صدق أولاتصدق ( هذا يحدث داخل جامعاتنا )

[Nabil kamal Iskander]

راقصة ببذلة جذابة فى امتحان هندسة المنصورة

الجمعة، 29 مايو 2009 - 15:00

الدكتور طلب رسم "راقصة بترقص"
الدقهلية ـ محمد صالح
فوجئ طلاب كلية الهندسة جامعة المنصورة، أثناء امتحان قسم الحاسبات الفرقة الثالثة أمس، الخميس، بسؤال يطلب منهم رسم راقصة ببذلة ذات ألوان جذابة، فأصيب الطلاب بحالة من الهيستريا بين الضحك والسخرية والبكاء والسخط، من سؤال الدكتور على الدسوقى أستاذ مادة البرمجة بالكلية.

وأكد أحد الطلاب لليوم السابع، أنه فى آخر محاضرة للدكتور على الدسوقى، أعلن عنها صراحة، وقال للطلاب " هنجيب فى الامتحان راقصة ولازم تحرك صدرها، ومؤخرتها، واللى مش عارف يتدرب من دلوقتي"، فانفجرنا فى الضحك، وتوقعنا أن يكون كلاما عاديا مثل الكلام الذى يقوله فى جميع محاضراته عن الرقص، وألفاظه التى نسمعها منه طوال العام، وفوجئنا به عندما ضحك الطلاب قال لنا "البنت اللى عندها موهبة تقوم تفرجنا"، بعدها ترك المحاضرة وانصرف.



الخبر بجريدة ( اليوم السابع ) الأحد 31 مايو 2009


بروتوكول نشر التعليقات

[BaNZeR]

الراجل شايف نفسه ظريف الصراحة

واحد زي ده المفروض يترفد ده أقل حاجة محترمة تتعمله

[EnG.BeLaL]

لا إله إلا الله

[eng/yasmeen]

لا حول ولا قوة الا بالله
ربنا يشفى

[eng7oudash]

incredible

مش معقول ... هو فيه كدا

و الله كل كبير و فيه اللى أكبر منه

لازم ميسكتوش عى الراجل ده

[زهره الخريف]

هما فعلا حولوا الدكتور للتحقيق
لا اله الا انت سبحانك اني كنت من الظالمين

[~M-ELMasry~]

بجد والله فكره ممتازه شكلو اتعلمهآ تحت السرير الفكره دى


ليس غير مستشفى الامراض العقليه بديل لملجأ هؤلاء


ربنآ يشفى

[ودامون2]

يا اخونا الــــــــــــــراجل عاوز يعمل animation ايـــــه ممكن يكون اكثر حـــــــــــركة من راقص او راقصة
يعني لو باقول لو كان الدكتور كما ذكر الخبر اخلاقه مش كويسة بس السؤال عــــــــــادي جداً واسألوا المتخصصين قبل ما تشجبوا و تلعنوا و تدينوا ( كالمعتاد)

[بروف انس]

المشاركة الأصلية كتبت بواسطة ودامون2

يا اخونا الــــــــــــــراجل عاوز يعمل animation ايـــــه ممكن يكون اكثر حـــــــــــركة من راقص او راقصة
يعني لو باقول لو كان الدكتور كما ذكر الخبر اخلاقه مش كويسة بس السؤال عــــــــــادي جداً واسألوا المتخصصين قبل ما تشجبوا و تلعنوا و تدينوا ( كالمعتاد)

بس ياعم لو عايز يعمل انيمشن ميجبش راقصه ممكن يجيب مثلا شكل كتكوت بيرقص او اي شكل كاريكاتير مش راقصه

[KeMoZzAzZ]

ههههههههههههههههههههه
انا بصراحه شايف ان السؤال عادى جدا وكمان الطريقة اللى هو كاتب بيها السؤال فى الامتحان عادية
انما اللى اتقال فى المحاضرة هو اللى مش اد كده عشان مهما كان الدكاترة بتهزقنا اوكى بس محدش كان بتوصل بيه للدرجادى
عموما الله اعلم هل قال كده بجد ولا ده شغل جرايد يامستر
بس سؤال الامتحان شايفه طبيعى

