التدريبات على دروس المنهج

[Mr.Abdallah Habashy]

السلام عليكم

ازيكم يا احلى اعضاء اتمنى تكونوا بخير

انا جت ف دماغي فكرة قلت اشاركها معاكم ف المنتدى علشان يعم النفع لكل الاعضاء

الفكرة اننا نعمل في الموضوع دا نكتب فيه اسئلة التمارين على كل درس في المنهج كل الاسئلة بحيث يكون مرجع لكل زملائنا وطلبتنا انهم يلاقوا تمارين بسهوله ويحلوها بشكل مستمر

والاسئلة هنا مش هتبقى مقتصره على عضو واحد او اتنين انما كل الاعضاء الموجودين يكتبوا اسئلة على الدرس الاول مثلا هنلاقي نفسنا جمعنا كميه كبيره جدا من الاسئلة في نهاية كل ترم

وتتكتب الاسئلة في شكل ملفات وورد او كمشاركة عادية لان الفكرة دي انا عايز اعملها لوجه الله وعشان يستفيد منها اكبر عدد ممكن من الناس بسهولة

والموضوع متاح للجميع بشرط اننا نحط اسئلة كل درس على حدى وقبل ما نحط اسئلة جديده نتاكد ان مفيش زيها بالنص في مشاركات قبل كده عشان نمنع تكرار الاسئلة

وربنا يكرمنا جميعا ان شاء الله