إلي جميع موظفي الأزهر الشريف لماذا 200% و 125%

[أبوديناالنجار]

لماذا يأخذ العاملون بقطاع المعاهد ومشيخة الأزهر ومدينة البعوث 200% من أساسي كل شهر

كذلك العاملون في المناطق الأزهرية 125% من أساسي كل شهر

أين حقوق باقي العاملين بالأزهر

[مصطفى كوته]

العدل اساس الملك

[ابوحافظ]

نناشد بالمساواة والعدل من الطيب العادل

[السيد أبو مروان]

يجب المساواة بين جميع العاملين بالازهر معلمين واداريين وغيرهم لانهم كلهم يعملون بالازهر

[أ.حسين احمد]

ان شاء الله اللى احنا عايزينه هيتحقق

[MR.Mamdouh Ramadan]

والله ا كتر ناس تعبانة هم المدرسين طول النهار اسكت ياض اسكت بت حاجة تقرف

[ابوجنات]

منتهى الظلم للمدرس

[أبوديناالنجار]

هذه الحوافز سوف تطبق من الشهر الحالي وطبعاً ذلك بخلاف المميزات الأخري وحوافز ال 25% اللي الكل بيأخذها

[محمودقنديل]

كوسه كبيره الف مبروك علي المدرسين الكوسه ومبروك للعاملين في القطاع والمناطق الفلوس يا جماعه لابد يكون عندنا دم الناس دي بتتعب كتير الواحد فيهم يروح الساعه تسعه يبدا بالفطار وبعد كده الشاي واللف علي المكاتب التانيه انا عن نفسي لما اروح المنطقه اكرة نفسي منتهي قله الادب في المعامله وعنجهيه وغطرسه كانك شغال عندهم فعلا شيخ الازهر يجب ان يكافئ هؤلاء العاملين لانهم ببساطه عرفوا يستغلوا الظروف ام نحن كنا قعدين في الشمس في انتظار المنحه فهل نبقي في انتظار المنح التي اعتقد اه راحت لجيوب ممن لا يرحم ومن هنا لابد للكل ان يرسل برقيه تهنئه للعاملين في القطاع والمناطق

[سعد الشيخ]

السلام عليكم جميعاً ورحمة الله وبركاته
هذا الأمر بالذات يتطلب وقفة جماعية .ايه مبرر شيخ الأزهر في ذلك ؟ أنهم يتأخرون شوية في شغلهم؟
أيضاً نحن المدرسين نقرأ الدروس في منازلنا وننكب عليها ونكتبها في دفتر التحضير . وهذا يستغرق ساعات وخصوصاً من المدرسين الذين يحضرون دروسهم بذمة وإخلاص , ولا ينقلون تحضيرها من كشاكيل الأعوام السابقة .
يجب أن نقف وقفة جماعية , ونحدد يوم سوياً ونذهب فيه سوياً بمطالب مكتوبة لشيخ الأزهر .
يجب أن نكون يد واحدة .

[سعد الشيخ]

و الساكت عن الحق شيطان أخرص . ولا يضيع حق وراءه مطالب

[فواز عبادى عزب]

هذا امر محزن ومهين لمعلمى الازهر ان يكون المعلم وهو عصب العمليه التعليمه والذى يقف على قدميه طوال اليوم داخل الفصل ويتحمل مايحدث من بغض الطلاب فى سبيل اداء رسالته يكون هو اقل النالس دخلا ويتميز عنه العاملون فى القطاع والمناطق الذىن يجلسون فى مكاتبهم

[ديناواحمد]

الاخ سعد بلاش فضايح اخرس بالسين مو بالصاد عرفت لية احنا مش بنتساوى باى حد

[محمودقنديل]

نحن مش في حصه املاء علشان تعلق عليه بهذا الشكل الكتابه علي الكيبورد شئ والاملاء شئ تاني والموضوع مش محتاج استخفاف من احد نحن نطالب بحقوق كل شخص عرفت ليه احنا مش بنتساوي بحد علشان فينا ناس ضميرها سئ يدخل الموضوع علشان يعلق بسخافه علي الموضوع وعلشان تعليق سيدتك كلمه اخرس كانت بالسين او الصاد او بالجيم او باي حرف ليست المشكله ام المشكله في حق ضائع

[الاشراف1]

أساس الاصلاح فى التعليم يبدأ من المدرس فلا بد من الاهتمام به اولا