|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
27-07-2009, 12:50 AM
|
||||
|
||||
ااقول اه ولا ولاياعم عبده عندك حق؟
:- مش معقولة أنا مش مصدقة ... عم عنتر هيسيب البلد !!!!!!! دا كان ديماً بيرفض أى عرض عمل برة
رانيا " زميلة العمل " :- انتى رايحة فين ؟ :- رايحة أفهم الحكاية !!!!! .. عم عنتر يومأ برأسه : آه صحيح ..  .. .. :  بجد هتسافر ؟! دا انت أكتر واحد بيحب البلد دى ! عم عنتر يصمت وقد لمعت عيناه وبدا عليه التأثر فتابعت ... :- مش فاكر يا عم عنتر لما كنت فرحان و بتغنى.. انا م البلد دى .. انا م البلد دى !  مش فاكر قد ايه كنت بتحبها ؟!عم عنتر يبتسم وهو متأثر جداً ثم يتنهد :- فاكر .. ومش هنسى بس تفتكرى فارقة ؟! ممكن أسألك سؤال ؟ :- اتفضل :- ايه اكتر يوم بتبقى البلد فيه جميلة ؟ :-  بصراحة يوم الجمعة : وطبعاً عارفة ليه ؟! لأنها بتكون هادية مش مخنوقة !!.. طيب بصى كدا على وشوش الناس فى باقى الأيام .. هتلاقيهم مكلدامين !!.. مهمومين .. مش مستحملين بعض !! .. شقيانين مش فى الشغل بس لااا كمان من التفكير فى حلول للمشاكل !! : عندك حق بســـ .. يقاطعنى عم عنتر سائلاً .. :- تقدرى تقوليلى فين الأوكسجين ؟؟ :-  !!! ........:- الاكسجين مرشوش زى الفاكهة والخضار !الناس بترخس و الدوا والفواتير بتغلا !!!! الناس مش لاقية الفول والطعمية !!! وبعد مزاد الكلور بيتوحموا على المية المعدنية !!!! بذمتك مش غريبة ؟؟؟؟ !! :- أيوة يا عم عنتر بس عيب ان بلدنا فقيرة كفاية اننا بنحبها وفيها اللى بنحبهم ولا إيه؟! : أيوة بس هوة فين حب البلد ده ؟؟.. طيب هسألك كمان سؤال؟ :- اتفضل ..  :-امتى بتحسى فى البلد وطنية ؟؟؟ :-فى مواقف كتير زيـيــ .. :- أنا هقولك .. عدى معايا ... فى مطشات الكورة !!!! أعياد التحرير واستضافة الدورات والبطولات العربية !!!!!و فى مشاكل العلاقات الخارجية !!! ثم أخذ ينظر لأصابع يديه وكأنه احتار فى العد ! عم عنتر:- تصورى كنت بتفرج أول امبارح على شريط فيديو فيه لقطات للنيل ،واتخضيت !!!.. الماية لونها غريب أوى وشبورة مغطية السما .. بقى معقولة بقت كدة البلد !!!!!!!! .. تلوث .. دوشة .. خناقات .. كسل .. سرقة وهبر و كدب ونصب وفشر !!!! اتابع كلام عم عنتر و لا أجد رد .. فاستطرد يقول .. :-أيوة هسافر !! لأنى تعبت ..هجرب .. وليه مسافرش ؟ دا الغرب بيقدرونى أكتر من القرب اللى بتيكلوا بعض !!أنا مش هفضل سمكة فى بحرها !! :- لا يا عم عنتر الكلام دا خطير جداً !!!!!ولو كل واحد فكر زيك كده مين اللى هيفضل ف البلد ؟؟؟؟؟!!!! :- صيادين السمك !! : وتفتكر هتبقى برة مرتاح ؟:- أنا هسافر و بشروطى اللى تريحنى و ترضينى - وإن شاء الله-راجع ..هوة فى حد يقدر ينسى أهله ولا يهجر ذكرياته ؟! ابتسم عم عنتر واستأذن ليعاود استكمال تجهيز أوراقه ووقفت أفكر.. أقول ايه لعم عنتر ؟؟؟؟؟؟ أقوله لأ ؟ ولا عندك حق ؟ وانت كمان هتنصحه بايه؟؟
