أنت حمار ياحمار

[أحمد2025]

قصة لسه طازة.. كان فيه مزرعة بتاعة راجل فيها مالذ وطاب .... وفجاة جه المزرعة حمار وقعد ياكل منها.. و الراجل اتجنن وقعد يقوله امشي ممشيش...الراجل دخل البيت وكتب لوحة مكتوب عليها ( امشي يا حمار) والحمار بصله كده ولا هو فاهم.... حمار بقه... الراجل جاب اصحابه وجيرانه وكتبوا كلهم لوح علشان يمشي برضه ممشيش حمار بقه الناس قعدوا يعيطوا والحمار ياكل ويقول في نفسه الناس دول طيبين قوي مضربونيش ولا طلعوني بره وسابوني اكل براحتي.... الراجل جاب حمار خشب وولع فيه علشان يمشي ممشيش حمار بقه اخيرا اتفقوا علي التفاوض انه ياخد الربع ويسيب الباقي بصلهم كده ولا هو فاهم طب الثلث ....طب النص.... واخيرا الحمار شبع وقام .................. ففرحوا افتكروه وافق علي النص جري الراجل وجاب خشبة وعلم بيها النص بتاعه ونام اخيرا وبعد ما صحي لقي الحمار بياكل في النص بتاعه وقعد يشجب ويستنكر لغاية ما جه ولد صغير من جوه ومعاه عصاية وضرب الحمار فقام جري .................................................. ..................خلصت القصة فهمتوها ...اللي فهمها يقوللي علي اللي فهمه واللي مفهمهاش يقراها تاني وهو يفهمها