هل تعرفوا ماهي السجائر بنية اللون *أكتشاف من ابتكار المصريين*

[**تسابيح**]

السلام عليكم ورحمة الله وبركاته
مرة كنت بسمع ولد صغير عمره 3 سنين
كان بيغني
فقالي ايه بقي
(انا شارب سجارة بني)
قلت أكيد الولد انحرف
لسه عنده 3 سنين بيشرب سجاير بني

معرفش ايه السجاير البني دي
المهم بقي سألت مامته يعني ايه السجاير البني دي
قالتي:حشيش بعيد عنك
ياليلة بيضا الواد بيشرب حشيش
ودا بقي لما يبقي عنده 8 سنين هيشرب ايه !!
قالتي : انت فاهمة غلط دي اغنية ...
صح العيب فيه انا بفهم غلط
شفتوا انا ظلمت الواد
بصراحة كان هيجي ضغط دم
اغنية بذيئة
المهم اني الأغنية دي وانا ماشية في الطريق بلاقي ناس مشغلها
وفي الراديو برضوا مشغلنها
وانا في بيتنا برضوا بسمعها
طبعا مش عندنا لا
بره جارنا دا بقي مغرم بالأغاني الهابطة التي ليس لها معني
دي مش مشكلتي لاني مش يهمني اي حد بيسمع ايه
مشكلتي بقي انه مش بيسمع لوحده دا بيسمع الشعب المصري كله
بيعلي الصوت
علي آخر درجة ونتصدع احنا
فيه أغنية بتقول ايه بقي

(شرب الحشيش مزاجه عالي )
أغاني كثير ظهرت في مجتمعتنا
اغاني اقل ما يقال عليها وقحة وقحة وقحة
مش محترمة
بالله عليكم الناس اللي بتخلي اولادها
تسمع الكلام الحقير دا
ولا تسمعه هي
ايه الجمال اللي فيه عايزة اعرف
بصراحة انا هيحصل لي حاجة
كلام مش محترمة وانتشرت بين الناس
مثل النار في الهشيم
بقي كل الناس بتقولها بقي كل الناس بتررددها
حتي لو فتحت التليفزيون هتلاقي
السخافة دي في التليفزيون
وتلاقي الناس الهابط دي له معجبيين ومعجبات
مع ان الدعوة صريحة وواضحة
لشرب المخدرات والحشيش والبانجو
تصدق بالله
اني سمعت اغنية
بتدعو دعوة صريحة لشرب الخمر
الا هي أصلا من الكبائر اللي حرمها الإسلام
وبردو المخدرات والحشيش
والسجاير كل دا حرام حرام حرام
المشكلة بقي في الأطفال
زي ما بدأت كلمتي بالطفل دا
تعرفوا ان الأهل هيتحاسبوا علي كلام الطفل دا
مثل ما قال النبي(صلي الله عليه وسلم)
((كلكم راع وكلكم مسؤول عن رعيته، فالإمام راع ومسؤول عن رعيته، والرجل راع في أهله ومسؤول عن رعيته، والمرأة راعية في بيت زوجها ومسؤولة ..............)).
يعني كدا ان المرأة والرجل هيتحاسبوا عن أطفالهم عشان هم لسه مش عرفوا حاجة
وبردوا هما هيتحاسبوا عن نفسهم
عشان سمعوا لنفسهم انهم يردووا الأشياء السخيفة دي
فبدل ما نعلم أطفالنا القرآن والإسلام
نعلمهم السخافة ...!!
وطبعا المغني الذي يسامحه هيتحاسب

لان ربنا سبحانه وتعالي قال
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏
ربنا يهديهم ويهدي الجميع
حاجة مستفزة جدااا...!!