بجد محتاجه مساعده 000000

[mera_mar21]

السلام عليكم ازيكم ياجماعه
طبعا اكيد كل طلبه تانيه ثانوى دلوقتى مفيش اعصااب عموما ربنا معانا ويحقق امالناااااا
يااجماعه اناعندى مشكله فى المزاكرة تعبانى جداااااااا طول السنه بزاكر الحمد لله لكن انى حاسه دلو قتى انى مزاكرتى مش كفايه ومش الى هدخلنى الكليه الى نفسى فيهااااااا بجد عايزة حد يقولى احسن طريقه فى الفترة دى للمزاكرة ويمكن انا غلطت انى بءت حل على طول بعد مخلصت المنهج مزاكرة بس لانى يعتبر حليت من غير مزاكرة ودلوقتى فى حاجااااااات كتير جدااااااااااا مش فاكرها وبحاول اجمع دلوقتى لكن مش عارفه ازاااااااااااى
ده الى جانب مشكلتى النفسيه حاسه انى حماسى بيقل ومش حاسه برهبه الامتحانات وانهاااا هى الى هتحدد مستقبلى عادى خالص انا كل سنه ببقى فى حاله رهيبه من التوتر والقلق على الاقل السنه دى مش حاسه بقلق (حاجه غريبه)صح
ياااااااااريت حد يقولى اعمل ايه ربنااا يكرمكم
وبالعلم ان انااا ممكن اكول بزاكر اكتر من 12س فى اليوم لكن مش حاسه انى بزااااااكر
عارفه انى طولت عليكم

[smsma81]

هاي ميرا مش كل واحد معندوش اعصاب نقول خلاص هو حاسس بالمسؤليه وبيذاكر وميت فل .
في حياتنا عموما بيبقي لينا هدف اسمي هو ان ربنا يوفقنا في خدمه الاسلام في اي مجال .
ثانيا كل واحدفينا ليه قدرات معينه .واستيعاب معين وكل واحد فينا بيحب حاجه بيتفوق علي التاني في الحاجه دي .ودي ميزه
اول حاجه ثقتك بنفسك وبقدراتك الفعليه وثقتك في الله قبل كل شئ انه يوفقك لل انت متميزه فيه .
وبعدين اعرفي انك بتعملي اللي عليكي وربنا عليه التوفيق .كل خطوه بامر ربنا.وحطي لنفسك هدف اول .وهدف تاني .لو متحققش الاول .يتحقق التاني بإذن الله
اخر حاجه ريحي اعصابك خالص وبلاش تكتمي التوتر لانه موجود بس حاولي تاخدي الامور العادي وانت بتذاكري حطي قدامك فواحه بريحه اللمون .بينشظ العقل.بين كل ماده والتانيه .ريحي اعصابك خمس دقايق واسمعي موسيقي .ومش تفكري في خاجه تانيه .ابدئي بالماده اللي انت بتحبيها.وبعدين الحفظ.احفظي بالكتابهوسمعي لنفسك بالكتابه وحلي اسئله علي الجزءاللي انت حفظتيه .حيديلك ثقه بالنفس.
وربنا معاكي ويعينك علي المواد.ونسمع خبر كويس عنك ان شاءالله

[mera_mar21]

انا بشكرك جدااا على اهتمامك وانا فعلا بعمل كل الى انتى قولتى عليه بس فعلا هى الثقه بالنفس عندى مش عايزة تكمل حاسه انى مش بعمل الى عليا رغم كل ده او بمعنى اصح مش عارفه المفروض اعمل ايه تانى هل انا مزاكرتى دى كفايا ولا ايه مش عارفه ؟؟؟؟؟؟؟؟
معلش اكيد صدعتك وشكرا مرة تانيه بس على فكرة هدفى موجود ونفسى احقق انا عايزة ابقى طبيبه جراحه ان شاء الله ادعولى بقى ربنا يكرمك وثقتى بربنا انه هيكرمنى هيه الحاجه الوحيده الى مطمنانى وكمان انا حاطه قدامى قصيده كدافع هاكتبهااا







