ارحمــــوا لغة القرآن!

[ostazmath4m]

ارحموا لغة الضــــــــــــــــاد!!
حاجه غريبه فعلا مش غريبه وبس لا بتغيظني انا شخصيا
واعتقد انها المفروض تغيظ اي عربي بيتحدث
بلسان عربي وبيتكلم بالعربيه وبلغه القرآن
تلاقي شخص بيتكلم معاك عربي وفي نص الكلام
تلاقيه يقولك كلمه او كلمتين انجليزي......
وكل شويه يحط كلمه في النص اجنبيه
سبحان الله يعني بيبين انه بيعرف لغات
ولا ايه السبب؟؟؟اتمني ان السبب مايكونش
ان اللغه العربيه تفتقر الايام دي اللي بعض الكلمات
ومعقول لغه كتب بها اشرف الكتب علي وجه البريه
وهو القرآن الكريم هتفتقر برضو لبعض
الكلمات؟؟؟؟؟انها حقا حاجه غريبه
الموضوع ده زاد عن حده بجد ياجماعه
بتقابلني كتيررر انا فاهم كلماتهم ولكن بدايق
واحد يقولك اصل فلان ده المفروض يكون social
مع الناس... يعني ماتعرفش تقول اجتماعي؟؟؟
وغيره وغيره من الكلمات المحبطه...
هو لغتنا مافيهاش كلمات يعني عشان ادور علي لغه
تانيه نجبر بيها قصور لغتنا العربيه......
أظن لو لغتنا العربيه والمعروفه في العالم بلغة الضاد
انها لو كانت تفتقر ولو لحرف واحد فقط كان من باب اولي
ان ربنا ماكانش جعلها لغة للقرآن صح ولا حد معترض؟؟
بل بالعكس والله ان لغتنا تتمتع بالعديد والعديد
من الميزات والتعبيرات ليست في اي لغة اخري
واللي يدرسها كويس يحس بكلامي؟؟؟؟؟؟
اخيرا وليس اخرا رجـــــاء ارحموا لغة القرآن
افتخر واملئ قلبك فخر انك بتتكلم بالغة العربيه
دي لغتنا علمت العالم كله .........
انتوا عارفين عصر العلم بدأ في الغرب ازاي؟؟
بترجمه الكتب العربيه العلميه يعني كانوا زمان
بيتعلموا لغتنا عشان يتعلموا العلم.......
كفا بنا فخرا أن ننطق بالعربيه.......


ياريت اسمع ردودكم وشكــــــــــرا