اقترب من الأرض فقط)


لو كان يقيس حسابات كان أعطى الارتفاع وطلب الحساب


أرجوا أن أكون قد أزلت حيرتك فى موضوع المقدار الطفيف


والفضل لله قبل أى حد