ان كنت تبغى المعالى ***فالعلم اهدى سبيلا
واظب عليه مجدا /*** واطلبه دهرا طويلاا
كن بالعلوم ولوعا ترق المقام الجليلا ****واتعب النفس فيها تلق الجزاء الجميلا
العلم للمجد باب *************يامن يروم الدخولا
والحر للمجد يسعى ***ويسهر الليل طولا
لولا العلا ماسهرنا ****بالجد ليلا طويلااااا

[gohainaa]

وانا بردوو نفس مشكلتك اختي

[eng.mmk]

معلش انا اسفه مش هقدر اساعدك لاني لسا في اولي يعني مش هعرف اقولك جدول كويس للمزاكره

بس هقولك حاجه الا مبالاها اللي جتلك بسرعه كدا بدون مقدمات دي جتلي برده قبل الامتحان زي منتي قولتي كأن مفيش اي امتحان و بروود بيغيظ


لازم تعدي مع نفسك لان الحاله دي بتيجي لما تبقي مش عارفه تلمي المنهج يعني رأئي تعدي مع نفسك في صفااااء كدا ربع ساعه و هدوووء تام و تكتبي في ورقه و تقولي لو دخلت الكليه اللي انا عايزاها و اتخرجت و بقيت حاجه كويسه و بقيت انسانه ناجحه و تشوفي انت عملتي ايه السنه كلها عشان تحققي دا و للاسف هيضعي كل المجهود دا لو مش زكرتي و شدتي حيلك اليومين الاخرنيين دول

و تكتبي بردو لو مش دخلتي الكليه اللي انتي عايزاها و تخيلي حياتك هتبقا عامله ازاي و قد ايه هتندمي و ان كل المجهود اللي عملتيه راح علي الفاضي

و اهم حاجه تكلمي مدرسينك في كل ماده و تقوليلهم انا حاسه اني مش مزاكره و الكلام اللي انت قولتيه و هو هيحدلك مستواكي او هيقولك ايه نقط الضعف اللي عندك


سوري طولت عليكي و يا رب تستفادي من الكلام دا من اختك الصغننه

[mera_mar21]

شكرا بجد على اهتمامك
بس انا الحمد لله مستوايا كويس ودرجاتى فى الامتحان التجريبى وامتحان المدرسه التجريبى كانت كويسه جدااااا وانا بطلع من الاوائل الحمد لله يعنى الاولى التانيه كده وده طمنى لانى امتحنت بربع مزاكرة فقولت ان شاء الله اشد حيلى قوى بقى وان شاء الله احقق الى نفسى فيه
بس دلوقتى الحمد لله لميت المنهج الى حد مااااااااااا وارتحت شويه
وشكرا ليكم بجد

[abdelRhman772007]

الرهبة من انتحانات الثانوية ده حالة منتشرة

بس سعات بيبقى فيه ناس شاطرة و مش خايفة من الامتحان
ويزعلوا من كده

برود الأعصاب ده ميزة مش عيب خصوصًا لو مذاكرة كويس
و تانية ثانوى تعتبر سنة سهلة لحد ما

أنصحك تشوفى ندوات أستاذ أسامة عز
لأنها فادتنى لما كنت قدرك و تقريبًا نفس حالتك

فأكيد هتفيدك

و أى طلب فى حاجة معينة فى تانية ثانوى
ممكن أفيدك إن شاء الله

بالتوفيق

[invent_yas2020]

اكيييييييد الاخوه الكرام جزاهم الله كل الخير دلوكى على اجابه وحلول قويه
ايضا عندى حلول كثيره منها الموضوع ده اقرئيه براحتك

