[الاوركيد الحمراء]

حلمت انى كنت فى حمام السباحة مع بنت خالتى وابن خالتى كنا بنعوم وكنا بنتكلم شوية وفجأة وانا لسه مخلصتش اللى كنت بقوله اتسحبت وانا جوه المية لتحت خالص وهم عمالين يقولوا مالك وينادموا عليا كانت المسافة كبيرة اوى عشان اوصل للسطح وكنت هضرب الارض برجلى عشان اطلع بس مكنتش موجودة كنت حسه انها بعيدة اوى رحت حاولت اطلع لوحدى وكان فى اصوات كتير حوليا بس كانت بعيدة ، كنت عماله احاول اطلع ولسه كان فاضل كتير اظن انى مقدرتش اكتم نفسى اكتر او فقدت الامل رحت سمعت اصوات غالبا كان منهم صوت خالتو كانت بتقولى باسمى احنا مستنينك كلنا مستنينك وبنتى وابن اختى مستنيينك بعد كده رحت حاولت اكتر بس مكنتش قادرة اكتم نفسى رحت اتنفست بس كنت بتنفس هواء، المية مدخلتش جوايا كنت مستغربة ازاى بتنفس تحت المية وبعدين طلعت كانت بنت خالتو وابن خالتو لسه واقفين مكانهم وسألونى ايه اللى حصل كنت مصدومة اوى ساعتها قلتلهم انا هطلع شوية وبعدين طلعت ولقيت بابا جاى راحت عينى دمعت ورحت قلتله ع اللى حصل وكان معانا واقف عمى مش فاكرة ماما كانت واقفه ولا ،لا بس كنت حاسه بيها جمبى كان فى تانى من عيلتى واقفين بس مش عارفه هم مين ،وانا بحكى لبابا ع اللى حصل عمى قالى اقفى فى حته بعيد عن النار رحت بصيت تحت عند رجلى(مكنتش حافية) لقيت انى واقفه ع سجادة صغيرة كانت قدام دفايه باين (دفايه بيتولع فيها نار) بس كنت بكمل كلامى عادى راح عمى قالى تانى اقفى فى حته تانى رحت بعدت عن السجادة وببص عليها تانى بقى عليها شمعة والنار بتاعتها اتولعت لوحديها واطفت تانى بسرعة وبعدين اتولعت تانى ومطفتش كانت النار لونها ازرق كنت مستغربة ازاى اتولعت لوحديها ولى لونها ازرق بس مفيش حد غيرى مهتم بالشمعة دى كلهم كانو لسه بصنلى ماعدا عمى كنت حسه انو عارف ايه النار دى كان بيبصلها وبعدين صحيت كنت خايفه شوية صغيرين