[إبراهيم أبو ليفة]

قلم متراقب

انا طلعت مهم يا جدعان وانا مش دريان....!!!!
المديريه بذات نفسيها وجلاله قدرها
بعتالنا متابع بيسأل:
"فين الاستاذ بتاع النت ؟ "
(اي حاجه هتحصلي هاحملكم المسؤليه كامله غير منقوصه بس ها ها ها )
اجدع حاجه اني مكنتيش دريان انه بيسأل عليا ...!!!
لكن الفراش فتن عليهم من غير ميقصد وبعد كدا غلوشوا علي الموضوع .
رحت انا عامل ايه ...
اخدت الموبايل بتاعي وصورت نفسي كام صوره سيلفي في المكتب قوم ايه المتابع اتخض وبيقولي:
"انتا بتصور ايه يا كابتن ؟ "
كابتن ..! ليه ؟ شايفني لابس شورت ؟
دانا مستر انجليش اد الدنيا ومعايا دبلون زراعه ودورات في الدش وصيانه الريسيفرز يعني المستقبلين لو مبتعرفشي.. انجليش
كمان انا بتفرج كتير علي ناشيونال جيوجرافيك ابو ظبي
فانا كدا اتأكدت من تغير لون وشه من وقوعه في فخي :
حضرتك انا بصور نفسي وبعدين انتا خايف تتصور ! اخدلك صوره ؟
لا لا لا مش عاوز اتصور .
قولتله ماشي .
اتاري ان مش بس قلمي هو اللي تاعب بعضهم لا كمان دي كاميره موبايلي
كدا انا بقي هارفع سقف المعارك وهنرفع حاله الصفحه للحاله ج
ومن هنا احذرك يا ادهم يا شماشرجي
لن تنعموا بهدوء بعد اليوم
استدراك المديريه اللي مشغوله بيا هي طبعا ......
مديريه الزراعه