[Eng. Alios]

المشاركة الأصلية كتبت بواسطة eng/el doktor

بسم الله الرحمن الرحيم
أنا هسأل سؤال وعاوز إجابه هى هتكون إجابه واحده
بس لها أبعاد كتير يعنى بتحدد حاجات كتير أوى ف شخصيتك
إحم إحم ... المهم
عاوز أعرف ماذا يحدث لو كنت ف أحد المواقف التاليه
1-رشحت أن تكون مسئول عن تقديم طلب لإدارة الجامعه التى تنتمى اليها مضمونه أن الطلاب متضمرون من تأخير إنشاء نقابة مهندسى البرمجيات (هتوافق ولا لا؟؟؟!) ولو وافقت (هتقول ايه؟؟؟!)

أوافق ... بس مضمنش ...
لأن مسئولية تقديم الطلب دي ممكن تضر و ممكن تنفع ... و ممكن تنجح و ممكن تفشل ... و المسئولية اصعب شيء ...

انا اقدم الطلب لو لقيت ان الطلاب ضايعة و معتصمة و مش عاوزة تكمل دراستها إلا لما النقابة تتعمل ...

و علشان احنا في الواقع المصري عايشين ... و علشان متقولوش ان انا محبط ( لأن الكلام دا من الواقع و العصر الحالي ) ... فاحتمال كبير ان الطلب ميتقدمش أصلاً و الموضوع ينام ...

احنا ممكن نقول إن الإدارة تصحي الموضوع بس .. و تقبل الطلب ...
نخلي كل الجامعات تتحد علشان الموضوع دا .... يعني الطلب مبيبقاش من جامعة واحدة ...

لاحسن معظمنا حاسس ان الموضوع نايم .

2- أنت ف المحاضره وسألك الدكتور سؤال ف الشرح السابق ومعرفتوش وف نفس الوقت عاوز الدكتور يحترمك تقول ايه ؟؟؟

بصراحة السؤال ملخبط حبتين ...

لكن علشان الدكتور يحترمني , لازم انا كمان احترمه في الرد بتاعي ..

يعني : انا آسف جداً يا دكتور , مكتش مركز في الحتة دي مثلاً ... أول و آخر مرة يا دكتور ...

كده يعني أشياء من هذا القبيل ..

لكن عموماً لازم يبقى ردي محترم جداً و متواضع جداً ...

3-إنت ف محاضره ف أول شهر دراسه والدكتور أو المعيد غلط ف حاجه ولتكن حسابيه مثلا (بالرغم إن ده نادر جدا) ومحدش اتكلم تتصرف إزاى ؟؟؟!

و الله عن نفسي ... استنى لما المحاضرة تخلص خالص و الطلبة كلها تمشي ...
و بكل إحترام و تواضع : بعد إذن حضرتك يا دكتور ممكن بس تحل لي المسألة دي تاني ..
و لما يخلص حل خالص , أتناقش معاه بكل هدوء و أدب و إحترام...

4- لو إنت مقتنع بكلية الحاسبات ومجموعك جايب هندسه وأهلك مصممين إنك تدخل هندسه ولا مجال لإبداء رأيك؟؟؟!

ردي هنا ح يبقى مختلف ...

أولاً العند مع الأهل و عدم سماع كلامهم ... أول طريق للتهلكة و الضياع ...

فإنت لو مجموعك جايب هندسة و عاوز تدخل حاسبات ... و أهلك مصممين على هندسة ... يبقى تعمل الآتي ( لازم ده يبقى من جواك و انت مقتنع بيه ) :

ادخل هندسة ... و لما اتخرج منها , أكمل دراسات عليا في الحاسبات و المعلومات ( دبلوم - ماجيستير - دكتوراة ) . و كل الجامعات اتاحت الموضوع دا عادي ..

يبقى انا كده رضيت أهلي , و رضيت مستقبلي ..

لكن لو أهلي عاوزيني هندسة و انا مش عاوزها .... و اتخانقت معاهم ... يبقى ربنا مش ح يكرمني ... لاني عصيت أهلي ...

الأهل دول أهم حاجة في الدنيا و محدش غيرهم ح ينفعك لا في دراسة و لا في نجاح و لا في أي حاجة ... يعني ربنا و أهلك اللي ح ينفعوك و بس ....

و هما دول اللي ليهم الخبرة عنك ... انت متعرفش مصلحتك فين , لكن أهلك عارفين .. و عارفين كويس كمان , لأن ليهم خبرة في الحياة ...

يعني انا اعرف واحد جاله اقتصاد و علوم سياسية ... و كانت جاية له السن ... ابوه قال له ألسن رغم ان الوله ح يموت على اقتصاد و علوم سياسية ... المهم الواد كمل ألسن لان ابوه هدده قال له : انت حر , بس لما تقول يا شغل متجيش تقول لي اعمل ايه ؟ .
المهم الواد دخل ألسن ... و اتخرج ... و قعد يلف على كل شركات السياحة علشان يشتغل مترجم ...

ابوه قال له : مستقبلك في التربية و التعليم مش في شركات السياحة .... الواد ده مسمعش كلام ابوه ...

ابوه قعد يناحر معاه .... و قال له : مستقبلك في التعليم مش في السياحة ...

المهم الواد ده راح اشتغل ف التعليم ........ دلوقتي بقى مدرس انجليزي بيكسب في الشهر أكتر من المهندس ...

يعني نقول له دلوقتي يا أستاذ مش يا واد بقى ... و لما كلمته في الموضوع دا قال لي : اهلك ادرى بمستقبلك و مصلحتك لان هما بيبقى عندهم بصيرة عالية عن المستقبل اكتر منك ... انت ممكن تدخل كلية زي الفل و متضمنش نفسك فيها ... لكن اهلك هما اللي بينوروك و بيقولوا لك ايه المضمون و ايه اللي مش مضمون ...
و ربنا صدقني بيكرم اللي يمشي ورا اهله ... حتى و لو كانت ميوله مش اللي اهله عاوزينها ...
لان ربنا في نفس الوقت بيحبب ... يعني انا مجالي كمبيوتر مش هندسة ... و دخلت هندسة و مشيت ورا أهلي ... يبقى اثق بإن ربنا ح يحببني في الهندسة و ح يسهلها معايا , لأني سمعت كلام أهلي ...


لان انت لو عاوز حاسبات و جت لك هندسة .. ممكن ابوك ميدفعلكش لا مصاريف الكلية و لا مصاريف مدينة .. و تبقى ضعت ...

ده رأيي يعني ...

5-لو لقيت واحد ملكش كلام معاه بينقد الدكتور بعد المحاضره بأسلوب مش كويس

اسيبه يهوهو براحته و لا مؤاخذة ..
يعني اللي يتكلم يتكلم و اللي يقول يقول و اللي يعيد يعيد ...

خليك في حالك , حالك يبقى لك ...

يعني أنا كطالب عاوز مصلحته , مشغلش نفسي بالكلام دا ...
انشالله لو راح *** الدكتور ...

انا مالي ...
صاحبي ده لا ح ينفعني و لا ح يضرني ...

جزاكم الله كل خير

سلام عليكم
ازيكم يا باشمهندسين


ردودي ح تلاقوها في الاقتباس ...

جزاكم الله كل خير