وقفز البطل المقدام وركب على حصانه
هللت جماهيره وقالت الله
نسيوا الملاعين إن البطل المغوار فى قفزته
طير رؤس الغلابه معاه
وحلت العواصف والرعد قطع كل صٌوَرٌه
بصوا لبعضيهم وقالوا جاتنا خيبه
إيه اللى خلانا نجرى وراه
شالوا ألدو حطو شاهين
ألدو قال مانتوش لاعبين
تتعاطف مع ألدو -تتعاطف مع شاهين
الاتنين عبيد سلطه ومش نافعين
والأهم والمهم فى الحالتين احنا احنا المساكين
الولد اللى بيتغنوا بقوته وجسارته
وأملهم يشيل علمها ويحميهم
للأسف دلوقتى بجشعهم وطمعهم
مش قادر حتى يعيش وسطيهم
طب تقنعوا إزاى إن دى بلدك
زى ماهى بلدهم
تقنعوا إزاى إن اللى بينهش فى لحمه
وسارق أمانيهم وأحلامهم
هما دول من اهل بلده
وهما دول اللى من واجبه يحميهم
وسع صدرك واستفتى قلبك أكيد هيقولك
احمى ناسك احمى اهلك احمى بلدك
واللى مش عاجبك فى اقرب مزبله وارميهم
اركن ع الحيطه وخلى عينك بس على بلدك
وقول اللى انت عايزه وانتقد كل اللى مش عاجبك
يزعلوا مايزعلوا - هيحبسوك مايحبسوك
هما يعنى كانوا فى قصرعيشوك
ومن خير بلدك تنازلوا عنه وأعطوك
ونظرك مش قادر يحدد مساحة ملكك!!!!
ياحبيبى خلى تكالك على ربنا
واسكن بروحك وكل جوارحك
وسط ناسك وشط أهلك
قول يارب احفظ لنا الوطن
قول يارب انتقم من كل لصوص الوطن
__________________
الحمد لله
|