[BaNZeR]

الله .... الله

تمام المايك شغال

بسم الله الرحمن الرحيم
والصلاة والسلام على نبينا محمد خير الخلق وآخر المرسلين

ححكي معاكو النهاردة عن مشكلة كنت كتبتها من يومين في القسم العام
وطبعاً ملقتش زوار كالعادة
فيمكن هنا يقراها عدد اكبر
الموضوع باستفاضة من هنا
هل اعتقدت يوماً ان هناك من هو أغنى منك؟

بس هو طويل شوية وانا ححاول اختصره هنا بقدر الامكان


***نظرة وتأمل***

كل واحد فينا بينظر للمجتمع اللى حواليه اما بنظرة حقد او بنظرة تكبر

فإذا وجدت نفسك في بيت وآخر في قصر قلت على نفسك معدوماً ومظلوماً

وإذا وجدت نفسك في بيت وآخر في كوخ من القش
قلت هؤلاء لا يستحقون اصلاً وهم خدم لنا


في الحقيقة خلق الله الناس متساوون في كل شيء
اكيد ربنا مش حيديك الفلوس وحيسيبك
لو عطاك الفلوس لازم ياخد منك حاجة تاني
لو معطش الفلوس يبقى حيديك حاجة مش عند اللى معاه الفلوس


فعلى سبيل المثال
دايماً تلاقي الاغنياء مشاكلهم كتير
بينامو دايماً في قلق
دايماً ملتزمين بمواعيد محددة وجداولهم مشغولة حتى اسبوعين قدام

لكن كل نظرتنا ليهم بتبقى إنهم اعلى مننا
وربنا عطاهم ومش بيدينا
واحنا مظلومين
الخ


في حين لو نظرت للفقير اللى انت فاكر نفسك احسن منه
حتلاقي مشاكلة بسيطة جداً
حتلاقيه حر في حياته
لو حب ينام في الشارع حتى محدش حيقوله حاجة
بيقعد فترة اطول مع اسرته وابنائه
مش مشغول دايماً في شركاته زي التانيين

صحته زي الفل ومش محتاج ملايين ينفقها على المرض الغريب اللى حيجيله


يبقى ممكن ربنا يحرمك من الحياة المادية بس يمن عليك بحياة معنوية لا ينعم بها الغني !


وده مجرد احد اوجه المساواة بس


حتى اللى عنده اعاقة خلقية سواء في بصره او في سمعه او جسمه عموماً

بتلاقي ربنا عطاه قدرات مش موجودة عند العاديين
هي لو اتكلمنا باسلوب علمي اكتر
الدماغ بيقدر يعوض المجهود اللى كان حيبذله في البصر مثلاً في حاجة تانية
زي السمع
ولأنه معتمد دايماً عالسمع حتلاقيه ذاكرة الاصوات عنده قوية جداً

فإن كنت انت تتعرف عالناس من اشكالها
فهو يتعرف عليها من اصواتهم


طيب ومزايا العين اللى مش حيستمتع بيها
اكيد برده وعيوب العين مش حيتأذي منها

مهو كل حاجة وليها ميزة وعيب
مش حيضطر مثلاً ياخد ذنوب من البص


يبقى كده مفيش حد ربنا خلقه احسن من حد

يقول رسول الله صلى الله عليه وسلم

الناس سواسية كاسنان المشط لا فرق لعربي على اعجمي إلا بالتقوى


يعني احنا في كل حاجة في حياتنا الدنوية متساويين ؟
اه
والفرق الوحيد هو المقارنة الدنوية الآخروية


يبقى على المستوى الاجتماعي والدنيوي أنت أغنى اهل الارض
ليس الغنى هو المال فقط
إنما الغنى هو ما تمتلكه من صحة ومن راحة ومن طمأنينة وغيره وغيره وغيره

وفي حالة النظر إلى الجميع
سنجد ان الكل يمتلك كل شيء بمقادير مختلفة
قد يكون في ظاهرها حسن ولكنها ابتلاء !
وقد يكون في ظاهرها سيء ولكنها راحة نفسية !


إذن لما الحقد والغيرة ؟!!!
اعطاك الله كما اعطى الآخرين
ولكن لا احد يرضى بما هو عليه
فالغني يحقد على الآخرين لحريتهم الزائدة في حياتهم
والفقير يحقد على الآخرين على حياتهم المترفة

ويتدرج الامر تبعاً للمستوى الاجتماعي
ولكن لما كل هذا

وهم متناسين تماما أن أرض الله واسعة
وخيراتها للجميع هبة من الله

وأختتم ذلك بقول الشاعر

كم تشتكي وتقول أنك معدم .::. والأرض ملكك والسما والأنجم
ولك الحقول وزهرها واريجـا .::. ونسيمها والبلبل المترنـــــــــم
والماء حولك فضة رقراقـــــة .::. والشمس فوقك عسجد يترنــم


أرءيت أنك أغنى أهل الأرض دون أن تدري ؟

قولوا الحمد لله يرحمكم الله
واحمدوا الله على نعمه تدم لكم
ولا تجحدوا فيبتليكم الله حتى تدركوا


شكراً لحسن استماعكم
والسلام عليكم ورحمة الله وبركاته