امتحانات تانى!!

[The_Relativistic200]

بسم الله...
صلى على النبى الاول يا عضو ياللى داخل
وحاول تخش بكليك يمين على قدّ ما تقدر
بص يا سيدى او يا ستى

عودة الامتحانات مرة اخرى للاسف
ولكنه ليست امتحانات كيمياء او فيزياء او تاريخ
انه........





انه .........









انه.......










ايه يا زفت






خلاص خلاص
انه امتحان تربية وطنية
مدة الاجابة ربع ساعة ( هنسحب الورق علطول)
تقديرك : هيبقى بالكلابش بمهنى تجاوب على سؤال صح يبقى انت كده عندك واحد كلابش











ابدأ.....................
-------------------------------------------------------------------------------------------------------------------
اجب على الاسئلة التالية على ان يكون الاول والثانى والثالث منهما:
----------------------------------------------------------------------
السؤال الاول:-بم تفسر (1.5 كلابش لكل سؤال)----(7.5 الكل)
------------------------
1) زيادة اسعار البنزين بالظبط مع علاوة يوليو
2)زيادة اسعار اجرة الميكروباص والتاكسى وايضا الخضرو الفواكه على الرغم من ان سعر البنى آدم بيقل
(الاجابة شقّين)
3) سخرية احمد نظيف من المصريين بقوله ان الشعب يريد الحكومة ان ترضعه اللبن ولم يقل شاى مثلا
او حتى لبنيتا
4)نشر صحيفة اسرائيليه وثيقة من حاكم عربى يؤيد التخلص من حسن نصر الله
5) سحب اليمن طلب عقد قمة عربية

----------------------------------------------------------------------------------------------------------------------
السؤال الثانى:-اعد كتابة العبارات اتالية مع تصحيح الاخطاء ان وجدت مع الشرح 2.5كلابش لكل سؤال)7.5 الكل
----------------------------------------------------------------------------------------
1)نجحت الحملة العسكرية بقيادة القائد احمد نظيف فى تنظيف جيوب مغول الشعب فى قلعة الاسعار
2)انتصار الجيش الوزارى بقيادة السلطان يسرى الجمل فى التخلص من مماليك الثانوية العامة
وابادة فلولهم فى معركة التنسيق
3) الجندى الاسرائيلى بعد الحساب يساوى 15 اسير عربى
-----------------------------------------------------------------------------------------------------------------------

السؤال الثالث:-( اختر الاجابة الصحيحة من بين الاقواس مع التعليل لاختيارك) ( 2لكل سؤال ) (10 الكل)
--------------------------------------------------------------------------------
1) حصول اكثر من طالب على 410 فى امتحانات الثانوية يرجع الى ....
( عبقرية فذّة / سهولة الامتحانات / فبركة فى التصحيح / الاولى والثانية)

2) يرجع عدم عقد قمةعربية محترمة منذ 20 عاما الى ..........
( اتحاد الحكام بشكل دائم/لا تأتى بجديد / صرف فلوس على الفاضى / الثانية والثالثة)

3) افضل قناة اخبارية فى الوطن العربى هى................
( النيل للاخبار / الجزيرة الرياضية / spacetoon / جميع الاجابات غير صحيحة)

4)الهدف من زيارة كوندليزا رايس للبنان هو...........
( الجو جميل / تمسى على الضحايا / عقد اجتماع هادف / الاولى والثانية)

5)افضل وزير تربية وتعليم حتى الان فى مصر هو..........
( فتحى سرور / حسين كامل بهاء الدين / يسرى الجمل / جميع الاجابات خاطئة)


( انتهت الاسئلة)

ملحوظة: اى سن مسموح له بأجابة الامتحان
الاجابات باللون الاسود القاتم
اذا كنت تريد معرفة الاجابات اتصل على 09003002 لتصلك الاجابات ومعها شاويش صغير
--- لا يوجد نموذج اجابة ( الاجابات مفتوحة) (اذا كانت الوزارة مش عارفة تحط نماذج للاجابة هحطها انا)

استودعكم الله
والى اللقاء فى الامتحان القادم ان شاء الله