__________________
 جدول حملة انا ملتزمة فى رمضان
|
|
#2
27-07-2009, 01:19 AM
|
||||
|
||||
 الغالية شهد موضوعك حقيقي روعة ومحتاج تفكير كتتتتير قبل الرد بس انا قلت يكون ليا شرف اول رد وبعدين نتكلم لو البلد علم وحكومة والبيت بيتك ومرتب ضعيف ممكن واكيد مفيش انتماء ولا حب ولو البلد صحاب زمان وشاي بلبن مع الحاجة وفطار الفول والطعمية يوم الجمع ولمة رمضان وكتف تلاقية في العزاء بسمة فرحانة معاكي من قلبها فهي دي البلد اللي تتحب ومش كلام اغني ولا شعارات لكن فكرت لما العبارة غرقت كان فيها ناس بقالهم 10 او 20 سنه مانزلوش اجازات تفتكري في لحظات الغرق مش كانو بيتمنو يكونو قضو وقت اكتر مع اهاليهم؟؟؟؟؟؟ الواد محمد ابني الغلباوي بيقول مصر دي زي أمي ساعات ابقى مش طايقها وعاوز ارميها من البلكونة أو أحط على بقها شريط لاصق بس ساعات احس انها احسن ام وعلى طول العيشة بعيد عنها وحشة بجد ونكمل بعدين 
|
|
#3
27-07-2009, 01:44 AM
|
||||
|
||||
|
]
الغالية شهد موضوعك حقيقي روعة ومحتاج تفكير كتتتتير قبل الرد بس انا قلت يكون ليا شرف اول رد وبعدين نتكلم جزاك الله كل خير دة من زوق حضرتك طبعا لو البلد علم وحكومة والبيت بيتك ومرتب ضعيف ممكن واكيد مفيش انتماء ولا حب ولو البلد صحاب زمان وشاي بلبن مع الحاجة وفطار الفول والطعمية يوم الجمع ولمة رمضان وكتف تلاقية في العزاء بسمة فرحانة معاكي من قلبها فهي دي البلد اللي تتحب ومش كلام اغني ولا شعارات لكن فكرت لما العبارة غرقت كان فيها ناس بقالهم 10 او 20 سنه مانزلوش اجازات تفتكري في لحظات الغرق مش كانو بيتمنو يكونو قضو وقت اكتر مع اهاليهم؟؟؟؟؟؟طبعا اكيييييييييييييييييييييييد الواد محمد ابني الغلباوي بيقول مصر دي زي أمي ساعات ابقى مش طايقها وعاوز ارميها من البلكونة أو أحط على بقها شريط لاصق بس ساعات احس انها احسن ام وعلى طول العيشة بعيد عنها وحشة بجد ونكمل بعدين هههههههههه هو لسه فى كلام تانى ماشاء الله رد حضرتك مقنع ومميز [/quote]
__________________
جدول حملة انا ملتزمة فى رمضان
|
|
#4
27-07-2009, 07:50 PM
|
||||
|
||||
|
مش عارف ليه بيقتلوا الانتماء لدى كل فرد
السبب إيه؟ لاأعر ف حتى الآن فمعظم الأشياء التى أراها أمامى وكلام المسئولين المعسول الذي لا ينفذ يقتل الانتماء الفساد يقتل الانتماء الرشوة المتفشية فى كل مكان تقتل الانتماء المحسوبية فى كل مجال من مجالات العمل سواء حكومى أو خاص يقتل الإنتماء بس رغماً عنهم سيظل المصري يحب وطنه الم مصر مهما سافر ولن يفلحوا في قتل الإنتماء لأن مصر فى دم المصري
__________________
|
|
#6
27-07-2009, 11:10 PM
|
||||
|
||||
|
شكرا ليكم ياجماعة بس مش فهمت ردك ياكوماندوا
__________________
جدول حملة انا ملتزمة فى رمضان
|
|
#7
28-07-2009, 12:29 AM
|
||||
|
||||
|
حقوله سير على بركة الله .....
