[ostazmath4m]

المشاركة الأصلية كتبت بواسطة aymaan noor

شكرا لك يامستر على هذا الموضوع الرائع ، و الحقيقة أنا ضحكت كثير اوى على المواقف اللى انتوا حكيتوها

و دا حيشجعى أنى أحكى عن المواقف اللى حصلت لى زماااااااااااااااااان زماااااااااااااااااان أوى
مرة وانا فى ابتدائى كنت بأدور على علبة الالوان بتاعتى ومش لاقيها ، و أنا كان عندى هواية غريبة أوى أنى أطلع فوق الدولاب ورغم انى عندى فوبيا من الاماكن العالية ، الا أن دا كان شئ بيبسطنى، أو جايز كان نوع من التحدى لاحساسك بالخوف
المهم ما أطولشى عليكم طلعت فوق الدولاب ، و لفت نظرى حاجة تشبه علبة الألوان على اللمبة النيون ، و جبت خشبة وحاولت انى انزلها من فوق اللمبة ، و بعد محاولات شاقة جدا وقعت على الأرض ، طبعا لقيتها مش علبة ألوان ولا حاجة لكن كان الترانز بتاع اللمبة النيون ، طبعا أخدتها وخبيتها ،و لما جاء الليل طبعا والدى حاول ينور النور ما أمكنشى ، و انا قاعد مرعوب وخايف أقول اللى حصل ، المهم اللى فاكره أن أختى فتنت عليا وقالت له اللى حصل ، و دى كانت أول مرة آخد فيها علقة
معلهش طولت عليكم ، و دى كانت أول مرة أعرف أن اللمبة بيبقى ليها ترانز

ههههههههههههههههههههههههههههههههههههه
هههههههههههههههههههههههههههههههههههههه
استاذي الفاضل استاذ ايمن موقفك مضحك جدا
رغم محاولاتك في تكتم الامر اختك افشت السر
بصراحه انا ملاحظ حتي معايا برضو وانا صغير ان الاخ واخته
دايما بيحبوا يفتنوا علي بعض نورت موضوعي والله
استاذ ايمن بمشاركتك اللطيفه وارجو الا تحرمنا من عديد
ومختلف المواقف فشخص مثلك في حجم خبرتك اكيد له
مواقف عده لك مني التحيه والتقدير ومن قلبي الشكر والعرفان