()*()السلبية التي تولد الايجابية()*()

[ياسمينايا]

السلام عليكم ورحمة الله وبركاته

...

عاملين ايه ياجماعة يارب تكونو بخير في البرد ده

..

المهم عايزة احكيلكو على حاجة مهمة

..

عنوانها ((السلبية التي تولد الايجابية

))

كنا في مرة فى محاضرة من اسبوعين كده مع الدكتور الاسباني بتاعنا..المهم قعد يتكلم وحش عن مصر بالذات في موضوع النظافة وان احنا مش بنهتم بنظافة شوارعنا .بس هو بقى عمال على بطال بيتكلم عنها وحش ((سبحان الله مع ان مصر دي ليها فضل عليه

))

معظم الدفعة كانت بتضحك على التريقة بتاعتو وقليل كانو مضايقين ..انا عن نفسي اتضايقت جدا

..

قلت ارد عليه ..بس مش بالكلام وانما بالفعل

..

جاتلي فكرة ..وجمعت يجي عشرين بنت ..وقولتلهم ليه منلمش الزبالة الفى الجامعه ..نبدأ من نفسنا الاول ..يعني منرميش حاجة على الارض ..ولو مفيش سلة زبالة..نحطها فى الشنطة لحد ما نروح بيتنا

..

وبعدين نبدأ من المدرج الاحنا فيه ..يعني بعد المحاضرة نلم الزبالة الفي المدرج ..وفعلا عملنا كده النهارده وبجد مكملناش 5 دقايق عشان احنا حوالي كنا خمسة ..وخلصنا بسرعه جدا

..

وبعدين نبدأ ننطف الكلية....ونحاول ننصح الناس ميرموش على الارض ..والله بتبقى السلة جمبهم ويرمو على الارض ..مزاج يعني ..بجد حرام عليهم ده حتى النظافة من الايمان

..

بعد كده نبدا نوزع نفسنا على كل الكليات الفي الجامعة

..

عايزة اقولكو اني وانا بقترح الفكره على بعض الناس خد تريقة فظيعة وضحك وكأني بقول نكتة ..بصراحة مستغربتش لاني كنت متوقعة ده ..بس بصراحة مكنتش متوقعه ..كميه البنات الوافقو يشاركو في خلال يومين ..الحمد لله بجد احساس جميل قوى لماتحس ان انت اثرت على حد في شئ مفيد ..
عارفين ان مبسوطة ليه من الحصل في المحاضرة ..لان ده كان دافع كبير قوي ليا في الفكرة وتنفيذها كمان في وقت سريع جدا ..((السلبية التي تولد الايجابية ))
قصدي اقول ان احنا ممكن نستفيد من الحاجات السلبية ونخليها ايجابية ..مش في الموضوع ده بس لا وفي اي حاجه في حياتنا ..
انا هحاول انشر الموضوع ده اكتر واكتر تحت مسمى ((حملة النظافة ))وعايزة نوصل على الاقل ل 100 عشان نوزع نفسنا ومنضيعش وقتنا ..ه طبعا على نطاق جامعه القاهره ..
انا بقولكو الفكرة دي عشان تعملوها في نفسكم اولا ..بيتكم ثانيا ..جامعتكم ثالتا ..
يلا ياجماعه انشرو الفكرة دي على قد ما تقدرو ..وخلو عنكو ارادة ومتيأسوش ..
وصدقوني ثوابها كبير قوي عند ربنا ..وبجد ربنا هيكرمكو ويوفقكو في حياتكو ..
ياريت تنورو الموضوع بارائكم ..
وشكرا ...

...