modern night club

[COoL HEaRT]

بسم الله الرحمن الرحيم

بالرغم انى مضايقه من عنوان الموضوع بس هو ده المسمى الطبيعى

هحكي الحكايه

ماشيه انا وواحده صاحبتى النهارده ... فجاه وبدون مقدمات بتقلى شفتى الفضيحه

قلتلها فضيحه ايه يابنتى كفى الله الشر

لقتها طلعت الموبايل وشغلت كليب كده مش لنانسي ولا لهيفا

ل 6 اكتوبر

اكيد مش الحرب يعنى.. الحرب اللى مات فيها كتير عشان نفرح بالشباب الواعد بتاع مصر

الكليب لجامعه 6 اكتوبر

اكيد مش هقدر انزله بس كل اللى فيه ان بنت واقفه فى نص دايره كلها طبعا شباب وبترقص

بس

وطبعا لك ان تتخيل ..... تقريبا الجامعه كلها واقفه تتفرج ع الموهبه الفزه

ماعليــــــــــــــــــــــنا ..

اانا هنا مش جايه اتكلم ع البنت ولا الولد اتكلمنا كتير قبل كده

انا بس عاوزه اتكلم عن الجامعات الخاصه

وايه الهدف منها وايه النفع وايه الضرر؟؟

الاول اعرفكو ع جامعات مصر الخاصه

اللى عملت سيرش وطلعلى دول

1-جامعه 6 اكتوبر

2-جامعه مصر للعلوم والتكنولوجيا

3-الجامعه الفرنسيه

4-جامعه الاهرام الكنديه

5-جامعه فاروس

6-الجامعه الروسيه

7-جامعه النهضه

8-جامعه النيل

9-جامعه المستقبل

10-جامعه سيناء

11-الجامعه البريطانيه فى مصر

12-الجامعه الالمانيه فى مصر

13-جامعه مصر الدوليه

14- جامعه اكتوبر للعلوم الحديثه والاداب

واعتقد لسه فى تانى كتير بس ده اللى شفته

المهم :اختيارى لعنوان الموضوع كان مش جاى من فراغ ..لان الصراحه الجامعات الخاصه مفيش فرق بينها وبين اى نيت كلب غير انها بالنهار

طبعا المنظر اللى شفته مكنش منظر جامعه نهائى... عاوزه اعرف ليه ايه لازمه الجامعات اللى معموله من اجل البيزنيس مش عشان التعليم

كلنا شفنا فيلم الباشا تلميذ ..... وكان كلامهم عن جامعه خاصه بردو .... فكره الفيلم جميله اللى طرحت جزء بسيط من اشياء حقيره بتحصل فى الجامعات دى

كل واحد عنده بابى ومامى يروح جامعه خاصه كانه رايح حديقه الاسماك

وانا بقرا عن الجامعات دى مع انى شايفه انها اهانه انى اقول عليها جامعه اصلا

سمعت ان اداره الجامعه عندها علم بالمصايب اللى بتحصل

وعشان سمعتها

ع طول عينو واحد متخفى- عسكرى- يعنى عشان يراقب المنحلين اللى فى الجامعه

وده اللى كتبه حد عنها بيقول انه لما كان بيلاقى اتنين مش فى وضع كويس

كان يروح يقلهم عيب

طبعا الواد اللى عنده فور باى فور ولا بى ام يروح ياخده ع جنب ويظبطه

ياخد اللى فيه النصيب ويتكل ع الله

وع راى اللى كتب مش مشكله ده راجل غلبان ع اد حاله

مابالك بقى المتعلمين المتنورين

واللى بيرتشوا بردو

صحاب الجامعات عملوها للفلوس

اللى يهمها تجيب طلبه

وده اللى عملته وزاره التربيه والتعليم

اعمل للعيال امتحانات من اللى قلبك يحبها..قلل المجاميع

والضنى غالى

الاب مش هيستخسر مليم فى ولاده

هيدفع اللى وراه واللى قدامه عشان يبقى ابنه فى كليه

الجزء ده كنت لسه شيفاه

17 ألف طالب وطالبة من المتفوقين في الثانوية العامة العام الحالي في مصر الهروب من الجامعات الحكومية إلى الخاصة.

وذكرت صحيفة (الاهرام) المصرية اليومية أن الحاسب الآلي لتنسيق القبول في الجامعات والمعاهد كشف عن أن معظم الطلاب الذين تخلفوا عن تقديم أوراقهم للمرحلة الثانية للتنسيق من الحاصلين على درجات تتراوح بين 80 في المائة و97 في المائة ورفضتهم كليات القمة بالجامعات الحكومية بسبب ارتفاع المجاميع بشكل مفاجئ.

وقالت الصحيفة: إن اتجاه المتفوقين إلى الجامعات الخاصة يمثل (مفاجأة) ولكنها في الوقت نفسه حقيقة مثيرة للتساؤل. وقال مسؤول بمكتب التنسيق: (هذه الظاهرة تحدث لأول مرة هذا العام خاصة بين طلاب المجموعة العلمية علوم والحاصلين على ما بين 90 في المائة 96،5 في المائة، وأكد مكتب تنسيق القبول بالجامعات الخاصة أنهم اتجهوا إلى كليات الطب والصيدلة والاسنان والعلاج الطبيعي بالجامعات الخاصة).

بشكل مفاجىء اللى كاتب الكلام ده ماخدش باله ان 90 %متعملش حاجه

ماشاء الله الحكومه لعبتها صح جداااا .. واهو رجال الاعمال واللى ليهم فى الجامعات الخاصه

بيستفيدو .......

ع فكره الكلام ده ولا ييجى حاجه فى اللى بيحصل هناك زى مبيقولو نقطه فى بحر الفساد

سلامى للجميع

والله منا عارفه احط شعار المجموعه هنا ولا لع ..عامه لو يتشال يبقى حد يقلى