بسم الله الرحمن الرحيم
انتا عارف ان الوقت بيجرى،النهارده شوف بقى كام؟؟ يعنى ابتدا العد التنازلى للامتحان والساعه اتغيرت كمان..متخافش.. ولازم تحس بالمسئوليه فعلا علشان لما ييجى وقت الامتحان متخافش ابداً (دى ثقه)
وقبل ما تقرا معايا الكلام ده
لازم تشيل من دماغك اى فكره(سيئه) متفكرش فى يأس او تشاؤم او...<شلتهم من دماغك؟>متحاولش تفكر فى غير فى اللى هقوله
واحسبها كويس
وعيش معايا الاحاسيس دى
(اوعى تنسى==> متفكرش فى حاجه غير اللى هقولهولك).
علشان نقدر نذاكر لازم
نتابع بعض (اللى عنده مشكله يقولها ونفضفض)
واحنا كلنا نساعده ونحلها له(كده كلنا هنذاكر)
..لان احساسنا(الحماس) تجاه المذاكره بيتغير دايما
(وبيقل مع الوقت)
ولو نفسك تذاكر بجد اقرا النقاط دى وافتكرها كويس:
1/ طاعة الله..<اهم حاجه>تكون عايز ربنا يحبك ويديك على قدر حبك ليه (مش مجرد كلام لاء بالعمل)
والله لو جربت تصلى هتلاقى حياتك لذيذه جدا
(طالما انك بتصلى لما تفكر فى أخرتك وتكون عملت واجباتك هتلاقى نفسك سعيد ومش عايز حاجه تانيه )
مذاكرتك معمره بحب ربنا وثقته!!.. يااااااه لو حسيت بالاحساس ده

2/ اعرف اهدافك كويس <وفكر فيها دايما>..ترضى (ربك) لان دى مسئوليه ملزمه منك<هتتحاسب عليها>و(أهلك) اللى نفسهم تكون حاجه كويسه <متضحكش على نفسك.. انتا كده هتضيع مستقبلك بأيدك> وخليك ذكى ومتفائل انك هتكون زى حد انتا بتحبه ونفسك تكون زيه فى العلم (علشان بلدك اللى المفروض انك بتحبها)
والله مش صعبه بس خليك طموح مش هتخسر.

3/ لو عندك مشكله (نفسيه،اجتماعيه) الجأ لربنا واشكيله همك بجد وفضفض مع حد بترتاحله(صديقك) ..وحاول تمارس هوايتك وانتى مضايق )ارسم،ألف بيت شعر او حكمه مثلا) ومتفكرش في المشكله..كده هتتحل فى وقتها.
افتكر النصائح الصغيره دى كويس وحطها فى دماغك وكررها كل شويه:

* ثقتك بربك هتخليك سعيد من المذاكره واعرف كويس انك تقدر وانتا قدها فعلا.

* بص لاصحابك اللى جايبين (جيد جدا وامتياز) <واقعد معاهم واستفيد منهم> واعرف انك كان ممكن تكون واحد منهم...انت اكيد زعلان على نفسك <ولو مش زعلان هتحس فعلا بعد فوات الاوان> ولازم تقول بقوه (انا هكون متفوق زيهم)

* قول (البلد دى لازم لازم تتغير) وانا... هعمل اللى مطلوب منى
* احساسك (بالفخر والسعاده)<مش فخر على الناس!>
..وانتا بتذاكر وبتحضر محاضراتك كده هتحس ان ربنا بيحبك فعلا وهوا ده ( الانسان الراقى اخلاقيا)

* الوقت بيجرى والامتحانات بتقرب فأنت لازم تذاكر بجد واِلاا... ولازم افوووق
من اللى انا فيه (وعمرى ماهخاف طالما بذاكر)
واستغفر ربنا كتير<استغفر الله العظيم حقا> كده مش هتخاف من الامتحان

