قسم اعتقد انه من المهم اوى انه ينشأ

[:: [ K A B B O W ] ::]

السلام عليكم ورحمة الله وبركاته
ازيكم يا أجمل أعضاء
بصوا من غير كلام كتير
انا عاوز افهم ازاى منتدى كبير اوى زى ده
ومش موجود فيه قسم جرافيكس
بس خلاص
امشى انا بقه وكفايه كلام
سلاااااام ومنتظر الرد

[..Just Stop]

ان شاء الله يتعمل قسم فرعى فى الصور
بس لو عندك اقتراح بعد كدا ممكن تكتبه
مدخل لاقتراحات الأعضاء لتطوير المنتدى بكافة أقسامه

[prof.ahmed4d]

لا يا محمود هو يقصد قسم جرافيكس يبقى فيه برامج وتصميمات مثل الفوتوشوب وال 3d max , cinema 4d كدة مش صور يعنى
يعنى لو اتعمله يبقى يتفرع من البرامج افضل
ده رايي
في رعاية الله

[:: [ K A B B O W ] ::]

اولا شكرا لاهتمامك
ثانيا انا كنت اقصد انه يبقى قسم كامل لوحده
ويقسم الى تلات اقسام
1- برامج الجرافيكس واضافاتها
2- الدروس والنصائح
3- تصاميم الأعضاء وتطبيقات الدروس

او ممكن يبدأ التقسيم ده اول ما يبدأ يكون فى تفاعل كبير فى القسم
هو ده كان قصدى
معلش انا مخدتش بالى ان فى موضوع مخصص للتطوير المنتدى لان قسم الأتراحات والحلول فيه اكتر من عشر مواضيع مثبته
وعقبال مخلصهم أكون خلصت دراستى خالص
شكرا ليكم على اهتمامكم

[MoHaMeD ELsHeRbEnY]

تم عمل هذا القسم من فترة

ولم يلقى اى نجاح مع ان كلنا كنا بنشارك فية

بس النجاح مش اننا نشارك بس

النجاح اننا زى ما بنفيد نستفيد

كان عدد معين بس هوة الى بيدخل القسم دة مبيتغيرش

هما الى بينزلو مواضيع وهما الى بيردو على بعض

عموما لو هتقدر تنشط القسم دة على قد ما تقدر

هنعرضة على الادارة وربنا يقدم ما فية الخير

انا عن نفسى موافق على القسم دة

فى رعاية الله

[:: [ K A B B O W ] ::]

المشاركة الأصلية كتبت بواسطة ell0rd

تم عمل هذا القسم من فترة

ولم يلقى اى نجاح مع ان كلنا كنا بنشارك فية

بس النجاح مش اننا نشارك بس

النجاح اننا زى ما بنفيد نستفيد

كان عدد معين بس هوة الى بيدخل القسم دة مبيتغيرش

هما الى بينزلو مواضيع وهما الى بيردو على بعض

عموما لو هتقدر تنشط القسم دة على قد ما تقدر

هنعرضة على الادارة وربنا يقدم ما فية الخير

انا عن نفسى موافق على القسم دة

فى رعاية الله

انا مشوفتش القسم ممكن يكون انشىء قبل ما اكون انا فى المنتدى
بس اعتقد انه مكنش فعال كده لان مكنش فيه دروس تعليميه
زى ما حضرتك عارف ان مش كل الناس ميقدرو يشتغلوا فى الجرافيكس علشان كده كان النشاط فيه قليل انما لو:
هنحط فيه دروس من البدايات لحد الاحتراف
( ودى فايده قسم الدروس )
هيبقى فى تفاعل اكتر
ونطلب تطبيق الدروس دى و يحط الاعضاء تطبيقاتهم وتصميماتهم
(ودى فايده قسم تطبيقات الدروس وتصميمات الاعضاء)
وقبل كل ده يكون فى قسم علشان الناس اللى معندهاش البرامج الجرافيكس اصلا
ويكون فيها الاضافات اللى ممكن يبدعوا بيها زى الفرش والاستايلات والاكشنات
( ودى فايدة قسم البرامج والاضافات )
اعتقد أنه بالشكل ده القسم هيكون نشيط واهم حاجه انه يكون فى اهتمام من الأدارة بالقسم
هى دى وجهة نظرى فى انتظار رد حضرتك

[MoHaMeD ELsHeRbEnY]

موافقك ياباشا ورايك تمام

ان شاء الله هعرض الفكرة على الادارة

وهرد على حضرتك

فى رعاية الله

[:: [ K A B B O W ] ::]

شكرا لحضرتك

[هانى الشرقاوى]

فعلا اقتراح جميل اوى
وانا معاك فيه وبضم صوتى لصوتك