[Its My Life]

هههههههههههههههههههههههههههههههه
بصراحه مش قدره أعلق
ممكن أقول الموضوع مكرر بس مش أكتر

[EnG.Mohammed]

حلوه حتت صدرها دي

[Eng_lfc]

هى الجامعات باظة من شويه

[soso2025]

.................................................. .................................................. .....................................

[masternew]

اولا يا جماعة محدش يتكلم عن جامعة المنصورة منغير مايكون يعرف حاجه عن الموضوع
انا هنقلكم الخبر الكامل والموضوع اتحل ازاى.... واراء الطلاب اللى ادوا الامتحان ده

بعد تحقيق توصل إلى أن السؤال "موضوعي ولا يخرج عن المألوف" جامعة مصرية ترفض شكاوى طلاب بشأن امتحان طلب رسم "راقصة"




الامتحان طلب تصميم برنامج يحاكي راقصة بزيّ ملوّن
القاهرة - د ب أ
حسم مجلس جامعة مصرية اليوم الأربعاء 10-6-2009 الجدل المثار حول سؤال في امتحان طلب تصميم برنامج يحاكي راقصة ترقص بـ"بدلة رقص"، بالتأكيد أن الامتحان موضوعي ولا يتضمن أي خروج عن المألوف.

وقالت جامعة المنصورة، شمال شرق القاهرة، في بيان لها صدر اليوم إن "ما أثارته الصحف يأتي نتيجة للخلط واللبس لدى غير المتخصصين حول طبيعة المقرر الذي يتناول استخدام الحاسب الآلي في تصميم برامج الحاسب التي تحاكي الرسوم المتحركة ورسم الأشكال والمناظر والأحداث باستخدام الأشكال الهندسية كالدوائر وغيرها".

وكان سؤال في امتحان مادة "الرسم بالحاسب" لطلاب الفرقة الثالثة بقسم هندسة التحكم والحاسبات والنظم بكلية الهندسة طلب تصميم برنامج يحاكي راقصة ترقص ببدلة رقص "ذات ألوان جاذبة".

وأضاف البيان أن "السؤال يأتي في إطار تقييم قدرات الطالب وقياس مدى استيعابه للمقرر الذي سبق له دراسته".

وأشار إلى "أن مجلس الجامعة في إطار حرصه على إعلان الحقيقة من أجل الصالح العام فإنه يؤكد اعتزازه وثقته في أعضاء هيئة التدريس، ويؤكد أن الابتكار والإبداع العلمي هما الأساس في قيام أساتذة الجامعات بدورهم المنشود في تقدم العلوم والنهوض بالمجتمع، وإن أي محاولة للحد من إبداعهم أو تقييد حرياتهم سوف يكون لها أثار سلبية وخطيرة على المجتمع".

وكان رئيس جامعة المنصورة الدكتور أحمد شهاب الدين فوجئ بمجموعة كبيرة من الطلاب يقدمون له شكوى، بعد أداء الامتحان بشأن سؤال في مادة التصميم الحركي، الذي أثار استياء الطلاب.

وقام عميد كلية الهندسة برفع مذكرة بالواقعة إلى رئيس الجامعة الذي قرر إحالة أستاذين للتحقيق