* وافتكر اقوال العلماء <وحاول تحس تعبو قد ايه>وتذكرالاقول دى كويس جدا
قال تعالى:<بسم الله الرحمن الرحيم>
(ان الله لا يضيع اجر من احسن عملا) <حس الايه دى بجد>
(ولا تيأسوا من روح الله إنه لا ييأس من روح الله إلا القوم الكافرون)
صدق الله العظيم < حقاً >
و(الفشل طريق النجاح) <بلاش يأس وحاول واصبر..هتوصل لهدفك>
(لا حياة مع الياس) لازم تكون متفائل
وهقولكم حاجه... كل ما بفضفض مع حد زيكم كده (وانا وبكتب الموضوع) حماسى تجاه المذاكره بيزيد اكتر
،هنكمل مع بعض وهنقول طرق للمذاكره وازاى نخلى مذاكرتنا فعاله ونصائح <مش نظريه> والخ....
نصائح مهمه جدا جدا:
1/ استغفر ربك كتير اوى لان ده اهم سبب يضيع الخوف ==> قول كل شويه (استغفر الله العظيم) وبأذن الله ربنا هيكرمنا
معلومه => لو حسيت بندم شديد بسبب تهاونت وكسلت فى صلاه او مذاكره يبقى انتا كده فعلا هتكون متفوق لانك هتحاول متتهاونش تانى ابدا
وادعى ربنا كتير انه يسهلك المذاكره ويوفقك وثق ان ربنا واقف معاك
واهم ما فى الموضوع ==>الحفاظ على طاعة الله
2/ لما تحس بملل قبل ما تذاكر وانك ==>(مليش نفس اذاكر) فكَر 3 دقايق مع نفسك فى ايام
الامتحانات< بتاعت الترم الاول ..فاكرها ؟ اوعى تقوللى لاء> افتكر الذكريات والمواقف (المضحه ،واللى أثرت فيك) و فكر فى اهدافك الحقيقية........
هتلاقى نفسك بتقول==>(لازم اذاكر علشان مقعش فى نفس الاخطاء اللى وقعت فيها ايام الامتحانات)
3/ ابقى اتفرج على د/ ابراهيم الفقى تنميه بشريه هيديك حماس شديد ومعلومات رهيبه
وفيه معلومه مهمه جدا:
انتا لو نظمت وقتك وضبطه على مواعيد الصلاه هتلاقى انك نشيط دايما (ده علميا) ويكون نظام يومك ماشى بحيث انك هتروح تصلى الفجر مثلا وترجع تذاكر وتفطر و..... وتروح تصلى الظهر وترجع بردو تذاكر و.....تصلى العصر و...
وهكذا (والله لو جربت هتلاقى نفسك من المتفوقين ده غير راحتك النفسيه)
على فكره اغلبية الطلبه ايام الامتحانات ماشيه على النظام ده <حقيقه>
وافتكر انك لازم تشد حيلك بجد ومفيش دلع.
ابتدى النهارده لو الجمعه صلَى الجمعه وارجع ذاكر هتلاقى نفسك فايق جدا اقرا شويه كده لغاية صلاة العصر ولو هتتغدا مثلا والخ.....
وربنا يوفقنا يا جماعه لان فعلا اكيد والمفروض ان كل الناس بتذاكر

(متنسوش اللى عنده مشكله يقولها)

وطبعا فيه مفاجئات جايه بفضل الله.
طريقة المذاكره الايام دى (مش عارف اذاكر) اضغط هنا وأقرا من غير ما تحرك الصفحه.
استكمالا للموضوع والتأكيد على النقاط المهمه اضغط هنا بدون تحريك الصفحه
نستكمل (هشام عفيفى)
اعرف هدفك ومشاكل المذاكره و.....هتعرف لما تقرا (اضغط هنا بدون تحريك الصفحه)

مقاطع فيديو مهمه جدا قبل ما تبدأ تذاكر وهتفيدك الايام دى اضغط هنا بدون تحريك الصفحه.

والموضوع الاصلى الرابط ده اضغط هنا (استفيد بالمعلومات الشيقه)
والسلام عليكم ورحمة الله وبركاته

[mera_mar21]

انا بشكر حضرتك جدااااااااا بجدربنا يكرمك ويكرمناااااااا