من حقك تعيش وتاخد حقك اللى محدش عطاهولك مادام الفرصة سنحتلك خدها طبعاً الكلام ده هنا بس مش في اي دولة تانية لإنه احنا "ظروفنا خاصة" ولكل قاعده شواذ
__________________
It was over 3 years since my last visit  |
|
#9
28-07-2009, 09:25 AM
|
||||
|
||||
|
ليه ياجماعة طب مااللى نعمله هناك
نعمله فى بلدنا عارفة هتقوله بلد مبتقدرش ومحدش عارف يعيش فيها بس لازم الواحد ميخرجش جهده لناس تانيين الناس دول كل همهم انهم يطعنونا فى ظهورنا ودة سبب من الاسباب فعلا اللى خليتهم متقدمين
__________________
جدول حملة انا ملتزمة فى رمضان
|
|
#10
28-07-2009, 11:58 AM
|
|||
|
|||
|
طب سؤال برئ أو مش برئ لشهد الجنة
 اشمعنى اسم عنتر بالذات اللى اخترتيه لبطل القصة ؟! ليه مكنش أحمد أو على أو عبد السميع مثلاً ... ياترى فى مغزى أو رسالة معينة لإسم عنتر ولا هو اسم جه على بالك وخلاص ؟! يارب يكون فى مغزى ياااااارب 
|
|
#11
28-07-2009, 03:31 PM
|
||||
|
||||
|
بصراحة يا كومندو انا شايف إنها وفقت في اختيار اسم عنتر
لأنه اسم عنتر مشهور في الشعبية المصرية يعني وطني زيادة عن اللزوم محمد في منه من ايام سيد الخلق لحد الآن وكذلك محمود وعلي ومش حتدي نفس تأثير عنتر برده ورداً على شهد الجنة بلاش الكلام النظري اللى بيقول انفع بلدك احسن ما تنفع غيرك انتي لو - بعد الشر يعني مثلاً -اتقلت كرامتك بره وفي الدول العربية الشقيقة كمان حتقولي فعلاً بيتحقق المثل القائل اللى يخرج من داره بيتقل مقداره تخيلي بقى لو في بيتك نفسه واتقل مقدارك ؟؟؟ واتعرض عليكي في نفس اللحظة واحد تاني يقعدك معاه في بيته وتاخدي كرامتك كلها وظروف نفسية احسن ؟؟ يمكن وقتها تحسي الفرق بغض النظر عن موضوع الكرامة اللى مبقتش فارقة معانا في اي حتة لما انا اكون دكتور جامعة وعايز احضر ابحاث لما اكون عالم عاوز اخترع ومش لاقي ادوات لما اكون مدرس ومش لاقي منهج احس إني فعلاً بشرحه لما اكون مهندس والاقي البلد مفهاش تكنولوجيا عشان اشتغل فيها كل واحد عايز يحس بقيمته حفضل احفر في الشارع في الزفت واقول حكافح لحد ما اعمل حفرة ؟ حفضل اشغل في نور الكهربا والنور مقطوع اقول يمكن الاسلاك تلمس ؟ حفضل اشرح في فصل كله حمير واقول يمكن حمار فيهم يفهم واحاول كل شوية ؟ (مش قصدي والله الفصول في مصر مجرد مثال توضيحي) ينفع انا ارسم حاجة من غير المسطرة والقلم بتاعي ؟ ازاي حشتغل في مصر ومعنديش اصلا لا ادوات نفسية ولا ادوات مادية ولا ادوات معنوية ولا جزاء كافي للحياة لما تعرفي إنه الفقير اللى عامل مشكلة في المانيا مرتبه 1000 دولار وإنه اللى بيشتغل هنا بـ1000 جنيه بيبقى محظوظ ومفيش زيه وصلت الفكرة ؟ ده كلام واحد بيشوف بس محسش بحاجة لسه جايز لو حد تاني كان كتب اكتر من كده
__________________
It was over 3 years since my last visit |
|
#12
28-07-2009, 11:11 PM
|
||||
|
||||
|
ماشى يااستاز كوماندوا
فعلا بانزار جاوب على السؤال بدقة وشكرا لتوضيحك فى غيلبى جزيل الشكر بالاضافة الى ان عنتر معروف بشاهمته واستحماله للمسؤلية ويااستاز بنزار بلدك برضه اولى بيك لانك هتتغرب وتروح وتيجى عمرك مهتحس بامان غير فيها انامعاك فى كلمة قلتها بجد بس صدقنى اصعب شعور انك متحسش بالامان وتحس بغربه
__________________
جدول حملة انا ملتزمة فى رمضان
|
|
#13
28-07-2009, 11:31 PM
|
||||
|
||||
|
اقتباس:
أمان ....... جايز لما الاقي ظابط امن دولة على راسي واخدني من بيتي واهلي ميعرفوش عني حاجة لما الاقي ظباط الامن في الشارع ماسكني من قفايا ويحطني في البوكس لما تتنشل قدام الامن في المحطة وانت نازل ولا حد معبرك جايز من يومين كانت آمان لكن دلوقتي معدتش فارقة
__________________
It was over 3 years since my last visit |
|
#14
29-07-2009, 02:01 AM
|
||||
|
||||
|
عموما اختلاف الراى لايفسدللود قضية
بس هناك هيستفيدوا من علمك سورى ويرموك زى ماعملوا مع ناس كتير لاكن هنا اه الفرصة مش كبيرة ولاحدهيقدر بس مش هتتركن ولاتترمى
__________________
جدول حملة انا ملتزمة فى رمضان
|
|
#15
29-07-2009, 10:18 PM
|
||||
|
||||
|
هقوله توكل على الله
حب مصر و مش حب مصر دي عباره عن شعارات بنرددها لكن الواحد من جواه مش حاسس باي مشاعر ناحيتها يلا الحمد لله على كل شيء شكراً للموضوع
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 11:57 PM.
