|
||||||
| كليات المجموعة الرياضية (الهندسة - الحاسبات والمعلومات - التجارة & التجارة إنجلش - الفنون التطبيقية والجميلة) |
|
|
أدوات الموضوع | انواع عرض الموضوع |
|
#1
28-07-2010, 06:36 AM
|
|||
|
|||
الى كل الباشمهندسين (ارجو الافادة) رجاء التثبيت
السلام عليكم ورحمة الله وبركاته .
ازيكم يا باشمهندسين .. انا عبدالله .. طالب ثانوى .. رايح تالتة ان شاء الله .... الموضوع بسيط خالص ، انا ولله الحمد طالب متفوق بشهادة الجميع ، كنت الاول ابتدائى واعدادى والمثالى على ادارتى المراحل التلاتة ، بس الحقيقة السنة دى انا اجتهدت جدا جدا بس زى ما بيقولوا ما كانش فى توفيق ، بس انا بحمد ربنا وراضى بكل شىء ولعله خير ، انا جبت 92% السنة دى طبعا انا كنت استاهل اكتر من كده بكتيير بس الحمد لله على كل شىء ، طبعا وزى ما انتوا عارفين بمجرد ظهور النتيجة الكل نصحونى انى اكمل رياضة ، خصوصا بسبب المجموع وكده ، انا فى الحقيقة بحب الرياضة بس مش بكل فروعها والحمد لله درجاتى فيها النهائية فيها طوال سنين دراستى ، بس الغريب انها هى المادة اللى قللتنى السنة دى طبعا مش ضعف منى فى المادة لكن ده كان نصيب ... ، المهم انا صليت الاستخارة وربنا هدانى انى اكمل رياضة وحسيت انى ان شاء الله هكون موفق فى كلية الهندسة ، انا بس عايزكم تطمنونى اخبار رياضة 2 ايه بما انكم درستوها وكمان نظرة عن كلية الهندسة ، انا قريت كل المواضيع الخاصة بكليه الهندسة وبصراحة حبيت قسم الميكانيكا جدا انا بس عاوز اعرف ايه نظام اعدادى الهندسة واجيب كام فيه عشان اكمل ميكانيكا وايه مواضيع دراسة الاعدادى والميكانيكا ..؟ انا اسف على انى صدعتكم بس انا هكون شاكر ليكم لما تردوا عليا |
|
#2
28-07-2010, 12:58 PM
|
||||
|
||||
|
خير ان شاء الله
قرار انك تكمل رياضه ده قرار كويس وعلى فكره رياضه 2 غير رياضه 1 خاااااااااالص يعني انت بتقول مبتحبش بعض الفروع في رياضه 1 رياضه 2 فروعها مختلفه تماما وشيقه جدا على فكره ومحتاجه بس مذاكره ستمره والتفوق فيها مش صعب خالص وبالنسبه لاعدادي هندسه فهي زي الثانويه العامه مش فرقه الا في ممواد بسيطه خالص لكن هي فيزياء وكيمياء ورياضه وحاجات كده وبرضه مش صعبه بسمحتاجه ممذاكره يعني مش زي الثانويه العامه أوي بس مش محتاجه مذاكره آخر شهر زي معظم الكليات لازم المذاكره تبقى من الأول وبالنسبه لكليتي ميكانيكا كانت أخده السنه الي فاتت من 66 ودي مش صعب تجبها خالص وربنا يوفقك ان شاء الله
__________________
ما أصعب الاحساس بالفشل
|
|
#3
29-07-2010, 06:17 AM
|
|||
|
|||
|
ـــــــــــــ > الف شكر يا باشمهندسة <ــــــــــــــ
وان شاء الله السنة اللى بعد الجاية نكون زملة باذن الله ودعواتك لينا |
|
#4
29-07-2010, 10:50 AM
|
||||
|
||||
|
اقتباس:
ربنا يوفقك
__________________
ما أصعب الاحساس بالفشل
|
|
#5
30-07-2010, 02:13 AM
|
||||
|
||||
|
ميكانيكا ... القسم اللى في الكلية
يختلف تمام الاختلاف عن مادة الميكانيكا ... اللى بتضم الاستاتيكا والديناميكا قسم الميكانيكا لو كنت قريت عنه وعن مواده فعلاً وحبته يبقى حتبدع فيه لإنه قسم بيبقى غلس جداً للى مش هاويه او مش حابه بس سيبك من حوار الكلية ده لإنه سابق لأوانه وبخصوص المجموع اللى انت محتاجة فده اسهل مما يمكن ان تتصور الصعوبة الوحيدة تكمن في انك تعتمد في المذاكرة على نفسك مش زي دروس ثانوي رياضة 2 عشان اكون صريح معاك اكبر واصعب بمراحل من رياضة 1 واللى مادة (الميكانيكا) فيها بفرعيها تمثل تلت الرياضة فقط فلو في حاجات مدايقاك ومش مكملها خصوصاً في التفاضل وحسابات جيوب الزوايا وقوانينهم يبقى حاول تشد فيهم شوية لإنهم حيعتبرو مبادئ الحاجات اللى حتاخدها في تالتة يعني تشد حيلك في الرياضة اكتر بكتير من السنادي ده عشان تبقى عامل حسابك ومتتصدمش بعد كده
