عارف الفلفل الاسود؟؟

[Pro Saher Abdel-Aziz]

عارف "الفلفل الأسود" !؟

هات طبق .. "أبيض" .. تماما !

املا معظمه فلفل ..

هات حباية فلفل دلوقتي .. أو حبايتين
وتعالى حطهم على اللي حطيته قبل كده

حسيت بفرق !!

هات بقى طبق تاني زيه .. بس فاضي تماما

وحط فيه "فلفلاية" واحدة بس

حسيت دلوقتي بفرق !؟
حسيت اللون الأبيض "اتعكّر" أو "اتأثر" بشكل "واضح" !!

..

ما تستغربش .. لما تلاقي واحد في الشارع مش عارف يرفع عينه من عـ الأرض .. عشان ما يشوفش واحدة كده والا كده !

ما تستغربش .. لما تلاقي واحد ركب معاك في المواصلات .. ولما طلب من السواق يطفي الأغاني .. وما رضاش .. راح قايلله معلش طب نزلني !

ما تستغربش لما تلاقي واحد .. بينقطع عن الدنيا تماما وما تعرفلوش سكة من بعد صلاة العشا وعمره ما اتأخر عن تكبيرة إحرام الفجر -وكل الصلوات- ولا مرة !

..

كل ما تكتر مـ الذنوب .. تجر رجلك لبعضها وتزيد منها
وتفقد الإحساس بعظمها وعظم اللي عصيته
وما يفرقش فعلا في قلبك .. لا تكتير السواد .. ولا تقليل البياض
لغاية ما ييجي وقت -والعياذ بالله- .. يسود كله
ويغلق عليك طريق الرجعة -يختم على قلبك-

وكل ما تكتر بقى مـ الطاعات .. تدلك على بعضها
ويزيد إيمانك .. وتكرهك في الذنوب
وتحسسك بنعيمها .. وبذل وكسر وعظم المعصية مهما دقّت أو صغرت !

و ده هو
" شؤم المعاصي .. وبركة الطاعات "

اوعى ! تحسبها بالورقة والقلم ..
وتقول السيئة مجرد -1
والحسنة +1

فيه حسابات تانية خالص لـ "القلب" !!

[(*أحمد عرفة*)]

جزاك الله خيرا .....

[ahmed el nawam]

جزاكم الله خيرا .. وأي إنسان لا بد من أن يخطأ ومن أن يقع في المعاصي فلا يوجد من هو معصوم ، لكن يمسح هذا الذنب باستيكة كي يعود قلبه أبيض مرة أخري ، والأستيكة هو قول " أستغفر الله الذي لا اله الا هو الحي القيوم واتوب اليه " ... من قالها 3 مرات محيت كل ذنوبه وان كانت مثل زبد البحر ...