[أمير الشعـراء]

حدث في يوم 3/6/2010
في إحدى الدول السنية
اللي شعارها الصدق والشفافية
والمشهورة بصناعة المهلبية
وفي إحدى المحافظات البحرية
حدثت أعجوبة مسموعة ومرئية
فنحن المتعاقدين
اللي من عيشتنا زهقانين
بعتولنا في الإدارات
الرجالة والستات
علشان نجدد العقود
ونبوس إيدينا ونشكر الموجود
أهه أحسن من مفيش
وغير كدة متلاقيش
وبعد مجددنا العقود لمدة عام
تنتهي في 30/ 6 / 2011 بالتمام
وقدمنا ورق الصلاحية
مختوم من الموجه والمدير
طبعا ملكبير كبير
المهم
حدث ما لم يكن في الحسبان
بعتولنا تاني في الإدارة
وقالولنا مفاجأة جبارة
قالو إن العقود الجديدة ملغية
بنشرة وفاكس من المديرية
وجابولنا عقود تانية
وعلينا نملاها في ثانية
وصلاحية تاني
آه يابا ياني
بصينا في العقد الجديد
أربع نسخ بلا كلام مفيد
لا يختلف عن القديم
سوي في شيء دميم
أنه بلا مدة ولا تاريخ
يعني خدوا الشربات وجابولنا فسيخ
لوحد فاهم حاجة يفهمني
ليه لغوا القديم
وليه جابوا الجديد

على فكرة الكلام ده جد جدا ومعايا صورة
بالموبايل للعقد الجديد
هحاول أرفعهالكم على المنتدى يمكن حد يفهم حاجة لأنهم قالولي في الإدارة
إن العقد الجديد على مستوى الجمهورية
وياريت اللي يحل الفزورة
يعرفنا
وشكرا
:abdoog8: