النظام المدرسي الجديد

[Hisham_physics]

تمر مدارسنا في الأيام الحالية بظروف صعبة من سوء التعليم و ذلك في معظم المدارس بسبب نقص الإمكانيات و ضيق وقت الحصص و غياب و إهمال بعض المدرسين لشرح حصصهم و أهتمام الموجهين و لجان الوزارة بالناحية النظرية فقط (كشوف الحضور و الغياب للمدرسين و الطلبة و كراسات تحضير المدرسين و غيرها ) يعني كلام على ورق بس

مما دفع أولياء الأمور للدروس الخصوصية و بئى الطالب بيجي المدرسة بس عشان الغياب و هو مش عايز يتعلم أي كلمة من المدرسة ويجي يهزر و يضحك مع اللي جنبك و يضايق المدرس في شرحة بكثرة الكلام

و اللي بيضيع في الموضوع دة بجد هو الطالب الفقير اللي مش عارف يآخد دروس خصوصية و لا عارف يفهم من المدرسة بسبب أصحابه المشاغبين

فأنا بقترح من وجة نظري نظام جديد للمدارس يرفع الغياب و تبقى المدرسة بس للطلاب اللي عايزين يفهموا (و الباقين يروحوا الدروس الخصوصية) ، و رفع مرتبات المدرسين و إهتمام لجان الوزارة و الموجهين بالناحية العملية ، و زيادة أدوات التكنولوجيا في المدارس من كمبيوتر و غيره

بكدة هيتحسن النظام التعليمي و لما المدارس تتطور الطلبة اللي بتغيب هترجع المدارس تاني بس المرة دية بحب لأنا هتحس فعلاً بفيدتها