إزاي تذاكر باستخدام الخرائط الذهنية
Amr Elazab
جربت تستخدم الخرائط الذهنية في المذاكرة بس حسيت بعدم فائدة؟
لما تيجي تراجع الخرائط اللي رسمتها مش بتعرف توصل للمعلومات المهمة بسهولة؟
بتحس أن مفيش علاقة بين المواضيع المختلفة اللي لخصتها باستخدام الخرائط الذهنية؟
===========================
أول ما بدأت استخدم الخرائط الذهنية، كنت بكسل استخدم فيها ألوان كتير، كنت بكتفي بس باللون الأزرق أو الأسود، مع الوقت حسيت أني مش بستفيد قوي من كتابة الملاحظات âœچï¸ڈفي شكل خرائط ذهنية، كنت لما ادور على معلومة معينة في الخريطة باخد وقت طويل قوى ومش بعرف اربط بينها وبين باقي المعلومات، جربت ارسمها على مساحة أكبر وبشكل أوضح بس برضه نفس المشكلة، لما دورت أكتر في موضوع الخرائط الذهنية توصلت لأهمية استخدام 3 ألوان على الأقل في الخرائط الذهنية وده بسبب:
-لو الخريطة كلها معمول بلون واحد لما تيجي تبص عليها بعد كده هتحس أنها مملة ومش مبهجة فبالتالي المخ ��مش هيركز قوى فيها ومش هيستفيد من المعلومات المكتوبة عليها.
-معروف أن النص اليمين للمخ مسئول عن الخيال والإبداع وعلشان تخلي الجزء ده يشتغل وانت بترسم الخريطة الذهنية لازم تستخدم الألوان اللي بتنشطه فبالتالي النصفين هيشتغلوا مع بعض والاستيعاب هيبقى أقوى.
-الألوان مهمة برضه في تمييز الاختلافات المرسومة في الخريطة، يعني ممكن تخلي الأخضر للخطوات العملية اللي هتعملها بعد ما تخلص الحاجة اللي بتلخصها بينما اللون الأحمر مثلاً للحجات اللي تتجنبها وهكذا، بعد كده لما تيجي تراجع وعايز تدور على الخطوات العملية عينك هتدور بشكل تلقائي على اللون الأخضر فهتوفر في الوقت والاستيعاب هيتحسن.
-طبعاً بسبب استخدام الألوان المعلومات هتثبت في المخ لأطول فترة ممكن وهتقدر تستدعيها في وقت الحاجة ليها بسهولة كبيرة.
-هتساعدك الألوان بشكل كبير أنك تربط ما بين المواضيع المختلفة للحاجة اللي بتلخصها فهتعرف إيه علاقة كل لون بالألوان التانية أو بنفس اللون، فلو الموضوع واحد لكن متشعب هتلاقي كل العناصر بنفس اللون بينما لو المواضيع مختلفة هتلاقيها بألوان مختلفة.