والذى وقعة أمس بتعيين جميع العاملين بالأجر والمكافأة الشاملة والعقود،...انا هاتجنن

[mostafa2222]

فض اليوم المئات من المتعاقدين والأجر والمكافأة الشاملة بتعليم الإسماعيلية تظاهراتهم التى استمرت لأكثر من خمسة أيام أمام مديرية التربية والتعليم بعد تسليمهم صورة من قرار وزير التربية والتعليم العالى، الدكتور أحمد جمال الدين موسى فى الوزارة المقالة، والذى وقعة أمس بتعيين جميع العاملين بالأجر والمكافأة الشاملة والعقود، دون التقيد بالحصول على دبلومة تربوى أو الرخصة الدولية لقيادة الكمبيوتر فى الوقت الحالى، ولكن من الممكن استكمالها فى وقت لاحق، حسب قولهم.
وكان المئات من تعاقدات التربية والتعليم قد تجمعوا اليوم أمام مديرية التربية والتعليم بالإسماعيلية مطالبين بقرار الوزير والتأكيد على تفعيله، خاصة بعد قرار إقالة وزارة الدكتور الشفيق، وأكد لهم المسئولون أن قرار التعيين سار، وسوف ينفذ خلال الأيام القادمة.


حد يفهمنى شرط ال3 سنين
ولا الكل هايتثبت الواحد بجد اعصابه باظت
يارب الكل يتثبت

[ahmad$]

الوزير كان قرارة تثبيت كل من مضي عليه 3 سنوات علي ان يتم تصحيح الاوضاع لاحقا يعني نبقي تاخد دبلومه وتقدم اكاديميه بعد ما تتثبت دا اللي انا فهمته والله اعلم

[miss nora2]

سلام من بلد الكلاااااااااااااااااااااااااااااااااام

[محمد اثير]

قرار فاشل
ومبهم وغير مموضح بالمرة
كان فى تفصايل يجب ذكرها كتير

[كوكو حمادة]

ده معناه انا كل من يعمل ثلاث سنوات متواصلة حيتثبت بـــــــــــــــــــــــــــــــــــــــــــــــــ ـــــــــــــــــــــــــــــــــس انما الوزارةى كانت بتعمل حاجة ان كل اخر كل عام دراسي يتم الفصل ثم نعود في بداية الدراسة فمفيش كم يعمل ثلاث سنوات متواصلة ابدا الا العقود المميرة فقط لانهم يجدد له على طول انما اللى بالاجر فلا فلا فلا فلا فلا فلا فلا والمفاجأة انه الوزير لم يأتي بجديد لان هناك قانون 47 لسنة 78 يقول من يعمل ثلاث سنوات يرفع قضية ويتم التثبيت ثاني يوم والجديد في الامر انه قال ثبت يعني مش حنرفع قضية ولا يحزنون

[على مجاهد عبدالله]

لا استاذى الثلاث سنوات تحسب من بداية عملك سواء بالحصه او المكافاءه او العقد وعليه تم احتساب المده الموجوده قبل العقم بتاع المعلم المساعد هذا الكلام معلق عندنا فى ادارة المنزله دقهليه وتم تعين كل متعاقدى المنزله الذين اتمو ثلاث سنوات سواء بالحصه او غيره بصرف النظر عن الكادر او الرخصه كلها مسائل ماليه

[salems]

القرار 53 قال تعيين لمن امتحن واجتاز
القرار 75 قال تثبيت ؟؟؟؟؟؟؟؟
هناك فرق أكيد

[ناجى اسماعيل عبد النبى]

ياعم بطلو استهبال اللى اشتغل 3 سنوات دراسية متواصلة هايتم تثبيتة وهايمتحن يوم 15 7 لانة اتحسب انو كان عامل عقد مميز لان شغل الحصة مش موجود فى القانون انا من الاسماعيلية وكنت فى المظاهرة وكنت فى الوزارة وكنا الاسبوع اللى فات مع الوزير

[على مجاهد عبدالله]

