استفسار عن التخصص فى كلية العلوم

[x_hunter2008]

أنا طالب فى 3 ثانوى جبت 98.5% وعاوز ادخل كلية العلوم بس انا علمى علوم وعاوز ادخل قسم فيزيا او كيميا فيزيائية هل متاح ليا اقسام علمى الرياضة ولا لا؟
ويا ريت حد يقولى لو انا مثلا طالب متفوق فى علوم القاهرة فى امل اتعين معيد فى الجامعة ولا فى وسايط كتير ؟؟؟؟؟؟؟؟

[clinical chemist00]

المشاركة الأصلية كتبت بواسطة x_hunter2008

أنا طالب فى 3 ثانوى جبت 98.5% وعاوز ادخل كلية العلوم بس انا علمى علوم وعاوز ادخل قسم فيزيا او كيميا فيزيائية هل متاح ليا اقسام علمى الرياضة ولا لا؟
ويا ريت حد يقولى لو انا مثلا طالب متفوق فى علوم القاهرة فى امل اتعين معيد فى الجامعة ولا فى وسايط كتير ؟؟؟؟؟؟؟؟

للي متاكد منه
ان علمي علوم ليه يدخل قسم الفزياء الحيويه الطبيه

[clinical chemist00]

والمواضيع دي هتفيدك بدور الفزيائي الطبي في تشخيص وعلاج الامراض

http://dahlawi4ever.com/medphys/?p=8

وده موقع الجمعيه الامريكه للفزيائيين الطبيين
http://aapm.org/medical_physicist/default.asp

[x_hunter2008]

شكرا على اهتمامك ويا ريت حد يزودنا بمعلومات اوفر وسورى انا لست مهتم بالفيزيا الحيوية

[عـــادل]

اقسام علمى رياضة غير متاحة لعلمى علوم واعذرنى سوالك لا يحتاج لاجواب بالعقل لما يكون لعلمى علوم مجموع خاص بيه فى كلية علوم وعلمى رياضة مجموع خاص بيه فى علوم هيكون ليهم نفس الاقسام مفترض واحد جايب 98 % لا يسال مثل هذا السوال الذى لا يحتاج اجابة بالفهم تقدر تعرف




والكيمياء والفيزياء متاحة للشعبتين علمى و رياضه

لو تحب تعرف اكتر فى حاجه اسمها دليل الطالب بتشتريه من رعاية الشباب فى كلية علوم


هيعرفك على مواد التخصص وهما بيكونه مادتيين فى كل تيرم

وطبعا فى مواد اساسية زى رياضه وكيمياء وفيزياء دول اساسيين ونقطة مهمه انك فى اولى لو قعت فى كيمياء اولى مش هينفع دخل كيمياء

وسيبك من موضوع انك متفوق ابقى ادخلها الاول وشوف النظام علشان تعرف اذا كنت هتقدر تمشى فيها ولا لاء

[x_hunter2008]

شكرا على اهتمامك يا اخ عادل بس انا بسأل لمجرد التأكد:
أولا: سؤالى الاول كان علشان سمعت ان فيزيا من اقسام علمى رياضة ولقيت ناس دخلوها من علمى علوم فشكيت فحبيت اتاكد بس
ثانيا : الفكرة اصلا اننا بسال من دلوقتى انا مش هجرب كل كلية شوية قبل مكمل فيها واختار .
وانا السنة دى فى تالتة يعنى ده مجموع تانية مش النهائى
وبشكرك مرة تانية

[x_hunter2008]

ويا ريت يا جماعة لو حد عنده دليل الطالب كلية العلوم فى الشرقية او القاهرة ومش محتاجه ممكن يبعتهولى فى البريد وانا مستعد اتواصل معاه عشان نوصل لاتفاق او غيره

[عـــادل]

وعاوز تعرف نظام التعليم ولو تفوقت هتتعين معيد ولا لاء

حمل كتاب اربعين سنة طالب فى كلية علوم

الكتاب ده عرفنى حقيقة الكليات فى مصر لو قريت الكتاب ده هتجد انها بتقصد جامعة غير جامعة القاهرة ومع ذلك لو دخلت جامعة القاهرة هتجد الوضع اسوء من اللى بتكلم عليه اسيبك تقراء بنفسك


تحميل


http://www.multiupload.com/0UJKJ5253W

[x_hunter2008]

هو انت فى سنة كام يا عادل وفى جامعة ايه؟ انا معرفش يعنى دلوقتى المفروض انا اتشائم ولا احبط ولا اعمل ايه دلوقتى؟

[عـــادل]

انا فى اولى علوم القاهرة

بخصوص كتاب دليل الطالب هما صفحتيين بس المهمين بالنسبه لاولى وهبقى اخدهم اسكنر بعديين .


وانا مش قصدى انى اخليك تتشائم لكن بعرفك على جزء من الواقع علشان يكون اختيارك عن علم واقتناع ومعرفة بما انت مقدم عليه

وعلى فكرة انا بصدد عمل كتاب زى نهى العربى اجعله مرجع ومرشد لكل طالب داخل علوم


لانى فى الحقيقة كنت مفتقد المرشد فى هذه الكلية فحابب انى اساعد من هم سيكونه فى مثل حالتى فى البداية

حتى يوفر عليهم وقت ويعرفه كيف يبداوه سريعا بدون تاخير فى محاولة فهم النظام

لكن ان شاء الله فى الاجازة لانى مضغوط اليوميين دول خصوصا مع اقتراب امتحانات الميدتيرم

[x_hunter2008]

ربنا يوفقك فى الامتحانات يا عادل باذن الله ومنتظرين منك كل خير باذن الله ولما تعمل سكان للدليل تبقى باذن الله تعمله موضوع فى القسم عشان الفايدة تعم الجميع.