عرض مشاركة واحدة
  #9  
قديم 26-07-2012, 09:56 PM
medoash medoash غير متواجد حالياً
عضو مجتهد
 
تاريخ التسجيل: Dec 2010
المشاركات: 69
معدل تقييم المستوى: 14
medoash is on a distinguished road
افتراضي

اقتباس:
المشاركة الأصلية كتبت بواسطة sersan مشاهدة المشاركة
أنا بإذن الله نويت على طب أسنان ... و كتبتها رغبة أولى ... بس كان عندى كام استفسار

أولا : هل صحيح شغل أسنان متعب جدا لدرجة إنه بيسبب مشاكل للدكتور مستقبلا خصوصا في العمود الفقري و بيكون له أثر سلبي عليه .

ثانيا : هل لو الواحد بيقرف دة هيسبببله مشكلة كبيرة ممكن تعوقه ؟؟؟

ثالثا : هل فرص العمل متاحة ؟؟

رابعا : الواحد محتاج يذاكر قد ايه مثلا ( كمتوسط ) عشان يجيب تقدير ؟

معلش بقة استحملوني ...
شغل اسنان ممكن يسبب الام فى الضهر ومشاكل لو الدكتور بيشتغل بطريقه خاطئة يعنى لازم الدكتور يبقى فى الوضعيه الصحيحة بالنسبة للمريض ويفرد ضهره ويشتغل مظبوط وعموما موضوع مشاكل الضهر دا مش بيحصل الا للدكاترة اللى بيشتغلوا باوضاع خاطئة ولمدد كبيرة جدا وساعات طويلة اثناء اليوم

موضوع الفوبيا من الدم والقرف دا يمكن عند ناس كتير بصورة متفاوتة بس بالتعود كل حاجة بتبقى عادى مفيش حاجة اسمها انى عشان بقرف مثلا انى مش هعرف اشتغل دكتور اسنان لان لو كل حد بص لحياته هيلاقى حاجات مكنش بيطيقها زمان ودلوقتى بقت بالنسباله حاجة عادية فكل حاجة بتيجى بالتعود

فرص العمل .... طبعا فرص العمل متاحة لان اى حد دكتور سواء بشرى او اسنان بيفتح عيادة وبيعتمد عليها ومش مستنى انه يروح يشتغل فى شركة او انه يدور على وظيفة بس فى بعض الناس وخصوصا الشباب بيشتغلوا فى اى شركة ادوية كام سنة كدا فى وظيفة ميديكال ريب ودى بتوصل 4000 تلاف فى الشهر عشان بس يعرف يحوش فلوس للعيادة او اى حاجة يبتدى بيها حياته

بالنسبة بقى لموضوع المذاكرة زى منا رديت فوق دا موضوع نسبى مش مطلق فى حد ممكن يذاكر طول السنة وحد يذاكر قبل الامتحان بشهر والاتنين يجيبوا قد بعض بسهولة جدا فلازم اول ما الطالب يدخل الكلية لا هوا يحاول يجهد نفسه فى المذاكرة زى ثانوى فتيجى بطريقه عكسية ولا انه يكبر دماغه خالص يعنى انا شايف ان لو حد قدر انه يحضر كل المحاضرات حتى لو مش فاهم ويتابع المذاكرة فى المواد مش مهم انه يذاكر كل اللى خده مجرد بس انه يبقى متابع عارف هوا خد ايه وعارف معلومات بصفه عامة عن اللى بياخدوا مش مهم حافظ كل تفصيله وجه قبل الامتحان بفترة وذاكر بضمير هيجيب امتياز مستريح
__________________
اعظم نصيحة من معلم البشرية .... اذا سألت فاسأل الله واذا استعنت فاستعن بالله
رد مع اقتباس