انا مش عارفة يا د/ راجية الفردوس الاعلى ازاى مش محددة هدفك لغاية دلوقتى المفروض انك طالبة متفوقة و لك طموح
على فكرة مش مهم اسم الكلية المهم انت هتعملى ايه فيها ؟ لازم تتفوقى فى مجالك مهما كان هو ده النجاح
الطب ده رسالة عظيمة مش فلوس و بريستيج يعنى كفاية تكونى سبب فى علاج مريض و لازم تكونى غاوية تعب
الصيدلة مشروع كويس جدا و فلوسه كتيرة و من غير تعب عشان كده الناس بتقول انها حلوة للبنات
اما عن نفسى فانا لا اتمنى الا كلية الطب ده حلمى من وانا عندى 6 سنين وكمان محددة التخصص !!! طبعا مش هتصدقينى بس هى دى الحقيقة لدرجة ان اصحابى كلهم لما بيتكلموا عن طموحاتهم كانوا كلهم حافظين كليتى و تخصصى وكانوا بيدعولى من شدة تمسكى بيها و الحمد لله ربنا وفقنى وجالى طب
بس المهم فى اى عمل هنقوم بيه ان نيتنا تكون خالصة لله ابتغاء رضاه مهما كانت الكلية
|