اقتباس:
|
طب هو حضرتك جبتى التنسيق دا منين هو نزل ولا اية ؟
|
فعلا انا نفس السؤال جه فى دماغى
الكلام الموثوق منه ان نتيجة التنسيق هتظهر بعد فترة غير معلومة
ولو دخلتى الموضوع بتاع التنسيق هتلاقيهم بيقولوا انتظروا نتيجة تنسيق المرحلة الاولى قريبا
يعنى ما فيش تنسيق نزل وممكن الكلام ده توقعات الجرايد وكدة
بالنسبة لموضوع الهندسة
اقتباس:
لكن ازاى مرحلة اولى ومكتوب فيها كايات اخدت من مجموع اقل من 93.9 مثلا هندسة المنيا من 93.29 وغيرهاحاسبات ومعلومات الفيوم من 92.8 ؟ ارجووووووووووووووكم حد يفهمنى انا كدة حاسة انى مش هلحق حاجة خالص (ربنا يستر) .
|
بالنسبة للسؤال ده الاجابة عليه بسيطة جداا
المسألة عرض وطلب
الطلب على الكليات دى قليل تنسيقها نزل وهكذا ...
اقتباس:
وكمان النهاردة سمعت ان امتحان القدرات فتح تانى عشان اقدم فى فنون جميلة وان مش عارفة ليه انا حاسة انها كلية على الهامش مش كلية علمية و مستقبلها مش اوى
وهل مستقبلها افضل من رايكم ام كلية علوم افضل؟
|
فعلا امتحان القدرات اتفتح تانى
لكن انت عايزه ايه ؟ لو عايزه فنون عمارة هتبقى زى المهندسين المعماريين تقريبا طبق الاصل
وده كلام الباشمهندس زاكو هو قال كدة
والمواد تقريبا واحدة وفى فنون عمارة بتتعلمى لمسات فنية ممكن طالب الهندسة ما يعرفهاش
من حيث المستقبل الله علم بيه .
جايز تلاقى الطلب على الهندسة قليل جدااا وزاد على الحاسبات ده رزق يا قمر .
لو انت حابه علوم وهتستحملى شغلها المتعب فهى جميلة للى بيحبها وحابب يبقى حاجة كويسة
يعنى فى ناس بتتخرج من علوم وبتعمل دراسات عليا وبتبقى دكاترة فى كليات الهندسة وفى كليات علوم رياضة
والاحوط من كلامى ده كله انك تنتظرى نتيجة التنسيق بتاعه المرحلة الاولى فعليا من الموقع او من نشرات التليفزيون
استخيرى ربنا وتوكلى على الله
وربنا يوفقك يا باش مهندسة
معلش ده المعلومات الضئيلةاللى عندى بس اتمنى انى اكون ساعدتك ولو بقدر قليل
