[الاولى ان شاء الله]

المشاركة الأصلية كتبت بواسطة islam_sokar

اولا .. احب اقولك ان كلنا عدينا بموضوع التوتر ده فمتقلقيش ده طبيعى جدا بس حاولى تهربى منه ومتطوليش فى الموضوع :] ثانيا بالنسبة للمذاكرة ملكيش دعوة بصحباتك هما عاملوا ايه وذاكروا ايه .. انتى ليكى لنفسك بتذاكرى لنفسك .. افتكر مقولة استاذ لينا كان بيقول ان لو واحد مبدأش من شهر واحد وميعرفش حاجة يقدر يبدأ ويجيب مجموع طب .. شوفى بقى انتى اكيد عارفة كتير فى المنهج ... ذاكرى طبيعى جدا متقلقيش اعتبريها سنة عادية زى 2 ثانوى كدا .. اعتمدى على ان بمذاكرتك هيجيلك مجموعك .. بمعنى انك لو شديتى وتوكلتى ع الله هتجيبى مجموع عالى .. واهم حاجة تطلعى من السنة ديه مستفيدة .. مش عشان المجموع بس ... انا فى شهر 1 كنت قلقان برضو عشان كان فيه حاجات كتير مذكرتهاش .. بس كنت بحددلها وقت مع الجديد .. وقدرت ألم اللى فات الحمدلله ... بالنسبة للمناهج خفيفة اوى وسهلة هتخلصوها على شهر 3 باذن الله ... وهتراجعوا شهر 3 و 4 و5 لغاية ماتزهقوا ولله ... وهتحفظى المنهج وتفهميه كل حاجة ... بس اهم حاجة متقلقيش .. وذاكرى طبيعى جدا ... بلاش شغل هنام الصبح واصحى الفجر وكدا ياريت ... انتى تخلصى دروس وتذاكرى لغاية الساعة 1 .. وفى اخر شهرين لغاية الساعة 2 او 3 ... بالنسبالى كنت بنام 1 واصحى 8 الصبح .. وبلاش درسين فى اى مادة .. انتى أولى بوقتك ومجهودك .. ممكن فى اخر شهرين تاخدى درس تانى فى مادة عايزة تتكى عليها زى العربى عشان كبير مثلا .. وربنا معاكى ومتقلقيش خالص سنة عادية جدا وامتحانات سهلة ونشوفك معانا باذن الله دكتورة السنة الجاية :] بالتوفيق

شكرا لنصيحك اسعدنى مرورك
بجد التوتر ده ضيع منى ايام كتيير بس بجد حاسه انى بقيت احسن الحمد لله