[صوت العقل]

س1..عرفينا عن نفسك وخاصه في الطبخ ؟

اعشق المطبخ وهوايتى المفضلة ..
اعشق التجديد والابتكار

س2..وجبتك المفضله؟

لا اميل للاكل كثيرا ..
لكن دايما افضل
المحشى بانواعه ..


س3..طبق بتحبى تعمليه كثير؟

الجمبرى بكل طرقه المختلفة ..

س4..متى تعلمتي الطبخ؟

دخلت المطبخ من سن 9 سنوات
كمساعد طباخ
استلمته فعليا وانا فى اولى اعدادى ..

س5..موقف طريف حصل معاكى في المطبخ ؟

كنت فى السعودية مع والدى وكان بيعلمنى
ازاى احمر الاسماك قبلها بيوم ..
وطلب منى انى اعتمد على نفسى تانى يوم
ووصانى وانا داخلة المطبخ انى احط زيت كتير
عشان السمك يتحمر كويس
وطبعا اتكسفت اسأله كتير بمعنى ايه !!
فدخلت المطبخ واعتمدت على نفسى ..
وفضيت زجاجة الزيت كلها اعتقادا
انى برضى بابا وهحمر السمك زى ما عايز ..
ولكى تخيل النتيجة بقى

س6..يعتمد عليك في الطبخ او لا؟
طبعا الحمد لله ..
وده حاليا بيستغله عمى جدا

س7..نصحيه توجهينها لطباخات المنتدى؟
اتقان الطهى والتأنى ..
وسماع القرأن الكريم وهى بتطبخ افضل من
سماع الاغانى وهتبقى الافادة مزدوجة ..
مش تزعل لو باظ شئ منها وتكره المطبخ ..
ده امر وارد مع الجميع ..
تكون مرتبة ومنظمة فى مطبخها ..



س 8..هل تستخدمي الميكرويف؟
احيانا ..

س 9..ما هو رأي أهلك أو زوجك في طبخك ؟

دايما عمى بيثنى عليا ...
وبيبقى سعيد جدا لو عملت شئ مفضل ليه ..

س 10..ماهي نوعية الاواني التي تفضلين ان تطبخي بها؟
افضل التيفال ..
ارتاح فى استخدامه اكتر ..

س11..ماهي الأكلة التي تحبها عائلتك وأنتي لا تحبيها ؟

البط .. لا اميل ليه اطلاقا ..
وبالمناسبة اول مرة اطبخ البط ..
مش كنت عارفة انى لازم اقفله بعد الحشو

س12.. اول طبخه طبختيها ؟؟

صينية البطاطس باللحم ..
ويومها خدت جايزة من بابا ..

س13..كم مره احترقت الطبخه معاك ؟؟
ههههههههه ..
لو على المنتدى وبطبخ ممكن انسى ..
وبالطبع بطلت اجمع الامريين ..

س14.. اول كتاب طبخ اعتمدتي عليه ؟؟

لاء انا اتعلمت مع والدى ..
لكن اعشق المطبخ واتابع
قناة فتافيت ..
مش اعتمدت على كتب ..

س15..مين قدوتك طبعا بالمطبخ ؟؟

مش فيه لظروف الحياة ..

س16.. تحبي احد يساعدك بالطبخه ؟؟

دايما ابحث عن الصحبة حتى لو فى المطبخ ..
مش لازم مساعدة بمعنى مساعدة ..
مجرد كسر للوحدة مش اكتر ..


س17.. اذا باظت منك الطبخه ايش تسوين ؟؟ ترميها ولا تضطري تاكليها؟؟

هههههههه .. مش بوصل لكده ..
لكن لو حصل شئ ..
عمى متواجد وجاهز

س 18.. ما رأيك بــ الفكرة لقاء وحـــوار مــع مبدعات مطبخ المنتدى؟

حقيقى موضوع جميل وفكرة جميلة
من مشرفة مجتهدة ..

س19 :مـــيـــن او ممكن تختاري اللي بعدك ..؟

اختار ميس فاتن

faten forever



شكرا اختى ام امل للدعوة الكريمة ..
واتاحة الفرصة للمشاركة ..
شكرا ياسمين للموضوع الجميل ..
كنت سعيدة بالمشاركة معاكم ..
مرة تانية شكرا جزيلا ..
جزاكم الله خيرا ..