اقتباس:
المشاركة الأصلية كتبت بواسطة love stone
طب كل واحد يقول اختار اسنان بالذات ليه؟
|
هو دا الكلام المفيد ,,,
انا اخترت اسنان لاسباب كتيــر ,,, ( منها ما هو منطق و منها غير المنطقي اصلا)
1- انها كليــة طب ( medical faculty ) ,,, يعني متختلفش كتير عن البشري ,,, و دي ميزة بئا في الدراسة برة ,,, لانه هناك مفيش فرق بين طب الاسنان و العلاج الطبيعي و البشري ,,, كله اسمه طــــــــب ,,,, ( لكن التقسيمة العجيبة الغريبة المريبة دي بس هنا عندنا )
2- انها اقصر في المدة من البشري ,,, يعني البشري 7 بالامتياز ,,, الاسنان 6 بالامتياز ,, اهه السنة دي انا اولي بها ,,,
3- في مجال الشغل بعد كدة في مصر ,,, دا لو حد حاطط في دماغه انه ناوي يشتغل في مصر و كدا ,,,, احسن بكتير من البشري ,,, لانك بتنجز الخمس سنين ,,,, و من اي شركة ادوية ,,, بتجهز العيادة ,,,, و حتي لو هتقسطها ع خمس سنين مثلا ,,, هتعرف تسددها ,,, لان مجال الاسنان بالذات من اكتر المجالات المطلوبة في اي مكان ,,,, خاصة اقسام التقويم و جراحات التقويم و كدا ,,,,,
اما البشري ,, بيخلص السبع سنين ,,, و 2 ماسترز ,, و 4 دكتوراة ,, و مش من السهل برضة تفتح عيادة بشري قبل سبع سنين كدا ,,, يعني هتقضيها مستشفيات و الخ الخ ,,,,
يعني عشان ربنا يكرمك في المستقبل كدا و تتحرك اي خطوة ايجابية عشان تكمل نص دينك و انت في البشري ,,, يبئا ربنا اولا ,, و الحاج و الحاجة ثانياً ,,, ههههههه ,,, غير كدا يبئا بتحلم ,,, دا لو فضلت في مصر ,,,
4- انا مش دحيح ... و عمري ما كنت دحيح ,,,, و لا عمري هكون دحيح ,,,,
و البشري ابسط حاجة فيها ممكن تسميها ,, كلية دح ,,,
دح متواصل ست سنين ,,,, و خمس سنين منهم بتدرس حاجات اي بتنجان ملهاش علاقة باللي هتشتغل به بعد كدا ( الا بئا لو هتطلع GP ) ,,,,
اما الاسنان و الصيدلة ,, اهدي شوية ,,,, اينعم فيهم مذاكرة بس مش دح
5- ( سبب غير منطقي ) هو حب ركوب الدماغ = العـنـد
لانه ببساطة شديدة جدا كل اللي حواليا عايزين بشري ,,, و انا كنت من زمان بحلم باسنان ,,, و لما لاقيت كم المعارضة دي ,,, ثبت اكتر ع موقفي و قلت " لا تراجع و لا استسلام " ,,,,
6-7- 8 ( اسباب غير منطقية ) مش ضروري نتكلم عنها دلوقتي
