[إبراهيم أبو ليفة]

اولا صباح الفل عليكم جميعا
احلي صباح علي كل طلاب مصر واجدع شباب وبنات الثانويه العامه .
كنت في الجامع بصلي المغرب في المدينه المنتدب ليها من توترهم عرفوا ان انا ملاحظ اتعرفوا عليا وحاوطوني وسألوني بتوتر هتشدوا علينا يا مستر بدأت بقي انصحهم والنصيحه لكم جميعا
انتا متوتر ليه اصلا ؟
طول منتا مذاكر مش هيهمك تعرف الملاحظ ومش هتفكر في الغش اصلا كلنا كملاحظين عاوزين مصلحتكم وعاوزينكم تدخلوا احسن الكليات لاننا بنحبكم لانكم ولادنا
سيبكم بقي من الكلام الانشاء
اللي موترك اساسا الاعلام والاسره والمدرسين وزمايلك اللي عدو
متيجي نطلع كل دا من دماغنا ونسيبها علي الله لان كل عوامل التوتر مش هتخليك تركز او تحل .عن نفسي مكنتيش متوتر ليه بقي يمكن علشان كنت شاطر شويه كمان زي اغلب حياتي بتعامل بمبدأ مش هتفرق كليه اقتصاد وعلوم سياسيه زيها حقوق وكليه السن انجليش زي اداب انجليش وهكذا علي اساس اني كنت ادبي وفي الاخر دخلت تربيه انجليش لان بحبه وبعد سن الاربعين اشتغلت في مجال مختلف خالص التعليم المصري مش بيكشف عن قدراتك او موهبتك لكنه مرحله لازم تمر بيها بوابتك للمجد ان شاء الله عدي بسلاسه وهدوء ربنا هيكرمك حاولت تعدي بالعافيه والغصب والتوتر هتتكعبل طبعا طولت عليكم واعتقد انك حاليا ماسك مذكرات العربي ونازل دح وهتقرأ الكلام دا بعد متروح يلا بقي ربنا معاكم ومعايا
شد حيلكم وهتنجحوا وتدخلوا كليات وتنجحوا فيها وهتحبوها وتصاحبوا فيها ناس جداد وهتقابلوا دكاتره ومعيدين وتتخرجوا وتشتغلوا وتتجوزوا وكل بيعدي
وكل رمضان وانتم بخير