منيش إخوان ولانخبة
ولا يسارى ولابس شال
مانيش علماني ليبرالي
ولا جبهة وشغل عيال.
مانيش خايف على منصب
ولا راكع قصاد كرسي
ولا بهتف عشان سيسى
ولا بحلف براس مرسى
أنا المقهور بأطماعكم ..
أنا المسجون ف خطاويكم ..
بعيش العمر أسمعكم ..
و موتى لعبة تحييكم
أنا الواقف حياتي طابور
أبات واحلم أعيش مستور
تعدى سنين وراها سنين
واقول يمكن هيجي الدور
وباكتم صرختى فيا
واشوفكم من ورا قناعكم
تعيشوا تهتفوا بجرحى
وجرحى عمره ما وجعكم[/quote]