سؤالين فيزيكس ..

[صفحة ف الماضى]

السلام عليكم ورحمة الله وبركاته ،

انا ماعرفتش احط التوبيك ده فين
لان قسم الفيزيا عالمنتدى مخصص لطلبة ثانوية عامة
وماعرفش اذا كانت الحاجات اللى هاسأل فيها دى مقررة عليهم ولا لا
ومش المفروض اكون سبب ف تشتيت حد منهم
ف استحملونى شوية ويا ريت حد يقدر يساعدنى ..


مبدأيا انا كنت ادبى ف ثانوى
وعندى ف الكلية فيزيكس مرتبطة شوية بدراستى وكلها تقريبا ف البصريات والضوء
برضو حاجات بسيطة الحمد لله لكن فيه كام حاجة هاسأل فيها

المهم .. ندخل ف الموضوع ..
الليومن هو كمية الضوء الصادرة من مصدر ضوئى فى ثانية واحدة خلال زاوية فراغية مقدارها الوحدة ... الى اخر التعريف
زاوية فراغية دى معناها الزاوية اللى الضوء بيعملها ف الفراغ لما يسقط على اى سطح ؟
طبعا ده استنتاج عبقرى منى لما حاولت افهم معناها ف لو طلع على قدر لا بأس به من السذاجة
بلاش تريقة وصححولى الكلام اللى قولته ده


تانى حاجة بقى
قانون حساب شدة الاستضاءة لو الضوء عمودى هو
E = I \ r square
لو الضوء بقى مش عمودى على السطح
المفروض اجيب حاجة اسمها المركبة العمودية
يعنى ايه بقى المركبة العمودية ؟
واجيبها ازاى بقى بالمرة لانى ماعرفتش اسمع الدكتر ؟

ايه كمان ؟ .. آه افتكرت
هاحتاج حد يكتبلى المصطلحات دى بالانجليش
1 - الفيض الكلى
2 - الزاوية الفراغية
3 - شدة الاستضاءة

وووو

بس كدة ..
حاجة بسيطة خالص .. يا ريت حد يرد عليا بسرعة بقى
ونشكركم على حسن استماعكم

فى رعاية الله