السلام عليكم ...
انا زميلكم مخلص اولي طب وداخل تانيه ان شاء الله
لكن للاسف محبتش الدراسه في الكليه...رغم اني حابب الشغل بعد الكليه..لكن الدراسه نفسها مش عجباني النظري الكتييييير والدراسه الصعبه
اللي زود همي وكرهي للكليه ان لما بتوع الماجستر مش عارفين يسجلوا او بيسجلوا بصعوبه كمان بعد ما بيخلصوا بسنين طويله يعني عمرهم بيضيع وهم السابقون ونحن اللاحقون
بدأت افكر احول لاسنان لان الدراسه اسهل والتسجيل في الماجستير مش صعب والعياده تتفتح بسهوله او ممكن تشتغل في مركز اسنان او او او......
ي 4
يعني هي اسهل بكتيييييييييييييييييييييييييير من الطب في الدراسه وفي مابعد الدراسه كمااااااان وعمرنا ما نسمع عن دكتور اسنان بيشتكي من الدراسه الا قليل من الطلبه او دكتور بيشتكي بعد ما خلص او في التحضير او ماشابه...علي عكس دكاتره بشري اللي بيبقوا قربوا ينتحروا وكارهين نفسهم واحنا كمان كارهين نفسنا في الدراسه ولسه ياما هنشوف كتير
بس المشكله اللي هتواجهني اني كده هنزل سنه وكنت مأجل سنه في الثانوي وداخل المدرسه ناقص سنه
يعني هدخل اعدادي اسنان علي سن 21 وزمايلي في السن هيكونوا ف4 لمدرسه طب او اسنان.وزمايلي في المدرسه هيكونوا في 3 وزمايلي في الكليه طب في 2....واانا هبقي اقل واااااااحد يعني هنزل 3 سنين بحالهم وده ممكن يسببلي احباط شديد غير الاحباط اللي عندي اني اجلت سنه علشان طب
ونفس الوقت خايف مكنش ناجح في شغل اسنان العملي...وهتبقي هي هي 5 اسنان مقابل 5 طب
بقول ممكن ادخل اسنان واشد ع الاخر واول سنه مش هتبقي مشكله لاني درست الانجليزي ودرست مواد الطب واحاول اعوض واطلع من الاوئل واتعين في الكليه لكن معرفش نظام التعيين في اسنان بيبقي ازاي وبياخدوا كام واحد...كمان مفيش حاجه مضمونه برضو ...محدش يعرف التعيين بيكون علي طول للاوائل وبيكون ازاي؟ كام واحد وكده.
محتار جااااااااامد ومكتئب ومش عارف اختار وبقول يارتني قريت عن الكليتين كويس واخترت اسنان ومضيعتش سنه...نفس الكلام حرام ابدا من اول وجديد في الكليه وعمري 21.
بلييييييييز مش عاوز الردود بتاعه اعمل استخاره وفكر وشوف مايل لايه والكلام ده. انا عملت كل حاجه ومحتار ومكتئب.
لو حد مكاني هيعمل اييييييه؟ وياريت اللي اكبر مني ينصحوني لاني بجد مدمر جامد ومستقبلي بيضيع ومش عارف اعمل ايه
شكرا وياريت اهتمام