[أ/رضا عطيه]

المشاركة الأصلية كتبت بواسطة Mr. Hatem

بارك الله فيكم أستاذ/ رضا

ولا تنسى الأخبار التي كنا نقرأها ونسمعها عن منتخب السلاحف -قصدي المنتخب القومي- قبل بدء كل بطولة إفريقية أو غيرها بأن نادي يوفنتوس يلهث وراء اللاعب المصري الفلاني ونادي الأرسنال يتفاوض مع اللاعب العلاني ... وبعد ما نخرج من البطولة -كالعادة- فندوَّر على اللاعيبة دية نلاقيهم إما في "المصري" أو "المقاولون"

أتذكر يوم مامجدى عبد الغنى احترف فى البرتغال وكنا بنتفرج فى تجمع لأن الكهرباء كانت لم تصل قريتنا بعد

وكان يومها الأهلى بيلعب على ما أظن مع المنصورة أو شبين وفاز واحد صفر بطلوع الروح

وبدأ واحد من المتعصبين يسب فى المدرب ورئيس النادى لأنهم تنازلوا عن مجدى عبد الغنى

وبعد المباراة أحضر فانلة حمراء وكتب عليها رقم مجدى عبد الغنى

ولفينا القرية كلها معاه واحنا بنهتف (إنقذوا الأهلى ورجعوا مجدى عبد الغنى ) حتى منتصف الليل

وزعلنا ساعتها جدا لأن مارجعشى مجدى عبد الغنى !!!!!

تفتكر حد كان سامعنا ساعتها وحتى لو سامعنا كان حد هيسأل فينا

أيام جميلة كنا بنتفرج على كل البطولات العالمية والمحلية مباشرة

مش دلوقتى منطقتنا الوحيدة فى العالم اللى من أجل المشاهدة لازم تدفع

شكرا جزيلا مستر حاتم