[أحمـدنجـم]

أنا .. يوسف طبعاً اللي على اليمين
عندي ست سنوات ودلوقتي انا لسه في k.j.2
والسنة الجاية إن شاء الله هدخل أولى ابتدائي
أنا بحب الرسم وعشان كده بصراحة
برسم على أي حاجة أدامي
بابا بقى فكر يعمل ايه
اشترالي ألوان وكراسة رسم
كل يوم كراسة رسم
أصلي بخلصها كلها في اليوم الواحد
أقولكم حاجة أنا بحب أحوش من مصروفي اوي
وفاجئت بابا إني محوش 10 جنيه
وبابا اداني مكافأة .. أنا بصراحة بحوش
عشان لو عوزت أجيب كراسة رسم أو ألوان
أجيبهم من مصروفي
وربنا يخلي بابا وماما ..

أنا بقى أنوش العسل زي ما بابا مسميني
أو منة الله
وعلى فكلة .. بابا بيحبني اوي
وأنا لما أكبل هتكوسه أسلاً اسلاً
لأني أنا بحبه آآآآآآآآآآآآد الدنيا
أنا عندي 3 سنين وفي k.j.1
وبحب أتفرج على قناة طيول الكنة ..
وبالسات أخنية
بابا تيفون قوله مو هون
سلاااااام هاكيلو تانييي

أنا بقى محمد .. أو (أوشو) زي ما بابا كان بيناديلي لما كنت صغير
أيوه لما كنت صغير أنا دلوقتي كبرت وعندي (8) سنين
بعد إذنكم أنا عرفت إن البراعم دي لغاية (6) سنين بس زعلت شوية بس بابا قالي انه
هيستأذن من الإدارة وبابا طبعاً (نائب إدارة) بس قالي
لازم نستأذن برضه
الصورة دي بقى
بابا دفني في الرمل اصله بيحبني اوي
وكانت الحفرة غويطة اوي
قال ايه رمل البحر مفيد لجسمي
طيب يا بابا خلاص حرمت
طلعني بقى
قالي لا عشان عضمك انت بتلعب كورة
ولا زم جسمك يستفيد من اليود
قولتله يا دي اليود اللي مش معدي
طلعني يا بابا خلاص مش هلعب كورة تاني
المهم فين وفين لغاية ما طلعني
أنا بحب بابا اوي
لانه صاحبي اوي
وربنا يخليه ليا يا رب