__________________
It was over 3 years since my last visit  |
|
#7
30-07-2010, 04:43 AM
|
|||
|
|||
اقتباس:
عشان استفيد من احلى باشمهندسين زى حضرتك 
|
|
#8
30-07-2010, 04:47 AM
|
|||
|
|||
|
بس انا عاوز من حضرتك نظرة عامة وشاملة عن رياضة 2 (لو ما كانش يضايق حضرتك)
|
|
#9
30-07-2010, 06:48 PM
|
||||
|
||||
|
اقتباس:
بص يا سيدي انت عندك رياضة اتنين دي تلات كتب ... او تلات اقسام كل كتاب فيهم بفرعين الاول كتاب الجبر والهندسة الفراغية التاني كتاب التفاضل والتكامل التالت الميكانيكا الجبر اكيد اتعاملت معاه مش محتاج شرح الهندسة الفراغية دي بتتعامل مع الاشكال في الفراغ وازاي تعمل مقارنة بين ضلعين معينين وتثبت انهم متوازيين في الفراغ او متعامدين بتتعامل مش بس مع الخطوط او القطع المستقيمة بتدخل في المستويات وتقاطع مستويين وتوازي مستويين الخ التفاضل ده برده اتعاملت معاه التكامل ده عكسه بالظبط يعني لو قالك تفاضل س^3 حتقول الناتج 3س^2 لو جه عكس حيقولك تكامل 3س^2 كام حتقوله الناتج يبقى س^3 مش حتبقى حاجات سهلة كدا طبعاً وحيبقى في كسور بقى حتضطر تبسطها وكده وحتشوف استخدامات التكامل في المساحات خاصة والاحجام وكده الجزء التالت وهو الميكانيكا ده ليه فرعين ... استاتيكا الفرع الاول والديناميكا الفرع التاني حيث يختص الاول بدراسة الاجسام الساكنة (رد فعل ووزن وقوة شد وعزم) بينما يختص الثاني بدراسة الاجسام المتحركة من دفع وكمية حركة وشغل وهكذا وده حتلاقي منه بعض حاجات خدتها في فيزيا اولى ثانوي اللى بتحكي عن قوانين نيوتن وكمية الحركة قبل وبعد التصادم
__________________
It was over 3 years since my last visit |
|
#10
31-07-2010, 03:44 AM
|
|||
|
|||
|
الف شكر يا باشمهندس
|
|
#11
31-07-2010, 02:58 PM
|
||||
|
||||
بص ياعم عبدالله انت تنتسي اللي فات وتدخل في نظام 3 ثانوي علمي رياضه خلاص سيبك من دلع تانيه ثانوي لانه كانت نزهه 3 ثانوي وخصوصا علمي رياضه دي الثانويه اللي بجد لان عندك رياضه 2 لذيذه وهتحبها وكمان عندك فيزيا
اولا بس علشان منساش بالنسبه لمجموعك مجموعك كويس بس ان شاء الله تزيد في 3 2في الميه كمان علشان تكون داخل مستريح علي فكره برده الرياضه ضيعتني في 2 ثانوي وكنت جايب 43 او 44 مش فاكر وكان مجموعي بالظبط 94 في الميه ايه رايك في المجموع الجامد ده بقا  المهم ياعم عبدالله رياضه 2 سهله وبسيطه بس هي محتاج شويه مرونه في التعامل يعني متقفلش علي الحاجه وحاول ان تخلي مخك يستوعب كل الحلول رياضه اتنين هي 3 فروع بس انا بعتبرها 6 فروع هندسه فراغيه وجبر وتكامل وتفاضل وديناميكا واستاتيك كل من الهندسه الفراغيه والتكامل هيكون جزء صغير يعني مجرد مقدمات وشويه نظريات وتمارين الفراغيه اللي في الكتاب هي اللي بتيجي في الامتحان اما التكامل ده شويه معلومات وسهل جدا عندكم وبدائي جدا وهتسمتع بيه اما بالنسبه للجبر كويس ولذيذ ومفيهوش حاجه صعبه اما التفاضل دا بقي خلي بالك منه وحاول تحل مسائل علي اد ماتقدر منه لان عندك جزء المعدلات الزمنيه المرتبطه وجزء تطبيقات علي القيم العظمي والصغري عايزين تركيز وتدريب كتير بس الجزئين دول هتلاقيهم في اواخر منهج التفاضل يعني هتكون دخلت في مود الرياضه بالنسبه للميكانيك اللي الاستاتيك والديناميك الاستاتيك ممكن تقول هي اللي ممكن تتعبك شويه اما الدينامك لذيذه وحلوه وهتعيش فيها وعلي فكره اغلب منهج الديناميك كانت فيزيا اولي ثانوي وفي اواخر منهج الديناميك هتلاقي عندك طاقه الحركه وطاقه الوضع وبندول وحاجات كده لها علاقه ب SHM SIMPLE HARMONIC MOTION اللي هي الحركه التوافقيه البسيطه والجزء ده ممتع ارجو انني مكنتش طولت يلا سلام 
__________________
 |
|
#12
01-08-2010, 04:53 AM
|
|||
|
|||
 ألف ألف شكر يابروف ربنا يطمنك يارب زى ما طمنتنى
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 07:07 PM.