المصدر : موقع قناة العربية

http://www.alarabiya.net/articles/2009/06/10/75467.html

اراء الطلاب عشان تعرفوا الى حصل بجد ايه هو ..مش تمشوا وراء كلام الجرايد الفارغ

السلام عليكم ورحمه الله وبركاته

انا في ثالثه حاسبات وتحكم

يعني السؤال دا جالي في الامتحان

مش عارفه ايه المشكله ال في السؤال؟

دي حاجه عاديه جدا جدا وطبيعيه

احنا ناس مبرمجين والمفروض نعرف نصمم اي جسم متحرك

وبعدين ما الدكتور شرح البرنامج دا في المحاضره واتناقشنا فيه

وكان سؤال متوقع في الامتحان وانا عن نفسي لما شوفته ما استغربتش ابدا

بالنسبه للطلبه ال قدموا الشكوي ضد الدكتور ليه مش قدموا الشكوي دي بعد ما الدكتور ناقشها في المحاضره؟ اشمعنا بعد ماجت في الامتحان؟

تلكيكه يعني ولا ايه؟ ولا فاكر انه بكدا هياخد درجه السؤال لأنه مايعرفش يحله؟

حاجه غريبه والله

وبعدين مفيش حد له حاجه عن الدكتور وماحدش يقدر يأذيه ولا حد يقدر يقوله انت عملت كدا ليه

دا من الاخر يعني

وعلي فكره يا جماعه الموضوع دا كبر اوي اوي والدكتور اتقال عنه كلام وحش اوي

وطبعا كل ال قال كدا مش فاهم حقيقه الموقف

الكل مركز علي موضوع الرقاصه وبس

مع ان الدكتور يقصد راقصه متحركه بخيوط

انا شايفه ان مفيش اي مشكله في فكره البرنامج

وانا داخله اقول كلمه حق في انسان يستاهل بجد كل احترام وتقدير

انا عارفه انه مش هيشوف كلامي دا ولا هو اصلا يعرفني

بس دا حقه عليا لأنه استاذي

وانا من هنا بقوله

انا لي كل الشرف والفخر انك استاذي واني تلميذتك

وبجد يا دكتور علي انت انسان محترم جدا ومتدين وربنا يكرمك يارب

ويرد عنك كل كلمه وحشه اتقالت في حقك

لأنك لا تستاهل الا كل خير بجد

وانا اسفه بجد لل حصل حتي لو كنت مش راضيه عنه

والف مبروك البراءه والحمد لله ظهر الحق

وياريت بقي كل واحد بيتفوه بتفاهات يبطل ويتقي الله

ويبقي يفهم الاول قبل مايتكلم او يتناقش

وشكراااااااااا ع الموضوع

هو الدكتور علي الدسوقي
69 سنه
من اكبر دكاتره البرمجه في مصر
والمثال ال اعطاه في المحاضره هو بنت راقصه
زي لاعب كوره زي راقصه باليه
مش فارقه كتير

بصوا يا جماعة بصراحة هما عملوا مشكلة من الهوا
انا عرفت الحكاية بالتفصيل فعلا
الشكوي دي كانت المفروض لو هيقدموها يقدموها من بداية السنة أصلا لأنها عندهم في الكتاب بس راقصة باليه
الناس اللي قدموا الشكوي مكنوش يعرفوا أصلا أي حاجة عن اللي موجود في الكتاب وبالتالي معرفوش يحلوا السؤال وبالتالي قالك ايه ده هوا فيه دكتور يجيب سؤال زي ده؟
مع أن السؤال عندهم بس هما ميعرفوش وميعرفوش أن البونامج مشروح عندهم في المحاضرة الاخيرة تقريبا علي ما أتذكر

بكدة يبقي فعلا مفيش مشاكل خالص في السؤال وأن من حق جامعة المنصورة أنها ترفض الشكوي دي

الاعتراض يا جماعة علي مبدأ كلمة "راقصة" دي
كان ممكن يقول تصميم انسان ألي بيعمل اي حاجة
هوا اللي فهمته أن ده برنامج يعني فيه كل حاجة وفعلا اللي ينفذه يبقي فاهم كويس
بس معلش هوا العتاب علي الدكتور مع احترامي الشديد ليه من البداية خالص من ساعة ما حط برنامج زي كدة في الكتاب

أسف لو كنت طولت عليكم
بالتوفيق ان شاء الله