داخلين تانيه ان شاء الله

[ملكه بكلمتى]

ازيكوا يا جماعه انا عملت الموضوع ده علشان نتجمع ونشوف هنبدا السنه الجديده دى ازاى

طبعا هيا مش شهاده بس احنا عايزين نخليها زى الشهاده بحيث نخلى اى ماده صعبه عندنا تبقى سهله علشان

ندخل تالته واحنا مفيش عندنا اى ماده صعبه خالص ونقدر نجيب المجموع

[لا اله الا الله 1000]

انتى ازهر ولا تربية وتعليم

[ملكه بكلمتى]

لا انا ازهر

[Abu Ezz]

فكرة جميلة باذن الله واحنا عاوزين تجمع من الأخوة الأزهرية لنشد من أزر أنفسنا

[ملكه بكلمتى]

يا ريت والله نتجمع بجد لان الثانوى العام بحس انه شغال لكن بصراحه القسم ده نايم وعايزين نصحصحه

[Abu Ezz]

بسم الله الرحمن الرحيم
أنا بإذن الله داخل سنة تانية ثانوى أزهر .
وأنا ممكن أقول حاجة قدرت استنتاجها من السنة اللى فاتت دى سنة أولى يعنى أنا شايف ان احنا لازم نهتم أكثر بالمواد العلمية مثل الفيزياء والكيمياء وهذه المواد من المواد اللى تحتاج تركيز جدا فى الامتحانات لأن الورقة بتكون طويله جدا فى امتحانات الازهر وبتخلى الطالب يفقد التركيز وهذه المواد أكثر المواد اللى بضيع درجات فى تالتة ثانوى أزهر والانجليزى أنا أيضا شايف انها مادة مهمة جدا لأن معظم الطلبة الأزهرية ضعفاء فى هذة المادة ولو حضراتكم شفتم درجات طلبة الثانوية الأزهرية هتلاقوا الطالب جايب 98% وناقص فى الانجليزى 6 ، 7 درجات فلازم نقف عند هذه الأخطاء ونتعلم منها لنتجنب حدوثها فى سنة تالته وباذن الله نعتبر سنة تانية دى بروفة لسنة تالته الفيصل لنا على مدار 11 سنة تعليم سابقة وباذن الله كل واحد منا يجيب فى تالته الكلية اللى هو عاوزها .
والسلام عليكم ورحمة الله وبركاته

[Abu Ezz]

وهذه هى البدايه مننا احنا لازم نبدأ بأنفسنا وباذن الله هنلاقى القسم ده ممتلئ عن قريب ولازم كل واحد مننا يضع الاخطاء اللى وقع فيها فى سنة أولى ونعالجها فى سنة تانية وباذن الله ندخل تالته مفيش فى راسنا غير المذاكرة ومننشغلش بحاجة ولا بأخطاء لأن اللى بيخاف من خطأ أكيد هيقع فية وأنتظر منكم المزيد من الاهتمام بهذا الموضوع .

[ملكه بكلمتى]

بجد عندك حق والله دى ورقه الفيزيا بالذات عامله زى ورقه اللحمه الواحد بيشوفها من هنا وتجيله حاله هيستيريه

[Abu Ezz]

وانت ايه الأخطاء اللى انت وقعت فيها فى أولى علشان نخلى بالنا منها لنكتسب الخبرات من بعض مش شرط الخبرات بالسنين ولكن الخبرات تكون بالممارسة والشغل .

[ملكه بكلمتى]

انا اتحطمت فى النحو مع ان زمايلى كانوا بيقولولى انه سهل
بس انا مشكلتى انى مش عارفه ايه اللى محتاجاه علشان انمى النحو عندى

وللاسف نقصنى فى المجموع جامد

[Abu Ezz]

فعلا لازم نحسن نفسنا فى النحو وخاصة سؤال القطعة لأن أكثر الأخطاء بتكون فيها وأيضا سؤال الإعراب ولازم من مدرسى الأزهر بالمنتدى ان يتدخلوا معانا لأن احنا عندنا فى هذا المنتدى مدرسين على أعلى مستوى فلازم نراهم معنا فى هذا الموضوع وباذن الله النحو السنة الجايية هيكون بالنسبة ليكى أجمل مادة وأنا معالك فى الموضوع ده وبشده .

[ملكه بكلمتى]

يا ريت والله بجد انت مش هتتخيل انا نقصت كام فى النحو والله ده دمرنى وضيع منى الترتيب السنادى

[Abu Ezz]

لا ولا يهمك باذن الله أنا هابذل قصارى جهدى وباذن الله انا هاجيب مذكرات من مدرسين جامدين وعلى امتداد سنة تانية هتلاقى نفسك بتتحسنى كتير والمشكله اللى انت فيها دى مش ليكى لوحدك عندى فى معهدى معظم الطلبه جايبين درجات تحت خالص فى النحو لدرجة الدور التانى .

[ملكه بكلمتى]

انا والله العظيم بطلع فى الترتيب كل سنه وبقفل رجات معظم المواد حتى الصرف اللى زمايلى بيشتكوا منه بجيب الدرجه النهائيه فيه الا النحو كابوس بالنسبالى وبجد اكون شاكره ليك لو ساعدتنى

[Abu Ezz]

باذن الله النحو عندك هيكون من أفضل المواد بس سيبك منه دلوقتى لان احنا لسه فى الاجازة وخلينا فى موضوع تانى أخطر وهو موضوع الغش وده أصبح موضوع أسهل من المذاكرة يعنى فى الاخر اللى ذاكر زى اللى غش وعندى فى معهدى بالدقهلية خش مووووووووووووووووووووووووووت