التثبيت ليس على درجه ماليه وليس له حقوق المعينين من اجازات وخلافه وليس هناك تعين الا للمعلم المساعد الذى حصل على الكادر والرخصه وهذا واضح من قرار الوزير حين قال تثبيت لحين استكمال الاجراءات القانونيه من كادر ورخصه حتى يتم التعين الرسمى وموجود فى بوابة المعرفه على موقع الوزاره اولا تثبيت المتعاقين والحصه لمن امضوا ثلاث سنوات وعلى فكره تحسب الفتره من بداية العمل بالحصه او الممافاءه او العقد
ثانيا تعين المعلمين المساعدين الذين اجتاذو الكادر وحصلوا على الرخصه واتموا الشروط كامله من 1/3/2011 اذهبوا لبوابة المعرفه على موقع الوزاره

[احمد8585]

يا جماعة لابد من الغاء الاكاديمية الاهانية للمعلمين اشمعنا احنا اللي بنمتحن انا عاوز شهادة صلاحية منالوزير انه وزير وشهادة صلاحية للاطباء والمهندسين والصيادلة والشيوخ اشمعنا احنا وعلى فكرة اي واحد مش مع الغاء الاكاديمية يبقى من فلول الحزن الوطني الفاسد السابق لازم نعمل اعتصام مفتوح زي يوم الاحد القادم لالغائها ومحدش ينسى ان كل لعقود المميزة مرتبطة بالقرا الفاشل رقم 155 الله ينتقم من اللي وضعة وينتقم من حسني مبارك اللي وافق عليه ويشرد ولاده

[محمد ناجح خض]

حد عارف حاجة

[عمروو كمال]

يا جماعة بصراحة الواحد خلاص بقي متلخبط
يعني دلوقت احنا متثبتين ولا إيه ؟
إيه التضارب الكتير ده؟

[marwasamy]

المشاركة الأصلية كتبت بواسطة mostafa2222

فض اليوم المئات من المتعاقدين والأجر والمكافأة الشاملة بتعليم الإسماعيلية تظاهراتهم التى استمرت لأكثر من خمسة أيام أمام مديرية التربية والتعليم بعد تسليمهم صورة من قرار وزير التربية والتعليم العالى، الدكتور أحمد جمال الدين موسى فى الوزارة المقالة، والذى وقعة أمس بتعيين جميع العاملين بالأجر والمكافأة الشاملة والعقود، دون التقيد بالحصول على دبلومة تربوى أو الرخصة الدولية لقيادة الكمبيوتر فى الوقت الحالى، ولكن من الممكن استكمالها فى وقت لاحق، حسب قولهم.
وكان المئات من تعاقدات التربية والتعليم قد تجمعوا اليوم أمام مديرية التربية والتعليم بالإسماعيلية مطالبين بقرار الوزير والتأكيد على تفعيله، خاصة بعد قرار إقالة وزارة الدكتور الشفيق، وأكد لهم المسئولون أن قرار التعيين سار، وسوف ينفذ خلال الأيام القادمة.


حد يفهمنى شرط ال3 سنين
ولا الكل هايتثبت الواحد بجد اعصابه باظت
يارب الكل يتثبت

ياجماعةت اللى يتكلم يتكلم رسمى بالنسبة للمعلمن المساعدين تعين

فين الفاكس اللى بيثبت كلامك

[MR : ABO BATTA]

الثلاث سنوات تبدأ من اول يوم استلمت فيه العمل في اول مدرسة عملت بها فلو واحد اشتغل لأول مرة مثلا عام 2006 حتى الآن تحسب له 2006 و 2007 و 2008 و 2009 و 2010 وهكذا

[mostafa2222]

المشاركة الأصلية كتبت بواسطة أبــو بطــــــــــة

الثلاث سنوات تبدأ من اول يوم استلمت فيه العمل في اول مدرسة عملت بها فلو واحد اشتغل لأول مرة مثلا عام 2006 حتى الآن تحسب له 2006 و 2007 و 2008 و 2009 و 2010 وهكذا

'المشكلة بقى
2011 اللى احنا شغلين فيها حاليا هاتتحسب
ولا ايه النظام