ليه الصعايده يا ناس؟

[wa_islamah2100]

بسم الله الرحمن الرحيم
بجد يا جماعه انا جالى سؤال فى دماغى ليه كل نكته بينألس فيها عن الصعايده
اشمعنى يعنى الصعايده هما مش اقل ذكاء من ولا حاجه واعتقد ان مثلا الاوائل على الثانويه العامه معظمهم كانوا من الوجه القبلى
وهل الصعايده بيضيقوا من كده ولا لآ
انا من رأيى ان الصعايده دلوقتى اقرب المسلمين الى تنفيذ الشرائع الاسلاميه يعنى الواحدة بتلبس لبس محتشم مع تحفظى على بعض العادات زى الاخد بالثأر وكده يعنى
انا عايز اعرف رأيكم بجد لأن المسأله ديه شغلانى اووى
وعلى فكره انا من اقصى الوجه البحرى من رشيد

[القطة الروشة]

اولا ميرسي انك طرحت الموضوع
وانا شايفة انهم اكيد بيزعلوا وطبعا الصعايده مش اغبية بدليل فعلا ان الاوائل من هناك يعنى محدش يقدر يقول عليهم اغبية
وهما عندهم عادات فعلا حلوة باستثناء الاخذ بالثاْْر زى ما قلت
بس زى ماتقول ان بتوع النكت دى فاكرين انهم اغبية او مصر كلها غبية
ميرسي لطرحك الموضوع وياريت الكل يرد

[شاعرالحب]

والله اللى انا اقدر اقوله ان دى بقت عاده وبس

لكن اكيد الصعايده بيزعلو

[لؤلؤة]

على فكرة مش الكل بيزعل لاني يعني اعتبر منهم نوعا ما

يعني عايشة وسطهم وعادي يعني هما نفسهم بيعملوا نكت عليهم

[اسلام رشوان]

و الله مش عارف السبب

بس هيا خلاص بقت لازقة فيهم علي طول


بيوقلك مرة واحد بلدياتنا شغال ميكانيكي

اشتري سرير نام تحته

هههههههههههههههههههههههههههههههههههههههههههههه

[جميله]

و الله مش عارفه ايه السبب

بس هي ممكن تكون عاده

زي ما هم باردوا بيعملوا نكت على ابو العربي البورسعيدي

و ان هو فشار و كداب و كده ....