ارجو النصائح

[علومات]

انا طالبه فى ثانويه عامه مرحله اولى

اول يوم يوم امتحان العربى المفروض ان انا امتحن فى استماره رقم 30 والورق 12 ورقه بدون الغلاف

انا جاتلى ورقه غلط 8 ورقات بس طلبت منهم يغيروها رئيس الدور بعتها تتغير فالمدرسه المراقبه قامت وزعت ورق الاسئله قبل ماورقتى ماتيجى

استعجلتها وقلتلها الوقت بيضيع وكمان الامتحان كان طويل جدا وسهل جدا جدا

فات نصف ساعه والورقه ماجتش وانا قاعده مرتبكه خالص اصحابى خلاص خلصوا التعبير وانا لسه ماشوفتش ورقة الاجابه وماعرفش اعمل ايه فاعيط بكيت

واحده من اصحابى بس هيا اللى نادت على الملاحظه وقالتلها ماينفعش كده
فنادوا لرئيس الدور قال ماقيش ورق اجابه وهما راحوا يجيبوا من الاداره الاداره اصلا قدام المدرسه او بعيده يادوب 40 متر
الساعه بقت 10 الا ربع جابو الورقه قلت للمدرسه مش هاقدر اخلص الامتحان فى ساعتين وكمان انا بطيئه جدا فى الكتابه قالتى احنا هانقعد معاكى لحد ماورق الدين يجى اطمنت واقد احل زى المجنونه وانا برتعش برده
واخترت الاسئله ماحلتش كله مع ان كان فى حاجات شاكه فيها وكنت بحل سؤال النحو جات الساعه 12 الا 10 قالوا هانلم الورق علشان نشوف التشطيب وكده والمحاضر قولتلها انتى قولتلى انك هاتقعدى انا لسه ناقصلى بقيت السؤال والسؤال من 15 درجه قالتى: دى مش مسؤليتى انا فى ميعاد ناخد الورق فيه : قعدت اتحايل عليها ياابله خلص ده ومش هاراجع والله كده ماوفقوش وخدوا الورقه منى

وانا ماكملتش
مع العلم اصحابى فى نفس المدرسه حصلهم كده ومدلهم الوقت وكده هانقص كتير فى العربى

اللى عندوا اولاد يقولهم يتمسكوا بورقتهم زى مااصحابى عملم فى اللجان الثانيه علشان انا مالقتش حد يقول لى اعملى حاجه او اتمسكى بورقتك